News Portal

  • ओलीलाई हटाएर प्रचण्डलाई प्रधानमन्त्री बनाउने यस्तो तयारी, झलनाथ खनालको अर्कै खुलासा

    संचारकेन्द्र संवाददाता
    ८५१ पटक

    काठमाडौं । सत्तारुढ दलका एउटा अध्यक्ष केपी ओलीलाई हटाएर अर्का अध्यक्ष प्रचण्डलाई प्रधानमन्त्री बनाउने कसरत पार्टीभित्र सुरु भएकाे छ । प्रचण्डलाई प्रधानमन्त्री बनौअने कि माधव नेपाललाई सघाउने भन्ने विषयमा नेताहरु ३ खेमामा भिभाजित भएका छन् ।

    ओलीलाई साथ दिन नेताहरुको संख्या घट्दै गएपछि प्रधानमन्त्रीमा प्रचण्ड आउने अवस्था बलियो बन्दै गएको सत्तारुढ नेकपाका एक नेताले बताए । तर ओली सहमति आउने भन्दा पनि एक्लै पेलेर जाने नीतिका साथ अघि बढेकोले प्रचण्ड कडा रुपमा प्रस्तुत हुन नसकेको ति नेताको भनाइ छ ।

    पूर्व एमाले र पूर्व माओवादीका नेताहरुबीच पार्टी एकता भएको बर्षदिन बितिसक्दा पनि तल्लोस्तरका नेता कार्यकर्तामा अझै एकता हुन सकको छैन । उसो त पार्टीका शिर्ष नेताहरु नै गुट उपगुटमा लागेका बेला कार्यकर्ताहरु यसै विभाजित हुने कतिपय राजनीतिक विश्लेषकहरुको भनाई छ ।

    बिहिबार राति मात्रै सत्तारुढ दल नेपाल कम्युनिष्ट पार्टी (नेकपा) का २ अध्यक्ष एकाएक चन्द्रागिरी पुगेपछि देख्ने मान्छेहरु अचम्ममा परेका थिए । नेकपा अध्यक्ष एवं प्रधानमन्त्री केपी ओली र अर्का अध्यक्ष पुष्पकमल दाहाल प्रचण्ड बिहीबार राति एकाएक चन्द्रागिरी किन पुगे भन्ने चासो धेरैलाई भए पनि कहिले भने यसबारेमा सुइँकोसम्म पाएनन् ।

    खासमा २ अध्यक्षहरु एकआपसमा फाटो हुँदै गएको सम्बन्ध सुधारका लागि केहि नेताहरुसहित चन्द्रागिरी पुगेको स्रोतले बतायो । स्रोतका अनुसार ओली र प्रचण्डसहित गृहमन्त्री रामबहादुर थापा बादल, नेकपा महासचिव विष्णु पौडेल लगायतका नेताहरु चन्द्रागिरीमा छलफलमा जुटेका हुन् ।

    त्यसक्रममा उनीहरुबीच राति अबेरसम्म पार्टी एकता टुंगो लगाउने विषयमा पनि लामो कुराकानी भएको स्रोतले जनाएको छ । पूर्व एमाले र पूर्व माओवादी केन्द्रबीच पार्टी एकता भएको एक वर्ष पुग्दा पनि जिल्ला र त्यसभन्दा तल्ला कमिटीहरुको एकीकरण हुन सकेको छैन ।

    पछिल्लोपटक ओली पक्षले माधव नेपाल पक्षलाई पूर्र्वएमालेले पाउने कोटाबाट ७७ मध्ये दुई जिल्ला अध्यक्ष दिएपछि नेपाल आक्रोशित छन् । नेता नेपालले दुवै अध्यक्षलाई सम्मानजनक एकीकरण नभए सबै जिल्लामा सानान्तर कमिटी गठन गर्ने चेतावनी दिइसकेका छन् ।

    नेपाललाई कसरी चित्त बुझाएर पार्टी एकीकरणलाई टुंगोमा पु¥याउने भन्नेबारे छलफल भएको प्रधानमन्त्रीको निजी सचिवालय स्रोतले जानकारी दिएको छ । यस्तै राष्ट्रपति विद्यादेवी भण्डारीको चीन भ्रमण, चिनियाँ विदेश मन्त्रीको नेपाल भ्रमण लगायतको विषयमा पनि छलफल केन्द्रीत रहेको स्रोतको दाबी छ ।

    उसो त सत्तारुढ नेकपाभित्रको गुट उपगुटले आन्तरिक बिबादलाई सतहमा ल्याइदिएको छ । पार्टीको सांगठनिक एकता प्रक्रियामा अध्यक्षद्वय केपी ओली र पुष्पकमल दाहाल ‘प्रचण्ड’ तथा वरिष्ठ नेता माधव नेपालबीच गुटगत तिब्र प्रतिस्पर्धा चलिरहेको स्रोत बताउछ

    नेकपा सचिवालयभित्र वरिष्ठ नेता नेपाल, झलनाथ खनाल, वामदेव गौतम र नारायणकाजी श्रेष्ठको एउटा गुट छ । त्यस्तै अध्यक्ष ओली, महासचिव विष्णु पौडेल र सचिवालय सदस्य ईश्वर पोखरेलको अलग्गै गुट छ । त्यस्तै गृहमन्त्री समते रहेका राम बहादुर थापाको भने आफ्नो गुट छ ।

    अध्यक्ष प्रचण्ड अर्का अध्यक्ष ओली तथा नेपाल दुवै समूहसँगको समदुरी सम्बन्धमा देखिए पनि थापाको नेकपाभित्र छुट्टै गुट रहेको एक केन्द्रीय सदस्यले संचारकेन्द्रलाई बताए । तत्कालीन माओवादीमा रहेको उनको अलग्गै गुट अहिले पनि यथावत् छ । तत्कालीन माओवादी विभाजनका बेला मोहन वैद्यसँग लागेका थापा पाँच वर्षपछि बहुमत नेताकार्यकर्ता लिएर पुनः दाहाल नेतृत्वको माओवादीमै फर्केका थिए ।

    नेकपाका विभिन्न गुटमध्ये ३४ केन्द्रीय सदस्यलाई आफ्नो पक्षमा राख्न सफल सचिवालय सदस्य एवम् गृहमन्त्री रामबहादुर थापा सरकारमा मात्र होइन, पार्टी राजनीतिमा पनि निर्णायक देखिएका छन् ।

    यसैले पनि पार्टी केन्द्रीय समितिदेखि प्रदेश कमिटीसम्म र संघीय व्यवस्थापिकादेखि प्रदेशसभासम्म थापा निकट नेताहरूको प्रतिनिधित्व छ । पार्टी उच्च स्रातका अनुसार प्रधानमन्त्री ओलीले गृहमन्त्री रहेका थापाले तत्काल आफ्नो साथ छोड्न नसक्ने विश्वासमा छन् । त्यही भएर पनि ओलीले थापालाई बेला बेलामा बालुवाटारमा बोलाएर आफूलाई सघाउन आग्रह गर्दै आएका छन् ।

    के भन्छन् झलनाथ खनाल ?

    सत्तारुढ नेपाल कम्युनिस्ट पार्टी (नेकपा)का वरिष्ठ नेता झलनाथ खनालले चन्द्रगिरीमा प्रधानमन्त्री केपी ओलीसहितका शीर्ष नेताहरूको बैठकका बारेमा आफूलाई जानकारी नरहेको बताएका छन् ।

    नेपाली रेडियो नेवटर्कमा आइतबार बिहान पत्रकार ऋषि धमलासँग कुरा गर्दै नेता खनालले चन्द्रागिरी बैठकका बारेमा कुनै पनि कमिटीमा छलफल नभएको बताए । ‘चन्द्रागिरीमा के भयो मलाई थाहा छैन । यो कार्यशैली ठीक छैन । कमिटीमा छलफल हुन बाँकी छ’, उनले भनेका छन् ।

    नेता खनालले आफू कुनै पनि गुटमा नरहेको बताएका छन् । उनले अर्का वरिष्ठ नेता मधवकुमार नेपालको गुटलाई आफूले साथ नदिएको पनि बताए ।

    ‘म गुट बनाउने कुरामा छैन । गुट बनाउने कुरा अपराध हो । माधव नेपाल, बामदेव गौतम र मेरो गुट छैन’, उनले भने, ‘मेरा आफ्नै स्वतन्त्र विचार हुन्छन् । सरकारविरुद्धको मोर्चामा छैन ।’

    नेकपाका नेता खनालले प्रधानमन्त्री ओलीविरुद्ध मोर्चा गठन नभएको बताए । ‘ओलीविरुद्ध कुनै पनि मोर्चा गठन हुने सम्भावना पनि छैन’, उनले भनेका छन् ।

    ओलीलाई हटाएर प्रचण्डलाई प्रधानमन्त्री बनाउने विषयमा कुनै पनि गतिविधि नभएको खनालले बताए । ‘ओलीलाई हटाएर प्रचण्डलाई प्रधानमन्त्री बनाउने बेकारको कुरा हो । हल्ला हो । यसको पछाडि नलाग्नुस्’, उनले भने, ‘प्रधानमन्त्री ओलीलाई हटाउने कुनै पनि सम्भावना छैन । बिकल्प छैन ।’

    पार्टी एकीकरणका बेला ओली र पुष्पकमल दाहाल ‘प्रचण्ड’बीच भएको गोप्य सहमति कार्यान्वयन हुनुपर्ने वरिष्ठ नेता खनालले बताए । ‘दुई पार्टी बनेका बेला केही सहमति बनेका होलान्’, उनले भने, ‘त्यो कार्यान्वयन गर्ने दुई अध्यक्षको कुरा हो ।’

    २०७६ बैशाख १ गते प्रकाशित
    प्रतिकृया दिनुहोस्

    सर्वाेच्च अदालतले भन्यो – एनसेलसँग तत्काल कर नउठाउनू

    काठमाडौं । सर्वोच्च अदालतले विवादित टेलिकम कम्पनी एनसेललाई तत्काल कर असुल नगर्नु भनी अल्पकालीन अन्तरिम...

    अन्तर्राष्ट्रिय विमानस्थलमा बोइङमा एक्कासी आगलागी, के छ क्षतिको बिबरण

    काठमाडौं । एयर इण्डियाको विमानमा आगलागी भएको छ । भारतको राजधानी नयादिल्लीस्थित अन्तर्राष्ट्रिय विमानस्थलमा अबेर...

    प्राधिकरणमा गयो भूकम्प, ४ हजार प्राविधिकले गरे सामुहिक राजीनामाको घोषणा, कारण भिडियोसहित

    काठमाडौं । राष्ट्रिय पूनर्निर्माण प्राधिकरणमा भूकम्प जाने निश्चित भएको छ । करिब चार हजार प्राविधिकहरुले...

    श्रीलंकामा फेरि अर्को भयानक विस्फोट, ज्यान गुमाउनेको सङ्ख्या ३ सय ६० पुग्यो

    काठमाडौं । श्रृङ्खलाबद्ध बम आक्रमणले शोकमा रहेको श्रीलंकामा बिहीबार फेरि अर्को भयानक विस्फोट भएको छ...

    तत्काल राजीनामा दिन प्रहरी र सेना प्रमुखलाई आयो निर्देशन, अब के हुन्छ ?

    एजेन्सी । श्रीलंकाका राष्ट्रपति मैत्रीपाला सिरिसेनाले प्रहरी र सेनाको नेतृत्वलाई तत्काल राजीनामा दिन आदेश दिएका...