News Portal

  • ओली-सीके राउतबीचको ११ बुँदे सम्झौता समवर्गभित्रको लेनदेन र सौदाबाजी हो – विप्लव (बिज्ञप्तसहित)

    संचारकेन्द्र संवाददाता
    २५० पटक

    काठमाडौँ । नेपाल कम्युनिष्ट पार्टीका महासचिव विप्लवले ओली सरकार र सीके राउतबीच भएको सम्झौता मधेसी जनताको अधिकारसँग सम्बन्ध नभएको बताए । विप्लवले सीकेसँग भएको सम्झौताले मधेसी जनताले अधिकारी नपाउने, त्यस्तै सम्झौताले विखण्डनकारीको अन्त्य पनि नहुने बताएका छन् ।

    “दलाल पुँजीवादी सत्ताका कारणले पैदा भएका वर्गीय, जातीय, क्षेत्रीय, लैङ्गिक समस्याहरू दलाल पुँजीवादी सत्ताभित्रै गरिने सम्झौताद्वारा कदापि समाधान हुँदैनन्, न त जातीय, क्षेत्रीय भिडन्त र विखण्डनबाट नै समाधान हुन्छन् । उत्पीडन, शोषण, दमनबाट श्रमिक जनताले मुक्ति केवल दलाल पुँजीवादी सत्ताको अन्त्य र वैज्ञानिक समाजवाद—साम्यवादको स्थापनाबाट मात्र प्राप्त गर्न सक्छन् ।” विज्ञप्तिमा भनिएको छ- “हालै प्रचार गरिएको सरकार र सीके राउतबीचको कथित ११ बुँदे सम्झौता उत्पीडनमा परेका मधेसी जनता र शान्ति चाहने नेपाली जनताको चाहनासँग सम्बन्धित छैन”  ।

    फागुन २४ गते सरकार र राउतबीच भएको सम्झौता समवर्गभित्रको लेनदेन र सौदाबाजी भएको महासचिव विप्लवले बताएका छन् ।  पुँजीवाद र दलाल पुँजीवादी सत्ता स्वीकार्दै गरिने आपसी विवाद, सङ्घर्ष, फासिवाद र विखण्डन साथै उनीहरूबीच हुने सम्झौता पुजीवादकै बहुअनुहार भएको महासचिव विप्लवकाे तर्क छ ।

    “सामान्यतः पुँजीवाद र दलाल पुँजीवादी सत्ता स्वीकार्दै वा मान्दै गरिने आपसी विवाद, सङ्घर्ष, फासिवाद र विखण्डन साथै उनीहरूबीच हुने सम्झौता पुजीवादकै बहुअनुहार हुन् ।” विप्लवले विज्ञप्तिमा भनेका छन्, – “समवर्गभित्रको लेनदेन र सौदाबाजी हुन् । त्यहाँ न देश र जनताको विषय हुन्छ, न ती विषयप्रति नै उनीहरू इमानदार हुन्छन्, न त उनीहरूले फलाक्ने कथित सम्झौताहरूबाट शान्ति नै स्थापना हुन्छ ।”

    उनले सम्झौता गरेर जनतालाई केवल जनतालाई भ्रमित गर्ने र आफ्नो वर्गस्वार्थ पूरा गर्ने उद्देश्यले सम्झौता भएको बताएका छन् । सम्झौताले मधेस र मधेसी जनताले अधिकार नपाउने र न विखण्डनकारी प्रवृतिको अन्त्य पनि नहुने विप्लवले बताएका छन् ।

    उनले भनेका छन्- “यसबाट न मधेसी जनताले कुनै अधिकार पाउनेछन्, न त विखण्डनकारी प्रवृत्तिको नै अन्त्य हुनेछ । मधेसी जनताको मुक्ति र देशमा शान्ति दलाल पुँजीवादी सत्ता चलाएर वा देश टुक्र्याएर हुनेछैन । तिनको प्राप्ति नेपालबाट दलाल पुँजीवादी सत्तालाई अन्त्य गरेर वैज्ञानिक समाजवाद स्थापना गरेपछि मात्र हुनेछ । जतिबेलासम्म दलाल पुँजीवादी सत्ता कायम हुनेछ त्यतिवेलासम्म जनतामाथि वर्गीय, जातीय, क्षेत्रीय उत्पीडन कायम हुनेछ भने त्यसबाट अनेकौँ सङ्घर्षका स्वाभाविक र अस्वाभाविक रूपहरू उत्पन्न भइरहनेछन् ।”

    विप्लवले देशभक्त, लोकतान्त्रिक, कम्युनिस्ट शक्तिहरू र मधेसी जनतालाई उक्त सम्झौताहरूको भ्रममा नपरी देशलाई दीर्घ शान्तिमा पु¥याउनका लागि एकीकृत जनक्रान्तिमा सहभागी बन्न अपील समेत गरेका छन् ।

     

     

    २०७५ फागुन ३० गते प्रकाशित
    प्रतिकृया दिनुहोस्

    प्रधानमन्त्रीलाई हटाउन आफ्नै मन्त्रीहरुले गरे यस्तो षड्यन्त्र, अब के होला ?

    काठमाडौँ । आफ्नै सरकारका मन्त्रीहरुबाट प्रधानमन्त्रीलाई अपदस्थ गर्ने तयारी शुरु भएको छ । असन्तुष्ट मन्त्रीहरुले...

    अठहत्तर लाख घूस लिने पाठकविरुद्ध अख्तियारद्वारा विशेष अदालतमा मुद्दा दर्ता

    काठमाडाैँ । अख्तियार दुरुपयोग अनुसन्धान आयोगले राजीनामा दिएका आयुक्त राजनारायण पाठकविरुद्ध भ्रष्टाचार मुद्दा दायर गरेको...

    breaking अछाममा नेकपा कार्यकर्ता सामत्न प्रहरीले ७ राउण्ड गोली चलायो, ४ जना गिरफ्तार

    मंगलसेन । नेपाल कम्युनिष्ट पार्टीका कार्यकर्ता समात्न प्रहरीले अछाममा गोली चलाएको छ । जिल्लाको रामरोसन...

    १६ गतेको नेपाल बन्द फिर्ता लिन विप्लवलाई नेपाल बार एसोसिएसनको आग्रह

    काठमाडौं । नेपाल बार एसोसिएसनले चैत्र १६ गतेका लागि आव्हान गरिएको नेपाल बन्द फिर्ता लिन...

    फ्रान्सबाट तीन सय एअर बस किन्ने चीनको तयारी

    काठमाडौं । चीनले फ्रान्ससँग तीन सय वटा एअर बस किन्ने भएको छ । चीन र...