• News Portal

    • आज :

    ताजा शिर्षकहरु

    चर्चित शिर्षकहरु

    गीत-सङ्गीत भिडियो

    लकडाउनकै बीचमा ‘मायाको सुगन्ध’ सार्बजनिक भिडियोसहित

    काठमाडौं। योगेश काजी र सारिका घिमिरेको स्वर रहेको गीत ‘मायाको सुगन्ध’ सार्वजनिक भएको छ । सारिका घिमिरेको शब्द अनि योगेश काजीको सङ्गीत संयोजन, एचवीएन किस्मतको मिक्सिङ्/माष्टरिङ रहेको ‘मायाको सुगन्ध’ गीतको भिडियो कार्टुन्ज क्रुको अफिसियल युट्युब च्यानलबाट सार्वजनिक भएको हो ।

    सार्वजनिक भएको करिब ६ घण्टामै युट्युबको ट्रेन्डिङ्गमा आएको भिडियोमा सरोज अधिकारी र आस्मा विश्वकर्माको साथमा पेम्बा मगर, ज्ञानेन्द्र हुमागाईं, आस्था विश्वकर्मा, निमबाबु तामाङ, सन्देश थापा, केभिन विश्वकर्मा लगायतको अभिनय देख्न सकिन्छ । डान्सिङ्ग भिडियो गर्दै आएको कार्टुन्ज क्रुले पहिलो पटक अभिनयमा आधारित लभ स्टोरी म्युजिक भिडियो बनाएको छ । सम्भवत नेपाली म्युजिक भिडियोको इतिहासमा अप्लोड भएको सबैभन्दा कम समयमा युटुब ट्रेन्डिङ्ग मा प्रवेश पहिलो पटक पर्न सफल भएको छ यो गीत ।

    सरोज अधिकारीको निर्देशन रहेको उक्त भिडियोलाई ज्ञानेन्द्र शर्माले पर्दामा उतारेका छन् । भिडियोको दृश्य सम्पादन भने पवन शुष्लिङले गरेका हुन् । नायिका तथा मोडल सारिका घिमिरे यतिवेला गीत मार्फत पनि स्रोता र दर्शकको मन जित्न सफल भएकी छन् भने योगेशकाजीका गीत पनि एक पछि अर्को स्रोता र दर्शकको रोजाइमा रहेका छन् । यो जोडीले पछिल्लो समय स्रोता/दर्शकमाझ पस्किएका गीतले चर्चा पाउनका साथै युट्युवमा ट्रेन्डिङ्गमा पर्दै आएका छन् ।

    ‘एस इन्टरटेन्मेन्टको प्रस्तुतिमा सारिका र मेरो स्वरमा रहेको गीत ‘मायाको सुगन्ध’ स्रोता/दर्शकमाझ प्रस्तुत गरेका छौ, हाम्रा अन्य गीत जस्तै यो गीतले पनि सबैको माया साथ सहयोगका साथै हेरेर प्रतिक्रियोको अपेक्षा राखेका छौ’, योगेश/सारिकाले भने । विश्वभर कोरोनाको महामारीले त्रास फैलाएर प्राय देशका नागरीकहरु लकडाउनमै रहेका बेला सार्बजनिक भएको भिडियोले मनोरन्जन प्रदान गर्ने त छ नै यसैमा संगीतप्रेमीहरुले घरमै बसेको फुर्सदमा नयाँ स्वाद चाख्न पाउने भएका छन् ।

    अरु मुलुकका तुलनामा नेपालीहरु अलि बढी नै इन्टरनेट,मा समय बिताउने गर्छन । सामाजिक संजाल र युट्युबमा समय बिताउनेहरुका लागि यो भिडियो समय काट्ने र अत्यास मेट्ने माध्यम हुन सक्ने योगेश/सारिकाको अनुमान छ ।

    प्रतिक्रिया

    संचारकेन्द्र ट्रेन्डिङ