• News Portal

    • आज :

    ताजा शिर्षकहरु

    चर्चित शिर्षकहरु

    समाचार

    बल्ल आयो बुद्ध एयरको प्रष्टिकरण, जहाजमा मन्त्री चढ्दा ज्ञानेन्द्र शाही समूहले यस्तोसम्म गरेको खुलासा

    15.5K
    SHARES

    काठमाडौं । नेपालगञ्ज घटनाको विवादबारे बुद्ध एयरले बल्लतल्ल मुख खोलेको छ । नेपालगञ्जमा संस्कृति, पर्यटन तथा नागरिक उड्ययनमन्त्री योगेश भट्टराईमाथि हुलहुल्लज गर्दा पनि उडान थप ढिला भएको स्पष्टीकरण बुद्ध एयरले दिएको छ । बुद्ध एयरले सोमबार नागरिक उड्ययन प्राधिकरणका महानिर्देशकलाई पठाएको प्रष्टिकरणमा विमान कम्पनीले मन्त्रीलाई पर्खिँन केही समय उडान रोकिएको स्वीकार गरेको छ । तर मन्त्री आइसकेपछि एउटा समूहले हुलहुज्लत गर्दा कारण उडानमा थप ढिलाई भएको र विमान समेत एकातिर ढल्किएको बुद्ध एयरले जनाएको छ ।

    जहाजभित्र आक्रोशित समुहले मन्त्रीका कारण १ घन्टा पर्खाइएको दावी गरेका थिए । मन्त्री भट्टराईले भने आफ्ना कारण १५ मिनेट ढिलो भएको स्पष्टिकरण दिँदै आएका छन् । बुद्ध एयरको प्रष्टिकरण भट्टराईको दाबीसँग नजिक छ । पत्रमा उल्लेख गरिएअनुसार नेपालगञ्जबाट ६ः४० मा उड्नुपर्ने बिमान २४ मिनेट ढिला गरी ७ः०४ मा उडेको थियो । यसमध्ये ६-८ मिनेट हुलहुज्जतले गर्दा र बाँकी मन्त्रीले गर्दा ढिलाई भएको पत्रमा उल्लेख छ ।

    ‘घटनामा मन्त्रीका सुरक्षाकर्मी र सहयोगीले देखाएको संयमताले गर्दा आक्रोशित समूहलाई समयमै साम्य पारी उडान गरिएको थियो,’ पत्रमा भनिएको छ । पत्रमा उल्लेख भएअनुसार यात्रुहरुलाई ६ः३० बजे विमानमा बोर्डिङ गराइएको थियो । त्यसअघि मन्त्रीका सहयोगीले ६ः२५ बजे नेपालगञ्ज नागरिक उड्डयन प्राधिकरणमार्फत फोन गरेर धम्बोजी आइपुगेको जानकारी गराएका थिए । तर, फोनमा जानकारी गराइएभन्दा केही ढिला मन्त्री एयरपोर्ट प्रवेश गरेको बुद्ध एयरको भनाइ छ । विमानमा बसेको १० मिनेटसम्म जहाज नउडेपछि ६ः४० बजे १४/१५ जनाको समूह परिचारिकाहरुलाई अटेर गर्दै बाहिर निस्किएको र कर्मचारीहरुसँग विवाद गरेको पत्रमा उल्लेख छ ।

    ‘६ः५० बजे मन्त्री एयरपोर्ट आइपुगेपछि उत्तेजित समूहले उहाँलाई घेरे, तर उहाँ चुपचाप बिमानमा चढ्नुभयो । उहाँसँगै अन्य यात्रु पनि भित्र पसे । तर, ४-५ मिनेट एकै ठाउँ उभिएर विवाद गर्न थाल्दा एकै भागमा बढि वजन भएर विमान ढल्किएको थियो,’ पत्रमा भनिएको छ । यो समूहलाई साम्य बनाई उडान भर्दा अझै केही ढिलाई भएको पत्रमा उल्लेख छ ।

    यसैबीच आफूलाई भ्रष्टाचारविरोधी अभियन्ता बताउने ज्ञानेन्द्र शाहीलाई रिहा भएलगत्तै सत्तारुढ दल नेपाल कम्युनिष्ट पार्टी (नेकपा) को भ्रातृ संगठन राष्ट्रिय युवा संघ नेपालले कास्की प्रवेश नगर्न चेतावनी दिएको छ । युवा संघ नेपाल कास्कीले आइतबार विज्ञप्ति जारी गर्दै शाहीलाई कास्कीमा प्रवेश निषेध घोषणा गरेको हो । तत्कालीन वाइसिएल नेपाल कास्की र तत्कालीन युवा संघ नेपाल कास्कीका अध्यक्षद्वय भोजराज पौडेल र डिल्लीराम सुवेदीले हस्ताक्षर गरेको विज्ञप्तिमा शाहीले फेसबुक, युटुव र ट्वीटरजस्ता सामाजिक सञ्जालको दुरुपयोग गरी समाजमा भ्रम सिर्जना गर्न खोजेको र द्वन्द्व गर्न उक्साएको आरोप लगाइएको छ ।

    ‘पछिल्लो समय ज्ञानेन्द्र बहादुर शाह (ज्ञानेन्द्र शाही) जस्ता कुपात्रहरुलाई गणतान्त्रिक भूमि कास्कीमा प्रवेश निषेध गरेको जानकारी गराउदै आम न्यायप्रेमी जनसमुदायमा विधिको शासन, पछिल्लो परिवर्तन तथा उपलव्धिका पक्षमा उभिनुभई सहयोग गर्न अपिल गर्दर्छौँ,’ विज्ञप्तिमा उल्लेख छ । तर यता राष्ट्रिय युवा संघ नेपालका केन्द्रीय संयोजक रामप्रसाद सापकोटा ‘दीपशिखा’ ले कुनैपनि राजनीतिक दलका गतिविधि र व्यक्तिको वाक स्वतन्त्रतामाथि प्रतिबन्ध लगाउने नीति राष्ट्रिय युवा संघको नरहेको प्रस्ट पारेका छन् ।

    उनले शाहीले पर्यटनमन्त्री लगायतलाई गरेको दुर्व्यवहारप्रतिको आक्रोशमा कास्कीमा त्यस्तो निर्णय भएको हुन सक्ने बताए । सापकोटाले स्थानीय कमिटीहरु आफ्नो तहमा निर्णय गर्न स्वतन्त्र रहेको पनि बताए । सापकोटाले मन्त्रीमाथि दुर्व्यवहार गर्ने अधिकार नभएको र त्यो कानुनीरुपमा दण्डनीय भएको पनि उनले बताए । के भन्छन् मन्त्री ? खबरहबसँगको कुराकानीमा बोलेको कुरा समय सान्दर्भिक भएर जस्ताको त्यसति साभार गरेका छौं । पढ्नुहोस् मन्त्रीको धारणा उनकै शब्दमा-

    “नेपालगञ्जबाट काठमाडौं फर्कने क्रममा विमानस्थल र विमान भित्र भएका ‘हर्कत’ का कारण निकै दुःखी छु । विमान केही समय रोकिएको विषयलाई व्यवस्था विरोधी केही तत्वले उचाल्ने प्रयास पनि गरेका छन् जसको रक्षाका लागि उत्रनुको कुनै औचित्य पनि छैन । विमान ‘होल्ड’ भएको विषयमा नियोजित व्यक्तिले कु प्रचार गरेका छन् । विमान १ घन्टा ढिला गरेको भन्दै मन्त्रीमाथि दुर्व्यवहार भएको छ यसलाई उचालिरहनु जरुरी छैन ।

    नेपालगञ्जबाट काठमाडौं उत्रिएसँगै मैले शनिवार राति नै आफ्ना कारण विमान १५ मिनेट ढिला भएको र त्यसका लागि आफू क्षमाप्रार्थी छु भनेर सामाजिक सञ्जालमार्फत पनि माफि मागेको छु । जसलाई मेरो कारणले ढिला हुन पुगेको छ उहाँहरुप्रति म अहिले पनि क्षमामाग्छु । नेपालीको परम्परा, संस्कृति हाम्रो पहिचान भनेको र मानवजातीको पहिचान भनेकै आत्माआलोचना वा क्षमा मागेपछि त्यसलाई माफ गर्नु वा स्वीकार गर्नु हो । तर आफूलाई विद्वान भन्ने केही ढोंगी र आण्डवरी ‘मण्डले’ हरुले त्यसलाई स्वीकार गरुन् वा नगरुन्सँग मलाई सरोकार भएको विषय होइन ।

    विमानमा मलाई त्यस्तो दुव्र्यवहार भयो भन्न मिल्दैन, म विरुद्ध केही असिष्ट शब्द प्रयोग गरिएको थियो जुन भिडियो सामाजिक सञ्जालमार्फत तपाईंहरुले पनि हेर्नु र सुन्न भएको छ । उनीहरुको अशिष्ट शव्दबारेमा किन प्रतिक्रिया नजनाएको भन्ने साथीहरु पनि हुनुहुन्छ तर , सांस्कृतिक स्तर तल्लो रहेकाहरुसँग कुरा गरेर कुनै फाइदा छैन । विमानमा केही पढेलेखेका वकिल पनि थिए, वरिष्ठ वकिल पनि थिए । जसलाई म पहिला देखि नै चिन्छु । पञ्चायतको समयदेखि नै चिन्छु । जतिबेला हामी आन्दोलनमा थियौं उनीहरु ‘मण्डले’ थिए ।

    मैले मेरो कारण विमान १४/१५ मिनेट ढिलाइ भएकोमा माफी मागेपनि उनीहरु त्यसलाई स्वीकार गर्न वा सुन्न तयार भएनन् किन त ?
    उक्त घटना अप्रत्याशित रुपमा भएको जस्तो देखिएपनि त्यो प्रायोजित थियो । उनीहरुको अभिष्ट र उदेश्य अरुनै थियो । उनीहरुले म माथि निच शव्दहरुको प्रयोग गरे । मलाई ‘तँ’ शब्दको प्रयोग गरेर तँ चाँहि कस्तो मान्छे होस्, हाम्रो पारस शाह(पूर्व युवराज)का विरुद्ध सात लाख हस्ताक्षर गरेर बुझाउने त होस्, त्यतिबेला हामीलाई कति पीडा भएको छ त्यसको हिसाब किताब त तसँग लिनै छ भने ।

    त्यसपछि मैले ठाने, यिनीहरुको नियत त अर्कै रहेछ । म ढिलो भएका कारणले यिनीहरुले अव्जेक्सन गरेका होइन रहेछन् । उनीहरुको नियत अर्कै रहेछ । नेपालगञ्जमा त्यसदिन दिउँसो उनीहरुले यो व्यवस्था विरुद्ध चर्को भाषण गरे । राष्ट्रपति, प्रधानमन्त्री लगायतलाई गाली गरे । लोकतन्त्रलाई गाली गरे । जसको रिपोर्ट पछि थाहा भयो । दिनभर व्यवस्थालाई विरोध गरेर उनीहरुले होटलमा के के खाए ? भांग, धतुरो खाएर आएका रहेछन् कि ? जे खाएका भएपनि उनीहरु नियोजित रुपमा नै तयार थिए ।

    किन पुगें नेपालगञ्ज ?
    शनिवार कैलालिको टिकापुर क्षेत्रमा डल्फिन महोत्सवको कार्यक्रम राखिएको थियो । डल्फिन नेपालको केही सिमित स्थानमा मात्र पाइन्छ । कोसी, नारायणी, कर्णाली र मोहना नदीमा मात्र पाइन्छ । त्यसो भएको कारण कर्णाली र मोहना नदीको संगम क्षेत्रमा डल्फिनको आकर्षक क्षेत्र बनाउने र डल्फिन हेर्न जाने पर्यटकीय क्षेत्र बनाउने भन्ने पर्यटन मन्त्रालयको कार्यक्रम नै छ । त्यही कार्यक्रमको सिलसिलामा डल्फिन महोत्सव थियो र त्यसमा म जानु पर्ने थियो । त्यहाँका राजनीतिक दलका नेता जनप्रतिनिधि, व्यसायीहरुले बोलाउनु भयो त्यसका लागि म शनिवार विहान कैलाली धनगढीमा म गएँ ।

    त्यहाँ मैले उद्योग बाणिज्य संघका साथीहरुसँग भेटे, पार्टीका साथीहरुसँग पनि भेटें । त्यसपछि टिकापुरको डल्फिलन महोत्सममा गएँ । त्यहाँ पुग्दा समय गइसकेको थियो । कार्यक्रम पनि अलि ढिला नै सुरु भएको थियो । तीन बजे जस्तो म त्यहाँ पुगे । उक्त कार्यक्रमको मैले उद्घाटन लगायतको काम गरे । त्यसपछि म त्यहाँबाट निस्किएँ । कार्यक्रमस्थलबाट निस्कनु भन्दा पहिला मैले त्यहाँका स्थानीयलाई सोधेको थिएँ, मैले साढे पाँच बजे बुद्ध एयर मार्फत धनगढीबाट काठमाडौं फर्कनु छ, भ्याइन्छ ?

    उहाँहरुले अब धनगढीबाट पुग्न सम्भव छैन भनेपछि कहाँ बाट छ भन्ने प्रश्न गरे । नेपालगञ्जमा ६ः २५ को फ्लाइट छ । बुद्धको लास्ट फ्लाइट भन्ने जानकारी आयो । बुद्ध एयरसँग आग्रह गरेर हामीले धनगढीको टिकटलाई नेपालगञ्ज ट्रान्सफर सारेउ । उडान अघि नेपालगञ्ज पुगिन्छ त भन्दा त्यहाँका साथीहरुले राजापुर हुँदै जाँदा पुगिन्छ भन्नु भयो । हामी त्यो बाटो आयौं, सोचेजस्तो छिटो जान सकिएन । गुलरियामा सिडियो, दुबै प्रहरीको प्रमुख मन्त्रीको स्वागतका लागि बस्नु भएको थियो । गाडीबाट नझरीकन उहाँहरुलाई नमस्कार गरेर हामी अगाडि बढ्यौं । जति सक्दो छिटो नै हामी गएका हौं ।

    १ घन्टा ढिला भएको हो त ?
    ६ बजेर ४० मिनेट जाँदा सबै यात्रुको बोर्डिङ भएको रहेछ । ६ बजेर ४७ मिनेट जाँदा हुलदंगा गर्ने मानिसहरु प्लेनबाट बाहिर निस्किए । उनीरुले नाराबाजी गरेको मैले थाहा पाएँ । प्लेनमा चढिसकेर दुई तिन मिनेट ढिला भएपछि उनीहरुले थाहा पाएछन् कि मन्त्रीका कारणले उडान केही ढिला हुँदैछ भन्ने । त्यसपछि उनीहरु विमानबाट झरे । जबकी अन्तर्राष्ट्रिय र सिभिल एभिएसनको सामान्य नियमले के भन्छ भने यात्रुहरु विमानमा बसिसकेपछि बाहिर आउन मिल्दैन । सुरक्षाका हिसावले पनि हुलहुज्जत गर्न मिल्दैन ।

    मैले यहाँ कसैलाई ढाट्नु जरुरी छैन र मेरो मनसाय त्यस्तो होइन । मेरो कारणले १५ मिनेट जति ढिलो भएकै हो । त्यो म ढाँट्दिन । मेरो कारणले १ घन्टा विमान उडानमा ढिलाइ भएको कुरा सरासर झुटो हो । यदी म नआएको भए ६ः ४५ मा विमान उड्थ्यो । मेरो कारणले त्यो प्लेन चाँहि ७ बजे उड्नु पर्ने भयो तर उनीहरुले हुलदंगा गरेपछि थप ७ मिनेट विमान उड्न ढिला भयो ।

    मेरा कारणले ढिला भएपछि विमानमा रहेका यात्रुहरुसँग मैले माफि पनि मागे । र मैले भने, भोलि मेरो संसदमा जवाफ दिनै पर्ने कार्यक्रम छ । जसरी पनि आउनु नै पर्ने भयो त्यही भएर केही ढिला भयो क्षमाप्रार्थी छुँ । म विभागीय मन्त्री भएका कारण अत्याचार गरेर आउने भन्ने हुँदैन । तर मैले विमान कम्पनीसँग आग्रह गरे । पाँच सात मिनेटका लागि मलाई कन्सिडर गर्नुहुन्छ भनेर सोध्दा उहाँहरुले पनि समझदारी देखाउनुभयो ।

    जब म प्लेन चढ्न आइपुगेको थिए । त्यहाँ केही मानिसहरु पर्यटनमन्त्री आउँदैछ भनेपछि पूर्वतयारीका साथ बसिरहेका रहेछन् । केही मैले चिनेका केही नचिनेका गर्दा चार पाँच जना । अरु बाँकी सबै यात्रुहरु प्लेन भित्रै हुनुहुन्थ्यो । म आउने वित्तिकै उनीहरुले मोबाइलबाट भिडियो खिच्न थाले । मैले हाँसीहाँसी भने– कियो वितण्डा मच्चाउनु हुन्छ ? हिँड्नुस् न जाँउ म आइहाले । अब काठमाडौं जाउँ हिँड्नुहोस् भने । मलाई अलिकति धकेलमकेल पनि गर्न खोजियो ।

    मैले सरी भने र सरासरी विमान चढें । विमाको अन्तिम सिटमा बसे । त्यहाँ बसेपछि पनि उहाँहरुले मलाई औंला ठड्याइ ठड्याइँ पछाडिबाट धकेल्ने प्रयासले आउनुभयो । मेरो सुरक्षामा खटिएका साथीहरुले छेक्न खोज्दै हुनुहुन्थ्यो मैले सुरक्षामा खटिएकालाई नगर्नुहोस् भने । मैले माफी माग्दा माग्दै पनि ति नियोजित र पूर्व तयारी अवस्थामा रहेकाहरुले गुण्डागर्दी र मण्डले शैली देखाए । हामी मण्डलेलाई संरक्षण गर्ने संस्थाविरुद्ध लडेर आएका हौं । तर पनि अरु यात्रुको अवस्थालाई ध्यान दिएर त्यसलाई सहन गर्ने काम भयो ।

    दवाव दिएर जहाज रोक्ने कल्पनै गर्न सक्दिँन
    मैले यो घटनापछि सामाजिक सञ्जाललाई पनि नजिकबाट नियालिरहेको छुँ । कतिपय साथीहरुले मन्त्रीको पदको दुरुपयोग गरेर दबाब दिएर विमान रोकेको विषयलाई पनि उठाउनु भएको छ । कतिपय साथीहरुको विचारमा राजनीतिक प्रतिशोध पनि देखिएको छ, त्यो विषयतर्फ जानु उपयुक्त समय यो होइन । म पर्यटन मन्त्री हुँ, खबरदार तेरो विमानले मलाई जति समय कुरेर भएपनि लिएरै जानुपर्छ भन्ने दबाव दिने बारे मैले कल्पना पनि गर्न सक्दिन ।

    तर एक सामान्य व्यक्तिको नाताले विमान कम्पनीलाई मैले म आउँदै छु, मलाई काठमाडौं जानुपर्ने बाध्यता छ यदी केही मिनेट कुर्न मिल्छ भने कुर्नुहोस् होइन मिल्दैन भने जानुहोला भनेको थिएँ त्यसमा ढाट्नु जरुरी छैन । विमान स्थल पुग्न ८÷१० मिनेट ढिला हुनेजस्तो भएपछि मैले साथीहरुलाई नेपालगञ्जमा होटल खोज्न पनि भने । विमान गयो भने भोलि विहानको अरु केही विकल्पबारेमा सोचौंला भनेर । तर धेरै ढिला नभएको र विमान जाने तयारीमा रहेपछि म विमानस्थल गएँ ।

    मण्डलेसँग किन डराउने ?
    कतिपयले राजनीतिक अभिष्ट पूरा गर्नको लागि उपयुक्त मौका खोजि गरिरहेका थिए र यो उपयुक्त समयहो भनेर लागेका छन् भने मेरो भन्नु केही छैन । लोकतन्त्र र यो व्यवस्थाका लागि लडेका साथीहरुसँग यी र यस्ता विषयमा कुरा गरौंला तर मण्डले, यो पद्दतीमाथि धावा बोल्नेहरुसँग किन डराउने ? प्रश्न यहाँ उव्जिएको छ । अहिले हाम्रो पद्तीमाथि केही तत्वले आक्रमण गर्न खोजेको देखिएको छ । मण्डलेहरु हामीले लडेर ल्याएको पद्ती विरुद्ध हावी हुन खोजिरहेका छन् । सरकारले राम्रो गरेन भनेर कु प्रचार गर्ने र त्यसका विरुद्ध अभियान नै चलाउने प्रयास भइरहेको छ ।

    तर सरकारले काम गरिरहेको छ । पर्यटन, उद्योग, सडक हरेक क्षेत्रमा सकारात्मक रुपमा काम भइरहेको छ र गर्ने कोशिस गरिरहेको छ । ठूला पूर्वाधार बनाउने काम भइरहेको । रोजगारीको अवसरहरु बनाउन सरकार लागिरहेको छ । सरकारले केही गरेन भन्ने वाहनामा सिष्टम विरुद्धको आवाजलाई किमार्थ स्वीकार गर्न सकिँदैन । राजनीतिक नेतृत्वका केही कमजोरी होलान् र छन् । यसबारे जनताका गुनासा र कमजोरी छन् । जनतासँग हामी डराउँछौं, सचेत हुन्छौं तर हामी किन मण्डलेसँग डराउने ? भूत, प्रेत र प्रतिगामीहरु को हुन् ? जो सँग हामी डराएर हिँड्नु ?

    अहिले हामी तिनै मण्डले प्रयोग गरेको वा चढेको विमानको नतिरको झण्डै पाँच करोड रुपैयाँको हिसाव खोजिरहेका छौं । तत्कालिन राजामहाराजहरुले पैसा नतिरेर हाम्रा विमान कम्पनी डुबेका छन् । अहिले म त्यो उठाउन लागेको छुँ । त्यो सरकारले तिर्ने कि उनीहरुको जायजेथाबाट उठाउन भन्ने विषयमा हामी छलफल छौं । हामी वायुसेवा निगमलाई सुधार गर्न अघि बढिरहेका छौं । एक गते प्रतिवेदन आएपछि कसकसले जहाजको वक्यौता तिर्न बाँकी छ त्यसको सूची सार्वजनिक गछौं र त्यो पैसा उठाउँछौं ।

    विमान ‘डिले’ किन हुन्छ ?
    म विभागीय मन्त्री बनेसँगै विमानस्थल सुधारका लागि प्रयास गरिरहेको छु । केही प्रयासहरु सार्थक भएको तपाईहरुले देख्नु भएको छ । विमान होल्ड हुने समस्या नेपाल मात्र हुने भने होइन । विमान होल्ड हुने धेरै कारण हुन्छ । विश्भर भीआइपीको उडानको क्रममा सूचना जारी हुन्छ । जसलाई हामी ‘नोटरान’ भन्छौं । त्यसबेला जहाजहरु रोकिन्छन्, यो अन्तर्राष्ट्रिय अभ्यास हो । कतिपय विमानस्थलमा दुई तीनवटा रनवेहरु हुन्छ र एउटा रनवे रोकिँदा पनि अरु सूचारु हुन्छ । एउटा भीआइपीले प्रयोग गर्दा पनि रोकिँदैन ।

    नेपालको बाध्यता भनेको एउटा मात्र रनवे छ । त्यसमा अर्को थप्न मिल्दैन । एउटा रनवे का लागि सात सय मिटरदेखि १ किलोमिटर स्थान चाहिन्छ जुन काठमाडौंको विमानस्थलमा सम्भव छैन । त्यस्ता कारणले पनि होल्ड हुन्छ । विमान होल्ड हुनु राजानीतिक मात्र कारण होइन प्राविधिक पनि हुन्छ । त्यसको समाधानका लागि हामी अन्य अन्तर्राष्ट्रिय विमानस्थल बनाइरहेका छौं ।

    प्रतिक्रिया