• News Portal

    • आज :

    ताजा शिर्षकहरु

    चर्चित शिर्षकहरु

    Highlights प्रवास

    मलेसियाबाट आयो यस्तो दुखद खबर, ६ नेपालीको मृत्यु, नाम र ठेगानासहित

    15.6K
    SHARES

    काठमाडौं । रोजगारीका लागि मलेसियाका विभिन्न स्थानमा पुगेका ६ नेपालीको मृत्यु भएको छ । तीन दिनमा ६ नेपालीले ज्यान गएको मलेसियास्थित नेपाली दूतावासले जनाएको छ । शुक्रबार, शनिबार र आइतबार ६ नेपालीको आकस्मिक मृत्यु भएको जनाएपनि मृत्युका कारण दूतावासले खुलाएको छैन ।

    टपग्लोब १८ नम्बर फाक्टरि बान्तिङमा कार्यरत सुनसरीका सुन्दर श्रेष्ठ, स्पेशल स्क्वार्ड सेक्युरिटी सर्भिसमा कार्यरत सल्यानका प्रदिप बस्नेत, मुवाजा सेक्युरिटी फोर्सका पेटालिङ्गजाया वान उतामामा कार्यरत खोटाङका टंक बहादुर सार्की, वान सेक्युरिटी सर्भिसका जोहोरमा कार्यरत रमेश बहादुर बोहोरा, दैलेख भगवतीमाई गाउँपालिका गोपाल रोकाया र केलाङको एक कम्पनीमा कार्यरत अर्का नेपाली गरी ३ दिनमा ६ जनाको मृत्यु भएको दूतावासले जनाएको छ ।

    मलेसिया रोजगारीमा जाने श्रमिकको मृत्य हुने क्रम बढ्दो छ । नेपाली श्रमिकको मुख्य रोजगार गन्तव्य देशमा मलेसिया पर्छ । मलेसियामा रोजगारीका धेरै श्रमिकको रक्सी सेवनका कारण मृत्यु हुने गरेको वैदेशिक रोजगार बोर्डको तंथ्याकमा छ ।

    श्रम गर्ने मलेसिया आउन नेपाली श्रमिकको मृत्युका विषयमा गम्भीर भएर अनुसन्धान गरिरहेको मलेसियास्थित नेपाली राजदूत उदयराज पाण्डेले बताएका छन् । मृत्युको कारणका बारेमा दूतावासले मलेसियाको सम्बन्धीत निकायसँग छलफल गरिरहेको उनले बताएका छन् ।

    गएका २ दर्शकका रोजगारीका लागि मलेसिया गएका ३ हजारभन्दा धेरै नेपाली श्रमिकले ज्यान गुमाएका छन् । वार्षिक २ सयभन्दा धेरै रोजगारीका लागि मलेसिया पुगेका श्रमिकको मृत्यु हुने गरेको बोर्डको तंथ्याकमा छ ।

    हृदयघात, चुरोट,जाडरक्सीको बढी सेवन, असुरक्षित खानपिन, प्रदुषित हावापानी, मुटु, कलेजोमा समस्या भएर मर्नेको संख्या तीब्र रुपमा बढीरहको दूतावासले जनाएको छ । यस्ता समस्याबाट बच्ने उपाय नसिकाइ श्रमिक रोजगारीमा मलेसिया पठाउदाँ मृत्युको मुख्य कारण भइरहेको छ । मलेसियामा रोजगारीका लागि नेपालीको कसरी मृत्यु हुन्छ भने विषयमा सरकारले अनुसन्धान गरेको छैन ।

    तर, मलेसियामा नेपाली उच्च मृत्युदरका विषयमा सम्बन्धी निकाय भनेर वेवास्ता गदै बसेको पाइन्छ । सरकारले ४ वर्षअघि रोजगारका लागि विभिन्न देश पुगेका श्रमिकको मृत्युका कारण खोज्न एउटा कार्यदल गठन गरेको थियो । उक्त कार्यदलले ४ वर्षसम्म केही काम गर्ने सकेको छैन ।

    वैदेशिक रोजगारी क्रममा मृत्युका विषयमा सरकारले चासो दिएर काम गरिरहेको वैदेशिक रोजगार बोर्डका कार्यकारी निर्देशक राजन श्रेष्ठले बताएका छन् । अबैधानिक नेपालीहरु घर फर्किने ब्याक फर गुड कार्यक्रम चलिरहेकोले आउदो नयाँ बर्ष २०२० देखि यहाँ रहेका नेपालीहरुको स्वास्थ्य अवस्था बारेमा सचेतना कार्यक्रम सञ्चालन हुने दूतावासको भनाई छ ।

    यसैबीच मलेसियास्थित नेपाली दूतावासले गत अक्टोवर र नोभेम्वरमा गरी ३१ हजार नेपाली कामदारका लागि मागपत्र प्रमाणिकरण गरेको छ । मलेसिया स्थीत नेपाली दूतावासका अनुसार नयाँ श्रम समझदारी अनुसार प्रदान गरिएको मागपत्र प्रमाणिकरणमा सवैभन्दा धेरै औद्योगिक क्षेत्रका लागि रहेको छ ।

    दूतावासद्धारा जारी विज्ञप्ति अनुसार औद्योगिक क्षेत्रको कामका लागि १७ हजार १ सय १६ जना कामदारका लागि मागपत्र प्रमाणित भएको छ । यसैगरी सेक्यूरिटि गार्ड सहित सेवा क्षेत्रका लागि १० हजार १ सय ८३, कृषि क्षेत्रका लागि १ हजार ४ सय ७५, प्लाण्टेसनका लागि १ हजार ३ सय ९७ तथा निर्माण क्षेत्रका लागि १ हजार ३० कामदारको मागपत्र प्रमाणिकरण भएको छ ।

    दूतावासले मागपत्र प्रमाणिकरणको कामलाई सरल, पारदर्शी र चुस्त बनाउने उद्धेश्यले प्रत्येक प्रक्रियामा छुट्टा छुट्टै शाखा तथा कर्मचारीहरु संलग्न हुने व्यवस्था गरेको जनाएको छ । दूतावासका अनुसार कम्पनीको मालिक, प्रमुख कार्यकारी अधिकृत, व्यवस्थापन निर्देशक वा मानव संशाधन व्यवस्थापक स्वयं उपस्थित भई मागपत्र १० देखि १२ बजेसम्म दूतावासमा पेश गर्ने, पेश हुन आएका मागपत्रहरुको विवरण रुजु गर्ने, अध्यावधिक गर्ने र प्रमाणिकरणको पत्र तयार गर्ने गरिएको छ ।

    माग प्रमाणिकरणका आधारममा मलेसिया आउन श्रमिकको संख्या बढ्न मलेसियाका राजदूता उदउराज पाण्डले बताएका छन् । यसैगरी मागपत्र पेश गर्ने कम्पनी सम्बन्धी दूतावासमा आएका गुनासा लगायतका कैफियतहरुको रुजु गरी प्रमाणिकरणको लागि सिफारिस गर्ने, प्रमाणिकरणको लागि सिफारिस भएका मागपत्रहरुको प्रमाणिकरण गर्ने र स्क्यान गरी वैदेशिक रोजगार विभागमा ईलेक्ट्रोनिक फाईल पठाउने, प्रमाणिकरण भएका सक्कल फाईलहरु २ बजेदेखि ५ बजेसम्म वितरण गर्ने र सक्कल फाईल बुझ्नका लागि कम्पनीको कर्मचारी उपस्थित हुनुपर्ने व्यवस्था गरिएको छ ।

    समयका कारण अत्यावश्यक मागपत्रलाई एकदिनमै र अन्यलाई ५ दिनभित्रमा मागपत्र प्रमाणिकरणको कार्य सक्नेगरी कार्य भइरहेको दूतावासले जारी गरेको विज्ञप्तिमा उल्लेख छ ।

    प्रतिक्रिया

    आजको ट्रेन्डिङ