• News Portal

    • आज :

    ताजा शिर्षकहरु

    चर्चित शिर्षकहरु

    राजनीति समाचार

    राजनीतिबाट बिदा लिने तयारीमा ओली, प्रचण्ड र वामदेव गौतमलाई दिदैछन यति ठुलो जिम्मेवारी

    20.9K
    SHARES

    काठमाडौँ । मृगौलामा लगातार समस्या देखिएपछि प्रधानमन्त्री केपी शर्मा ओली राजनीतिबाट बिदा लिने मनस्थितिमा पुगेका छन् । राजनीतिबाट अलि समय निकाले केहि दिनमै मृगौला प्रत्यारोपणका लागि विदेश जाने तयारीमा ओली रहेको उनीनिकट श्रोत बताउछ ।  प्रत्यारोपणका लागि गएमा उनी केही महिना विदेशमै हुनेछन् । प्रत्यारोपण नगरेपनि प्रधानमन्त्रीको नियमित डायलसिस गर्नुपर्ने भएको छ । अहिले पनि उनी बालुवाटारस्थित निवासबाट कमै निस्कने अवस्था छ । यस अवस्थामा एकजना भरपर्दो व्यतिलाई कार्यवाहकको जिम्मेवारी दिनेगरी प्रधानमन्त्रीले तयारी थालेका छन् । मन्त्रिमण्डलमा सेट नै परिवर्तन गर्न ओलीले आन्तरिक परामर्श थालेका छन् । उनले नेकपाका अर्का अध्यक्ष प्रचण्डलाई ठुलै जिम्मेवारी दिने सोच बनाएको बताइएको छ । उसो त वरिष्ठ नेताहरु झलनाथ खनाल र माधवकुमार नेपालसँग पनि ओली छुट्टाछुट्टै भेटवार्तामा छन् । उपयुक्त व्यक्तिलाई छानेर जिम्मेवारी दिने ओलीको तयारीपछि नेकपामा दौडधुप तिव्र भएको छ ।

    ओलीले वामदेव गौतमलाई उपप्रधानमन्त्री बन्न प्रस्ताव राखेका छन् । तर, गौतमले संविधान संशोधन गरी राष्ट्रियसभा सदस्य पनि प्रधानमन्त्री बन्ने बाटो खोल्ने भएमा मात्र सरकारमा जाने शर्त राखेका छन् । नत्र पार्टीकै जिम्मेवारी दिन भनेका छन् । ओलीको रोजाईमा विष्णु पौडेल छन् । तर, ललिता निवास जग्गा प्रकरणमा मुछिएपछि पौडेल विवादमा परेका छन् ।इश्वर पोखरेललाई निरन्तरता दिएर कार्यवाहक प्रधानमन्त्री दिनेबारे पनि छलफल चलेको छ । तर, आफूबाहेक मन्त्रिमण्डलको सेट नै परिवर्तन गर्न लागेका ओलीले पोखरेललाई निरन्तरता नदिने संकेत गरेका छन् । कार्यवाहक प्रधानमन्त्रीका लागि ओलीले सबैभन्दा विश्वास गरेकोमा विष्णु पौडेल र प्रदीप ज्ञवाली नै हुन् । तर, दुवैलाई बनाउन ओलीलाई अप्ठ्यारो छ । ज्ञवाली अरु नेताभन्दा जुनियर हुन् ।

    नेकपामा कार्यवाहक प्रधानमन्त्री सम्हाल्न सक्ने गरी उपप्रधानमन्त्री बनाउनेबारे मन्थन चलिसकेको छ ।सम्भावित नामहरुमा वामदेव गौतम, विष्णु पौडेल र इश्वर पोखरेल नै हुन् । ओलीले पछिल्लो समय रामबहादुर थापा बादललाई पनि भरोसा गर्न थालेका छन् । तर, पूर्व एमालेले बादललाई स्वीकारिहाल्ने अवस्था देखिदैछ । ओलीले कार्यवाहक प्रधानमन्त्रीको खोजी गरिरहँदा नेकपाभित्र लबिङ चलिरहेको छ । त्यस्तै वरिष्ठ नेता माधवकुमार नेपालसँग मंगलबार झन्डै चार घण्टा छलफल गरेर करिब ३ महिनादेखिको संवादहीनता तोडेका ओलीले बिहीबार साँझ फेरि उनीसँग लामो कुराकानी गरेका छन् । करिब डेढ घण्टा भएको छलफल मन्त्रिपरिषद् पुनर्गठन र जिम्मेवारी नपाएका पार्टी नेताहरूको व्यवस्थापनमा केन्द्रित रहेको स्रोतले बताएको छ ।

    नेताहरूको जिम्मेवारी बाँडफाँट लगभग सकिँदा नेपालनिकट केही स्थायी र केन्द्रीय समिति सदस्यहरू भूमिकाविहीन रहेकाले ती नेताबारे पनि उनीहरूबीच कुराकानी भएको नेपालनिकट स्रोतले जनाएको छ । नेता नेपालसँग भेट्नुअघि बिहीबार दिउँसो प्रधानमन्त्री तथा नेकपा अध्यक्ष ओलीले अर्का अध्यक्ष दाहालसँग करिब ४ घण्टा कुराकानी गरेका थिए । अध्यक्षद्वयबीच पार्टी एकीकरणका बाँकी कामदेखि मन्त्रिपरिषद् गठनसम्मकाविषयमा छलफल भएको स्रोतले जनाएको छ । ‘उहाँहरूबीच पार्टी एकताका बाँकी काम, मन्त्रिपरिषद् हेरफेर, विभिन्न आयोगको पदपूर्ति, उपचुनाव लगायत विषयमा एकमुष्ट छलफल भइरहेको छ,’ नेकपाका एक सचिवालय सदस्यले भने ।

    बिहीबार साँझ प्रधानमन्त्री ओलीलाई उपप्रधानमन्त्री ईश्वर पोखरेलले भेटेका थिए । लगत्तै परराष्ट्रमन्त्री प्रदीप ज्ञवाली र त्यसपछि सरकारका प्रवक्ता एवं सञ्चार तथा सूचना प्रविधिमन्त्री गोकुल बाँस्कोटा बालुवाटार पुगेका थिए । प्रधानमन्त्री ओलीले दाहाल र नेपालपछि आफूनिकट नेताहरूसँग सरकार र पार्टी सञ्चालनलगायत विषयमा कुराकानी गरेका हुन् । नेकपाका ती सचिवालय सदस्यका अनुसार प्रधानमन्त्री ओलीले सरकारका काममा उपप्रधान तथा रक्षामन्त्री पोखरेल र पार्टीका काममा अर्का अध्यक्ष दाहाललाई थप केही भूमिका दिने तयारी गरेका छन् । तीन दिनयता ओली र दाहालबीच यिनै विषयमा घनिभूत छलफल भइरहेको उनको भनाइ छ ।

    बिहीबार बिहान प्रधानमन्त्री ओलीलाई भेटेका नेकपा स्थायी समिति सदस्य सुवास नेम्वाङले अहिलेको परिस्थितिका कारण पनि दुई अध्यक्षको छलफल बाक्लिएको बताए । ‘अहिले अवस्था नै त्यस्तो छ, धेरै काम गर्नु परिरहेको छ, त्यसैले उहाँ (प्रधानमन्त्री) को सक्रियता बढेको जस्तो देखिएको हो,’ उनले कान्तिपुरसँग भने, ‘उहाँ सधैं सक्रिय हुनुहुन्छ ।’ प्रधानमन्त्री ओलीसँग बिहीबार दिउँसो बालुवाटारमा केहीबेर छलफल गरेका नेकपा महासचिव विष्णु पौडेलले प्रधानमन्त्री भएका हिसाबले उनको सक्रियता धेरै हुनु स्वाभाविक रहेको बताए । उनले प्रधानमन्त्रीसँग आफ्नो सामान्य भेटघाट मात्रै भएको जानकारी दिए ।

    बिमारका कारण प्रधानमन्त्री ओलीलाई बाहिर धेरै धपेडी हुने काम नगर्न चिकित्सकहरूले सुझाएका छन् । त्यसैले उनले बालुवाटारबाटै नियमित काममा सक्रियता बढाएका हुन् । एक मन्त्रीका अनुसार प्रधानमन्त्री ओली मिर्गौला फेरि प्रत्यारोपण गर्ने मनस्थितिमा छन् । यस विषयमा छलफल चलिरहेको छ । प्रत्यारोपणका लागि विदेश जानुअघि नै प्रधानमन्त्री ओलीले पार्टी र सरकारलाई चुस्त बनाउन चाहेको ती मन्त्रीले बताए । उनका अनुसार प्रधानमन्त्री ओलीले मन्त्रालय सञ्चालनमा कमजोर कार्यक्षमता देखाएका मन्त्रीलाई बिदाइ, केहीको जिम्मेवारी हेरफेर र नयाँ मन्त्री नियुक्तिको काम तत्काल टुंग्याउन चाहेका छन् ।

    १२ वर्षअघि प्रत्यारोपण गरिएको मिर्गौलाको फेरि उपचार गर्नुपर्ने भए पनि ठ्याक्कै यही पद्धति अपनाउने भन्ने टुंगो लागिसकेको छैन । मिर्गौला प्रत्यारोपण गर्नुपर्ने भयो भने उनको लामो समय उपचारमा बित्न सक्छ । त्यसैले थप उपचार सुरु गर्नुअघि नै पार्टी र सरकार सञ्चालनका लागि आवश्यक निर्णय गर्ने मनस्थितिमा प्रधानमन्त्री पुगेको स्रोतले जनाएको छ । पार्टीको पछिल्लो निर्णयका कारण असन्तुष्ट रहेका नेपाल पक्षधरलाई पनि समेटेर पार्टीबारे शीर्ष नेताहरूको एकैखाले धारणा बनाउन छलफल बाक्लिएको प्रधानमन्त्रीनिकट स्रोतले बतायो । ओलीकै प्रस्तावमा गत साउनमै सचिवालय सदस्य वामदेव गौतमलाई पार्टी उपाध्यक्ष बनाउने निर्णय नेकपाले गरिसकेको छ । ओलीले उक्त निर्णय अनुमोदन गर्न छिट्टै स्थायी समिति बैठक बोलाउने आश्वासन गौतमलाई दिइसकेका छन् ।

    ‘स्थायी समिति र केन्द्रीय कमिटीको बैठक डाक्नुअघि प्रधानमन्त्रीले शीर्ष तहमा देखिएका सबै समस्या समाधान गर्न चाहनुभएको छ,’ प्रधानमन्त्री ओलीनिकट एक मन्त्रीले भने । पार्टी एकीकरणका मुख्य काम टुंगोमा पुगे पनि अहिलेसम्म केन्द्रीय समितिको बैठक बस्न सकेको छैन । पार्टी विधानमै ६/६ महिनामा केन्द्रीय समिति र ३/३ महिनामा स्थायी समिति बैठक बोलाउनुपर्ने व्यवस्था छ । तर पार्टी एकीकरण घोषणापछिका १८ महिनामा स्थायी समिति बैठक पनि एक पटक मात्रै बसेको छ । ‘अरू विषयमा नभए पनि गौतमलाई उपाध्यक्ष बनाउने निर्णय अनुमोदनका लागि स्थायी समिति बैठक बोलाउने सोचमा प्रधानमन्त्री हुनुहन्छ,’ उनीनिकट स्रोतले भन्यो ।

    प्रतिक्रिया

    आजको ट्रेन्डिङ