• News Portal

    • आज :

    ताजा शिर्षकहरु

    चर्चित शिर्षकहरु

    अन्तराष्ट्रिय

    सु’लेमानीलाई श्रद्धाञ्जली दिदा भक्कानिएर यसरी रोए इरानका सर्वोच्च नेता

    11K
    SHARES

    एजेन्सी । इरानका सर्वोच्च नेता अयोतुल्ला अलि खामेनीले सोमबार तेहरानमा एक समारोहीच सै’न्य क’माण्डर कासिम सु’लेमानीको ‘कफिन’मा प्रार्थना गर्दै श्र’द्धाञ्जली व्यक्त गरेका छन् । सु’लेमानीप्रति श्र’द्धाञ्जली व्यक्त गरिरहँदा सर्वोच्च नेता खामेनी आफैं भक्कानिएर रोएका थिए । खामेनी रोइरहँदा त्यहाँ उर्लिएका हज्जारौ) जनाको भीड शोकमा डुबेको देखिन्थ्यो ।

    श्रद्धा’ञ्जलीसभामा लाखौं इरानी सर्वसाधारणको उपस्थिति देख्न सकिन्थ्यो । हज्जारौं युवायुवतीहरुको उपस्थिति रहेको सभामा अमेरिकी राष्ट्रपति डोनाल्ड ट्रम्प विरुद्ध नारा लेखिएका ब्यानरहरु बोकेका थिए । एउटा ब्यानरमा लेखिएको थियो, ‘कासिमको जुत्ताको मूल्य ट्रम्पको टाउकोको मूल्य भन्दा बढी हो।’ सडकमा युवा र वृद्धहरू ठूलो संख्यामा उपस्थित थिए भने महिलाहरु कालो पोशाकमा उपस्थित थिए ।

    सुलेमानी शुक्रबार बग्दाद अन्तर्राष्ट्रिय विमानस्थलनजिकै भएको अमेरिकी ड्रोन हमलामा मारिएका थिए । शुक्रबार अमेरिकी सेनाको विशेष प्रकृतिको कारबाहीका क्रममा इरानी फौजको विशेष दस्ता क्विडका प्रमुख कमाण्डर कासिम सुलेमानी मारिएका थिए । उनी ६२ वर्षका थिए । सुलेमानीको मृत्युलगत्तै अमेरिका र उसले लिएको एक्सनको विश्वभर आलोचना सुरु भएको छ । यो घटनापछि इरान र अमेरिकाबीच थप तनाब बढेको छ । इरानले अमेरिकासँग बदला लिने प्रतिज्ञा गरेको छ । सुलेमानी इरानका लोकप्रिय सैन्य जनरल रहेका थिए ।

    यसैबीच इरानले अमेरिकी राष्ट्रपति डोनाल्ड ट्रम्पको टाउको ल्याउनेलाई ८ करोड डलर पुरस्कार दिने घोषणा गरेको छ। अमेरिकाले इरानका विशेष सैन्य प्रमुख कासिम सुलेमानीको ह’त्या गरेपछि आक्रोशित इरानले यस्तो घोषणा गरेको हो। सुलेमानीको अन्त्येष्टिका क्रममा हजारौँको उपस्थिति भएका बेला इरानले प्रत्यक्ष टेलिभिजन प्रसारण मार्फत ट्रम्पको टाउकोको मूल्य तोकेको हो।

    इरानले आफ्नो जनसंख्या बराबर ट्रम्पको टाउकोको मूल्य तोकिएको जनाएको छ। ‘इरानमा ८ करोड बासिन्दा छन्’, द सनले इरानी सरकारी टेलिभिजनलाई उद्धृत गर्दै लेखेको छ, ‘यो जनसंख्यामा आधारित हुँदै हामी ८० मिलियन डलर खर्च गर्न चाहन्छौँ, जुन राष्ट्रपति ट्रम्पको टाउको ल्याउनेलाई पुरस्कार हो।’

    यता इराकी संसदले इराकमा रहेका विदेशी सेना फिर्ता पठाउने निर्णय गरेपनि अमेरिकाले इराकबाट आफ्ना सेना फि फिर्ता नलैजाने भएको छ । इराकले संसदबाट सेना फिर्ताको प्रस्ताव पारित गर्दै सेना फिर्ता जानुपर्ने आसयको पत्र पठाएपनि अमेरिकाले सेना फिर्ता नलैजाने भएको हो ।

    इराकी प्रधानमन्त्रीले अमेरिकी सेना फिर्ता जानु पर्ने बताएपछि जनरलले पठाएको पत्रमा आउँदा दिन तथा हप्ताहरुमा सेना फिर्ता लैजानु पर्ने आशयसहितको पत्र पठाएका थिए । तर, अमेरिकी रक्षा मन्त्री मार्क एस्परले सेना फिर्ता नबोलाउने बताएका हुन् ।

    इराकमा तैनाथ अमेरिकी सैन्य दस्ताका प्रमुख ब्रिगेडियर जनरल विलियम एम सीलीले संयुक्त अपरेशनका उपनिर्देशक अब्दुल अमिरलाई पठाएको पत्रमा निकट भविष्यमै अमेरिकी सेना फिर्ता लैजाने तयारी गर्नु पर्ने उल्लेख गरेका थिए । तर रक्षा मन्त्री एस्परले भने अहिले नै सेना फिर्ता बोलाउने सम्बन्धी कुनै निर्णय नभएको बताएका हुन् ।

    गएको शुक्रबार अमेरिकाले गरेको हवाई आक्रमणमा इराकको राजधानी बग्दादमा रहेको विमानस्थलबाट बाहिरिँदै गरेका इरानी उच्च सैन्य कमाण्डर मेजर जनरल कासिम सुलेमानीका मृत्यु भएपछि अमेरिकी सेनामाथि चुनौती थपिएको हो ।

    अमेरिकी राष्ट्रपति डोनाल्ड ट्रम्पको आदेशमा भएका हवाई आक्रमणमा सुलेमानीको मृत्यु भएपछि अहिले तनावको अवस्था छ र अमेरिका तथा इरानले एक अर्कालाई धम्की दिइरहेका छन् । इराकले पनि आफ्नो भूमि अरु कसैका विरुद्ध प्रयोग हुन नदिने बताएको छ ।

    प्रतिक्रिया