• News Portal

    • आज :

    ताजा शिर्षकहरु

    चर्चित शिर्षकहरु

    Highlights राजनीति

    प्रचण्डसँग जोरी खोजेपछि ईश्वर पोखरेललाई ओलीले बेलायतबाटै पठाए यस्तो जवाफ, सबै परे चकित

    44.4K
    SHARES

    काठमाडौं । प्रधानमन्त्री तथा पार्टी अध्यक्ष केपी ओली र अर्का अध्यक्ष प्रचण्डबीच आन्तरिक लडाइँ चलिरहेका बेला नेकपा उच्च तहका नेताहरु पनि विभाजित भएका छन् ।

    विशेष गरी प्रधानमन्त्री ओली भारतीय समकक्षी नरेन्द्र मोदी दोस्रो कार्यकालका लागि प्रधानमन्त्री बनेपछि  उनको सपथग्रहण समारोहमा सहभागी हुन गएका बेला यता अर्का अध्यक्ष प्रचण्डले आफूहरुबीच आलोपालो सरकार र पार्टीको नेतृत्व गर्ने लिखित सहमति भएको तथ्य बाही ल्याएका थिए ।

    प्रचण्डले प्राइम टेलिभिजनमा पत्रकार ऋषी धमलासँगको अन्तर्वार्ताका क्रममा ओलीले कि त अबको १४ महिनामा कि त प्रधानमन्त्री पद छोड्नुपर्ने या प्रधानमन्त्री पद त्याग्न मन नभए पार्टीको नेतृत्व सम्पुर्णरुपमा आफुले गर्न पाउनुपर्ने बताएका थिए ।

    प्रचण्डको उक्त अभिव्यक्तिपश्चात भारतमा रहेका ओली फायर भएका थिए । ओलीले उक्त सहमतिबारे आफुलाई राम्रोसँग थाहा भएको भन्दै अनावश्यक हल्ला गरेर बिषय उचाल्न नहुने बताएका थिए । त्यहि बिषयमा प्रचण्डसंग रिसाएका ओली भारत भ्रमण सकेर नेपाल फर्किने क्रममा अन्तर्राष्ट्रिय विमानस्थलमा पत्रकारहरुसँग समेत केहि नबोली बालुवाटार पुगेका थिए ।

    पछि प्रचण्डले उक्त सहमतिको बिषय आफुले उचालेको नभइ याद दिलाएको प्रतिक्रिया दिएपछि पूर्व एमाले नेता माधवकुमार नेपालले प्रचण्डको साथ दिएका थिए । फेरी अहिले प्रधनमन्त्री ओली बेलायत भ्रमणमा रहेका बेला कार्यवाहक प्रधनमन्त्रीको जिम्मेवारी पाएका उपप्रधानमन्त्री ईश्वर पोखरेलले प्रधानमन्त्री पदका लागि केपी शर्मा ओली र पुष्पकमल दाहाल प्रचण्डवीच आलोपालोबारे पार्टीभित्र छलफल नै नभएको दावी गरे ।

    सोमबार विराटनगरमा सञ्चारकर्मीहरुसँग कुरा गर्दै पोखरेलले गरेको दावीले पूर्वमाओवादी नेताहरु रुष्ट बनेका छन् भने प्रधानमन्त्री ओली समेत रिसाएका छन् । प्रधानमन्त्री ओलीले आफू र पुष्पकमल दाहाल प्रचण्डबीच आलोपालो सरकार चलाउने विषयमा सहमति भइसकेको बताएका छन् ।

    सोमबार साँझ बेलायतको अक्सफोर्ड विश्वविद्यालयमा सम्बोधन गर्दै प्रधानमन्त्री ओलीले पार्टी एकताकै समयमा सहमति भइसकेको विषय भएकाले यसलाई धोरै नउचाल्न कार्यवाहक प्रधानमन्त्री ईश्वर पोखरेललाई चेतावनी दिएका छन्।

    उनले भने, ‘एकीकृत पार्टी बनिसकेको अवस्थामा सबै कुरा पार्टीको निर्णय अनुसार हुन्छ । यसअघि नै सहमति भइसकेको छ । यस विषयमा धेरै बोलिहरनुपर्र्दैन ।’  यस्तै प्रधानमन्त्री ओलीले देशभित्र र बाहिर रहेका सबै नेपालीको साथ र सहयोग लिएर देश विकासलाइ तीव्ररुपमा अघि बढाउने अभिभारा वर्तमान सरकारले ग्रहण गरेको बताएका छन् ।

    संयुक्त राष्ट्रसङघ तथा अन्य अन्तरराष्ट्रिय सङ्गठनका लागि जेनेभास्थित नेपाली स्थायी नियोगले आइतबार साँझ गरेको स्वागत समारोहमा प्रधानमन्त्री ओलीले विगतमा ठूलो सङ्घर्ष तथा संविधान निर्माणको अगुवाइ लिएर आएको अहिलेको सरकार यो जिम्मेवारीप्रति सचेत रहेको उल्लेख गरे ।

    लामो बलिदानपूर्ण सङ्घर्षपछि जनताले ठूलो विश्वास यो सरकारलाइ सुम्पेको उल्लेख गर्दै प्रधानमन्त्रीले सुशासन र तीव्र आर्थिक वृद्धि नै सरकारको मुख्य ध्येय रहेको बताए । उनले भने, ‘जनताको विश्वासलाई मर्न नदिई प्रविधिको प्रयोग गरेर देशलाई सुशासन र आर्थिक गतिका साथ अगाडि बढाउन देशभित्र र बाहिर रहेका सबैको साथ, सहयोग र विश्वास आवश्यक छ ।’

    गैरआवासीय नेपाली नागरिकतासम्बन्धी विषयको माग र भावनाप्रति आफु जानकार रहेको प्रधानमन्त्रीले उल्लेख गरे । प्रधानमन्त्री ओलीलाई जेनेभास्थित नेपाली स्थायी प्रतिनिधि तथा स्वीट्जरल्याण्डका लागि नेपाली राजदूत मणिप्रसाद भट्टराई तथा नियोगका अधिकारीले स्वागत गरेको भ्रमणमा सहभागी रेडियो नेपालका नरेश फुयाँलले जानकारी दिए ।

    प्रधानमन्त्री ओलीले त्यस अवसरमा स्वीट्जरल्याण्डमा रहेका नेपाली समुदायसँग अन्तरक्रिया गरेका थिए । गैरआवासीय नेपाली नागरिक सङ्गठन स्वीट्जरल्याण्डका अध्यक्ष मणिराज गुरुङसहितका वक्ताले समृद्ध नेपाल सुखी नेपालीको लक्ष्य साकार पार्ने प्रयास गर्दै मातृभूमिको सेवा र निकटतालाई प्रवासमा रहेका नेपालीले निरन्तरता दिन चाहेको बताए ।

    प्रचण्डले आलोपालो नेतृत्व गर्ने लिखित सहमति गरेको खुलासा गरेलगत्तै उक्त लिखित सहमति गरेको दस्तावेज नै बाहिरिएको थियो । उक्त सहमति अनुसार ५ वर्षमध्य २ वर्ष ६ महिना ओली र उत्तिनै समय प्रचण्डले सरकारको नेतृत्व गर्ने भन्ने छ । दुई अध्यक्षले गरेको लिखित सहमतिका साक्षी नेकपाका हालका महासचिव विष्णु पौडेल र अर्का प्रभावशाली नेता जनार्दन शर्मा बसेका छन् ।

    उक्त ५ बुँदे सहमति यसअघि नै पत्रकार शुभशंखर कँडेलले लेखेको पुस्तक ‘एैतिहासिक एकताका आधारहरु’ प्रकाशित छ । तर यो सहमति त्यतिबेला मात्रै चर्चामा आयो जतिबेला एक टेलिभिजन अन्तर्वार्तामा अध्यक्ष प्रचण्डले यस्तो सहमतिबारे बोले । प्रचण्डले नबोलेसम्म पूस्तकमा छापिएको सहमतिपत्रबारे कसैले चासो नै राखेका थिएनन् । जब बोले –यो समाचार एकाएक भाईरल हुन पुग्यो ।

    यो सहमति बाहिरिएसँगै यस्तो सहमतिपत्र कसले बाहिर ल्यायो भनि नेकपाभित्र खोजीको विषय समेत बन्यो । अध्यक्ष ओली स्वदेश फर्किएलगत्तै उनले सहमतिपत्र बाहिर आएकोबारे छानविन गरेको वालुवाटारस्रोतले बतायो ।

    वालुवाटार स्रोतका अनुसार –प्रधानमन्त्री ओली त्यतिबेला चकित भए जतिबेला उक्त सशमतिपत्र महासचिव विष्णु पौडेलसँगै भएकै सहमति पत्र छापिएको थियो । स्रोतका अनुसार सहमतिपत्र त्यतिबेला ४ वटा बनाइएको थियो । दुई अध्यक्ष र दुई साक्षीहरु पौडेल र शर्माले एकएकप्रति लिएका थिए ।

    पौडेलसँग रहेको सहमतिपत्रमा हस्ताक्षर गर्दा मसी लतपतिएको प्रति थियो । सोही मसि लतपतिएको प्रति नै प्रकाशित भएपछि पौडेलबाट नै पत्र बाहिरिएको निष्कर्षमा ओली पुगेका थिए । यसबारे महासचिव पौडेलले भने कही प्रतिक्रिया सार्वजनिक गरेका छैनन् ।

    ऋषि धमलासँगको गफगाफमा के भनेका थिए प्रचण्डले ? पढ्नुहोस् जस्ताको तस्तै

    ”पार्टी एकता गर्दा पक्कै पनि हाम्रोवीचमा समझदारी भएको छ । हामीले सहमतिबाट नै निर्णय गरेर जानुपर्छ । पार्टीमा र सरकारको नेतृत्व पनि हामीले आलोपालो गर्ने नै भन्ने सहमति छ । त्यो लिखितै छ । त्यो बाहिरै आइसक्या छ । त्यो किताबमा छापिएरै आइसक्या छ । त्यसकारण यो के हो भनेर धेरै प्रश्न गरिराख्न आवश्यक म ठान्दिनँ । आलोपालोमा जाने सहमति भएकै छ ।

    केपीजी र मेरो कुरा हुँदा हामी सहमतिअनुसार नै जाने भन्ने कुरामा नै हामी प्रतिवद्ध छौं । त्यसकारण अहिले म आशंका गर्न पनि चाहन्न । यो विषय फेरि के हो भने उहाँ र मवीच सहमति भयो, पार्टीभित्र सहमति भयो भने पाँचै वर्ष केपी ओली हुन पनि हुन्छ । मलाई चैं प्रधानमन्त्री लिन हतारो विल्कुलै छैन ।

    देशमा सुशासन र विकासले गति लियो र जनतामा सन्तुष्टि आयो भने मैले पार्टीलाई मुख्यरुपमा हेर्ने र अर्को चाहिँ अध्यक्षले प्रधानमन्त्री मुख्यरुपमा हेर्ने गरी काम मिलायो भने मलाई सहज हुन्छ । मलाई प्रधानमन्त्री नभई नहुने, चाहिने भनेर मैले सोचेको छैन । मानिसहरुले त्यसै हो कि भन्छन्, कतिपय अलिकति संकीर्ण, अलिकति पूर्वाग्रही आँखाले हेर्नेहरुले चाहिँ मैले थोरै जनताका गुनासो, जनताका कुराहरु बोलें भने प्रधानमन्त्री हुन बोल्या हो कि भन्ने पनि मान्छे छन् ।

    तर, मेरो त्यो कुरा होइन । राम्रोसँग पार्टी रन भयो, राम्रोसँग सरकार रन भयो भने त्यो आलोपालो भनिएको भए पनि पाँचै वर्ष केपीजी बस्दा पनि मलाई आपत्ति हुँदैन । म समर्थन गरिराख्छु । म एउटा कुरालाई फेरि दोहो¥याउँछु– सुशासन र विकासले गति लियो, सरकार दिन प्रतिदिन अझ बढी लोकप्रिय कामहरु गर्दै अगाडि बढ्यो भने हामीले सहमति गरेकोमा प्रधानमन्त्री फेरिराख्नुपर्छ भन्नेमा म छैन ।

    तर, म पनि एउटा नेताको हैसियतले मेरो जिम्मेवारी पनि राम्रोसँग परिभाषित त हुनुपर्छ । त्यसो भयो भने सरकारको नेतृत्व एउटा अध्यक्षले, पार्टीको नेतृत्व एउटा अध्यक्षले ग¥यो भने सन्तुलन मिल्छ र म फेरि प्रधानमन्त्री भइराख्न पनि पर्दैन । मैले खेल्ने पार्टी अध्यक्षका रुपमा राम्रोसँग भूमिका खेल्छु ।

    अहिले यो छलफलको विषय छ । हाम्रो पार्टी पंक्तिमा पनि, लिडरसिप लेबलमा पनि छलफल चलिराखेकै छ । तर, एउटा कुरा के हो भने फेरि विभिन्न परिस्थितिले काम पनि गर्छ । त्यो सबै परिस्थितिमा हिजो हामीले एकता गर्दा जे सहमति गरेका थियौं, त्यो सहमतिप्रति हामी सबैले इमान्दार त हुनैपर्छ ।

    म अहिले कसैप्रति आशंका गर्दिनँ । म के विश्वास गर्छु भने कामरेड केपी ओलीले समय आएपछि सत्ता हस्तान्तरण गर्न उहाँले नै अप्ठ्यारो मान्नुहुन्न । मैले लिन नि अप्ठ्यारो मान्दिनँ ।

    राम्रो काम भयो र सहमति पार्टीभित्र भयो भने उहाँलाई नै पाँचै वर्ष चलाउन दिन मैले केही नै अप्ठ्यारो मान्दिनँ । उहाँले पनि पार्टी सञ्चालन तपाईले राम्रोसँग गर्नुहोस् भनेर दिन उहाँले अप्ठ्यारो मान्न हुँदैन ।

    (वीचैमा ऋषि धमलाकाको प्रश्न– ओलीजीले छाड्नुभएन भने ?)

    सबैचिज सहमतिबाट हुनुपर्छ भन्ने हाम्रो छ । त्यो त पार्टीले गर्ने कुरा हो । त्यस्तो कुराको म अहिले कल्पना गर्न चाहँदिनँ । मैले प्र धानमन्त्रीजीलाई दुःख–सुख, अप्ठ्यारो सबैमा रक्षा गर्न मैले मेरो ठाउँबाट बल गरिराखेकै छु । तपाईहरुले देखिराख्नुभएकै छ ।

    मैले सरकारको पक्षमा, प्रधानमन्त्रीजीको पक्षमा जनताका वीचमा, पब्लिक कार्यक्रमहरुमा सरकारले गरेका राम्रा कामहरु के–के हुन् भन्ने कुरा पनि मैले भनिराखेकै छु । त्यसकारण, तपाईको यो प्रश्नमा म अहिले जान चाहँदिनँ । त्यसो गर्नु वास्तवमा उचित पनि हुँदैन । किनभने, हामी सहज ढंगले कुराकानी गरी पनि राख्या छौं ।

    हामीमा केही कमी छन् भने त्यसलाई सच्याउनुपर्छ भन्नेतिर हामी गई पनि राखेका छौं । त्यसकारण भोलि उहाँले छोड्नुहुन्न भन्ने म कल्पना गर्न चाहन्न । यो विषय हामीले जे समझदारी गरेका छौं, त्यो समझदारीअनुसार जान्छ भन्ने विश्वासका साथ काम गर्ने भन्ने छ मेरो । यसमा यसरी नै बुझ्नु होला । योभन्दा बढी यसमा नसोध्दा ठीक हुन्छ ।

    दोस्रो, म फेरि पनि के भन्न चाहन्छु भने सवाल सुशासन र जनताको विकास र समृद्धिको आकांक्षालाई सम्वोधन गर्ने कुरा हो । जनताले कम्युनिष्ट पार्टीको नेतृत्वको सरकार भएका बेलामा सुशासनको अनुभूति ग¥यो कि गरेन ? यो एउटा सवाल हो भने जनताले अबचाहिँ देशमा विकास हुने भयो, भ्रष्टाचारमुक्त समाजतिर पनि यो अगाडि बढ्यो, विकास र समृद्धितिर पनि अगाडि गयो, सरकार र पार्टीका नेताहरुको अर्को कुनै स्वार्थ छैन भन्ने कुरा जनताले बुझ्यो, चिज एक ढंगले जान्छ ।

    जनताले होइन, भ्रष्टाचार त उस्तै छ, झन बढी बढेको पो छ, विकास पनि भन्याजस्तो गरी अगाडि आइराख्या छैन भन्ने ठान्यो भने परिस्थिति अर्को ढंगले जान्छ । कुरा बुझ्नु भो त ?

    पार्टीभित्र सबै कुरा छलफलले, हिजो हामीले एकता गर्दा जे सहमति भएको छ, त्यो स्पिरिटमा हामी अगाडि बढ्यौं भने चिजहरु एक ढंगले जान्छ । त्यो सहमतिभन्दा विपरीत कुराहरु गर्न थालियो भने चिजहरु अर्को ढंगले जान्छ ।

    म पार्टीको अध्यक्षको नाताले, यो पार्टी एकता गर्न मुख्य भूमिका खेल्ने प्रस्तावकको नाताले पनि मेरोचाहिँ के छ भने यसलाई बचाउने, यसलाई सुदृढ गर्ने एकताको आधार भनेर हामीले सैद्धान्तिक राजनीतिकरुपले पनि एउटा बनाएका छौं, त्यो आधारमा टेक्ने ।

    त्यो आधार भत्किन नदिने । र, जे सहमति गरिएको छ, त्यो इमान्दारितासाथ कार्यान्वयन गर्ने । केका लागि भने यो देशका लागि र जनताका लागि । राष्ट्रको एकता र स्वाधीनताका लागि । र, अनि जनताको विकासको आकांक्षा सम्वोधन गर्नका लागि ।

    तर, त्योबाट दायाँवायाँ भयो भने त्यो घमण्डको अन्तिम परिणति राम्रो हुँदैन । दायाँ वायाँ कोही गर्न खोज्यो भने त्यो टिक्नेवाला छैन भन्ने छ मेरो । मैले गर्न खोजें भने म टिक्दिनँ । अर्कोले गर्न खोज्यो भने अर्को पनि टिक्दैन ।

    आपसी समझदारीमा आवश्यक गम्भीरता, निर्णय लिँदाखेरि इमान्दार र पारदर्शी तरिकाको छलफल र छलफलबाट निर्णय लिने प्रक्रियामा हामी गम्भीर हुनैपर्छ । त्यहाँ गम्भीर भइएन भने स्थिति अप्ठ्यारोतिर जाने खतरा हुन्छ ।

    तर, केपीजीसँग मेरो खुलेर छलफल हुन्छ । दुई चार दिनअघि हामी बालुवाटारमा बस्यौं । खुलेर मनमा लागेका कुरा एक–अर्कालाई भनियो । खुल्लम खुल्ला नै भनियो दुईजना मात्रै बसेर । यसले गर्दा हिजो हामीले गरेको एकता र विश्वास तोड्नेतिर हैन, ठीकै दिशातिर जान्छ भन्ने नै मेरो विश्वास छ ।

    प्रतिक्रिया

    आजको ट्रेन्डिङ