• News Portal

    • आज :

    ताजा शिर्षकहरु

    चर्चित शिर्षकहरु

    समाचार

    अछाममा पनि कोरोना संक्रमण पुष्टि

    1.4K
    SHARES

    काठमाडौं । सुदुरपश्चिम प्रदेशको पहाडी जिल्ला अछाममा पनि कोरोना संक्रमित भेटिएका छन् । स्वास्थ्य तथा जनसंख्या मन्त्रालयका अनुसार अछाम अस्पतालमा भर्ना भएका अछामको मेल्लेख गाउँपालिका ३२ बर्षिय पुरुषमा कोरोना संक्रमण पुष्टि भएको हो ।

    यस्तै भेरी अस्पतालको प्रयोगशालमा गरिएको परीक्षणमा ३ जनामा कोरोना संक्रमण पुष्टि भएको छ । उनीहरु बर्दियाका गुलरिया–१० का २२ र २४ वर्षीया पुरुष र गुलरिया –२ का १८ वर्षका पुरुष रहेका छन् । यस्तै नारायणी अस्पतालको प्रयोगशालमा गरिएको परीक्षणमा २ जनामा कोरोना पोजेटिभ आएको छ ।

    उनीहरु पर्साको जिराभवानी गाउँपालिकका–४ का वर्षीय पुरुष १८ वर्षीय पुरुष र काठमाडौं महानगरपालिका–१५ घर भएका बारा कलैयामा कार्यरत एक जना २८ वर्षीय पुरुष रहेका छन् । स्वास्थ्य मन्त्रालयका प्रवक्ता डाक्टर विकास देवकोटाले हालसम्म १ सय १२ जनाको डिस्चार्ज भएको पनि जानकारी दिए ।

    उनले पछिल्लो पटक नारायणी अस्पतालबाट १८ जना, पाटन अस्पतालबाट धनुषा, काठमाडौं, धादिङ, दाङ र वर्दियाका एक-एक जना पनि डिस्चार्ज भएका छन् । यस्तै टेकु अस्पतालमा रहेका सर्लाहीका ३४ वर्षीया पुरुष पनि डिस्चार्ज भएका छन् ।

    चौथौ व्यक्तिको मृत्यु पुष्टि
    स्वास्थ्य मन्त्रालयका प्रवक्ता डाक्टर देवकोटाले नेपालमा कोरोना संक्रमित चौथो व्यक्तिको मृत्यु भएको पनि पुष्टि गरेका छन् । प्रवक्ता डा देवकोटाले स्वास्थ्य मन्त्रालयको नियमित लाइभ अपडेटमार्फत वीरगञ्जको नेसनल मेडिकल कलेजमा गत जेठ ४ गते मृत्यु भएका व्यक्तिमा कोरोना संक्रमण पुष्टि भएको बताएका हुन् ।

    प्रवक्ता डा देवकोटाका अनुसार नेसनल मेडिकल कलेजमा ४ गते मृत्यु भएका ७० वर्षीय पुरुषमा श्वासप्रश्वास सम्बन्धी दीर्घ रोग भएका बिरामी थिए । उनलाई ट्युवर क्लोसिस भएको पनि डा देवकोटाले बताए ।

    श्वासप्रश्वासमा समस्या भएर जेठ २ गते अस्पताल भर्ना भएका उनको स्वाब कलेक्सन भएको थियो । उनको नारायाणी अस्पतालमा नमूना शंकास्पद भएपछि उनको नमूना राष्ट्रिय जनस्वास्थ्य प्रयोगशालामा पठाइएको थियो । उनको जेठ ४ गते नै मृत्यु भएको थियो ।

    डा देवकोटाले उनको सम्पर्कमा आएका व्यक्तिहरुको जेठ ५ गते नै कोरोना परीक्षण शुरु गरिएको बताए । डा देवकोटाका अनुसार मृतकको नमूना पोजेटिभ आएसँगै कूल संक्रमितको संख्या ६ सय ८२ पुगेको छ ।

    सञ्चारकेन्द्र
    [email protected]

    नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।

    सञ्चारकेन्द्रबाट थप +
    प्रतिक्रिया

    आजको ट्रेन्डिङ