• News Portal

    • आज :

    ताजा शिर्षकहरु

    चर्चित शिर्षकहरु

    पत्रपत्रिका

    कोरोनाको रोकथाम र उपचारका लागि सरकारले गर्यो फेरी यस्तो ठुलो घोषणा

    7.9K
    SHARES

    काठमाडौं । अर्थ मन्त्रालयले कोरोना भाइरस (कोभिड–१९) को संक्रमण रोकथाम, नियन्त्रण तथा उपचारका लागि हालसम्म करिब डेढ अर्ब रुपैयाँ निकासा गरेको छ ।

    अर्थले मुख्य रुपमा स्वास्थ्य मन्त्रालयकै बजेट ८५ करोड रुपैयाँ बजेट रकमान्तर स्वीकृत गरेको छ । स्वास्थ्य मन्त्रालयकै अन्य कार्यक्रमबाट रकमान्तर गरी खर्च गर्न बजेट उपलब्ध गराइएको मन्त्रालयका सहसचिव धनीराम शर्माले जानकारी दिए ।

    ‘मेडिकल उपकरणहरु किनेर अस्पतालहरुको स्तरोन्नति गर्न यो रकम खर्च हुन्छ,’ उनले भने, ‘अहिलेसम्म स्वास्थ्यलाई वार्षिक स्वीकृत बजेटभन्दा थप रकम दिनुपरेको छैन ।’

    त्यसैगरी ‘कोरोना भाइरस संक्रमण रोकथाम, नियन्त्रण तथा उपचार कोष’मा पनि ५० करोड रुपैयाँ बजेट दिइएको छ । चीनबाट नेपाली विद्यार्थीहरुलाई उद्धार गरेर क्वारेन्टाइनमा राख्दा १३ करोड रुपैयाँ खर्च भएको थियो ।

    यस्तै सरकारले विवादमा परेको मेडिकल सामाग्री खरिद सम्झौता रद्ध गरेको छ । स्वास्थ्य सेवा विभागका महानिर्देशक महेन्द्र श्रेष्ठले ओम्नी समूहसँग भएको सम्झौता रद्द गर्ने निर्णय भएको बताए ।

    स्वास्थ्य मन्त्रालयको नियमित पत्रकार सम्मेलनमा बोल्दै स्वास्थ्य सेवा विभागका महानिर्देशक महेन्द्र श्रेष्ठले ओबीसीआई कम्पनीसँग ठेक्का सम्झौता रद्ध गरेको जानकारी दिए ।

    ‘बजार भाउ भन्दा २० प्रतिशत बढी मूल्य छ, हामीले भनेको समयमा भने जति औषधि ल्याउनु भएन, उहाँहरुले मार्च ३० तारिख सम्ममा १० प्रतिशत मात्र सामान ल्यानुभयो,’ श्रेष्ठले भने, ‘पैसाको हिसाबमा १८ प्रतिशत रकमको सामान ल्याउनु भयो, उहाँहरुले दोस्रो लट भोली पेस गर्नुपर्ने सामाग्री ल्याउन सक्ने अवस्था छैन र अहिलेसम्म ल्याउने प्रतिवद्धता पनि गर्नुभएको छैन, त्यसैले हामीले आज (बुधबार) त्यो सम्झौता रद्ध गरेका छौं । सम्झौता रद्ध गरेर उहाँहरुलाई उहाँहरुको धरौटी जफत गर्ने र कालो सूचीको लागि प्रक्रिया अगाडि बढाउने निर्णय भएको छ ।’

    स्वास्थ्य मन्त्रालयले कोरोना संक्रमणको उपचारमा आवश्य पर्ने स्वास्थ्य सामाग्री खरिद गरी आपूर्ति गर्ने गरी ओबीसीआई नामक कम्पनीसँग चैत १४ गते ठेक्का सम्झौता गरेको थियो ।

    स्वास्थ्य मन्त्रालयले एक अर्ब २४ करोड रुपैयाँको ठेक्का सम्झौता रद्ध गरेको हो । स्वास्थ्य मन्त्रालयले सो कम्पनीमाफर्त केही स्वास्थ्य सामाग्री नेपाल ल्याएर प्रदेशहरुमा वितरण समेत गरिसकेको छ ।

    सञ्चारकेन्द्र
    [email protected]

    नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।

    सञ्चारकेन्द्रबाट थप +
    प्रतिक्रिया