News Portal

  • आठ तोला सुनका गहना र साढे ३ क्विन्टल चरेससहित २ पक्राउ

    संचारकेन्द्र संवाददाता
    ४४ पटक

    काठमाडौँ । प्रहरीले बुटवलबाट सुनका गरगहनासहित एक जनालाई पक्राउ गरेको छ । शनिबार साँझ तिलोत्तमा नगरपालिका वडा नं. ३ ड्राइभर टोलबाट चोरी भएका सुनका गरगहनासहित उनलाई पक्राउ गरिएको ईलाका प्रहरी कार्यालय बुटवलले जानेको छ ।

    प्रहरीका अनुसार पक्राउ पर्नेमा कास्की जिल्ला पोखरा महानगरपालिका वडा नं. ९ बस्ने ३२ वर्षीय दीपक थापा रहेका छन् । गुल्मी धुर्कोट गाउँपालिका वडा नं. ५ घर भई हाल तिलोत्तमा नगरपालिका वडा नं. ५ बस्ने सुरेश शर्माको कोठाबाट उक्त सुनको गरगहना चोरी भएको ईलाका प्रहरी कार्यालय बुटवलका प्रहरी नायब उपरीक्षक डिल बहादुर मल्लले जानकारी दिए।

    प्रहरीले पक्राउ परेका गुरुङको साथबाट ८ तोलाभन्दा बढी सुनका गरगहना बरामद गरेको जनाएको छ। प्रहरीले गुरुङको साथबाट सुनको बाला २ थान, सुनको हार १ थान, चन्द्रमा १ थान, औंठी १ थान, जन्तर १ थान, कालो मालाको पोतेको झुम्का १ थान, चाँदीको सिक्री १ थान र १ थान डिजिटल घडी समेत बरामद गरेको जनाएको छ ।

    पछिल्लो समय रुपन्देहीमा सुनका गरगहना चोरी गर्ने गिरोहको बिगबिगी बढेको प्रहरीले जनाएको छ। यसअघि गत हप्ता पत्रकार यमलाल भुसालको तिलोत्तमा नयाँमिलस्थित घरबाट पनि आठ तोलाभन्दा बढी सुनका गरगहना चोरी भएको थियो।

    यता, रुपन्देहीको भैरहवाबाट चोरी भएको मोटरसाइकलसहित रुपन्देही प्रहरीले एक जनालाई पक्राउ गरेको छ। गत माघ १८ गते सिद्धार्थनगर नगरपालिका वडा नं. ३ खजहनास्थित सन्तोषकुमार पाठकको घरभित्रबाट चोरी भएको लु २८ प ४९१३ नं. को मोटरसाइकलसहित सिद्धार्थनगर नगरपालिका वडा नं. ३ का २६ वर्षीय विक्रम घर्ती मगरलाई पक्राउ गरिएको प्रहरीले जनाएको छ।

    यस्तै यता धादिङको गजुरीबाट ३ सय ६० किलो चरेशसहित ३ जनालाई प्रहरीले पक्राउ गरेको छ। केन्द्रीय लागु औषध नियन्त्रण ब्युरोबाट खटेको टोलीले भारतीय कन्टेनरबाट ठुलो मात्रामा चरेश बरामद गरेको हो। प्रहरीले भारत मोतिहारीका गुलाव खान, चालक ओमप्रकाश र सहचालक मुर्फा बलारालाई नियन्त्रणमा लिएको छ।

    भारत लैजान लागेको अवस्थामा सो चरेश नियन्त्रणमा लिइएको डिआइजी दिनेश अमात्यले जानकारी दिए। प्रहरीले यसअघि भारत लैजान लागेकै अवस्थामा २ सय ३५ केजी चरेश बरामद गरेको थियो।

    २०७५ माघ २७ गते प्रकाशित
    प्रतिकृया दिनुहोस्

    लिटिल ब्वाइ मेस्सीले गरे ५० औं ह्याट्रिक, सेभिया ४-३ पराजित

    काठमाडाैं । अर्जेन्टिनी फुटबल भेट्रान लियोनल मेस्सीले करिअरको ६५० औं गोल तथा ५० औं ह्याट्रिक...

    यसरी खुल्यो विदेश पठाउने कन्सल्टेन्सीको ठगी धन्दा, सञ्चालकहरू विदेश टाप

    काठमाडौं । मिनी म्यानपावरको रुपमा खुलेका शैक्षिक परामर्शदाताको कमजोरीका कारण अस्ट्रेलियामा ७ सय ४३ विद्यार्थीको...

    बम बिस्फोटको घटनापछि के बादलले गृहमन्त्रीको पदबाट राजीनामा दिदैछन् ?

    काठमाडौं । शुक्रबार राति भएको शृंखलाबद्ध बम बिस्फोटपछि शनिबार काठमाडौंमा गाईंगुईं हल्ला चल्यो, गृहमन्त्री रामबहादुर...

    सरकारको कामबारे प्रतिक्रिया दिएपछि दैनिक पत्रिकाका प्रधान सम्पादक निवासबाटै पक्राउ

    एजेन्सी । सुडानको सुरक्षा निकायले यहाँको प्रसिद्ध पत्रिकाका सम्पादकलाई राष्ट्रपति अमेमार अल–बासिरद्वारा देशमा सङ्कटकालको घोषणा...

    बीस वर्षमा १९ प्रधानमन्त्री, २४ मन्त्री र २९ आयोजना प्रमुख फेरिए तर मेलम्चीको पानी काठमाडौं आएन

    काठमाडौं । ०४७ मा तत्कालीन प्रधानमन्त्री कृष्णप्रसाद भट्टराईले मेलम्चीको पानी काठमाडौं ल्याएर खानेपानीको समस्या समाधान...