News Portal

  • कंग्रेसका तर्फबाट निर्वाचित विधायकको गोली हानी हत्या

    संचारकेन्द्र संवाददाता
    ७९ पटक

    काठमाडौँ  । भारतको पश्चिम बंगाल राज्यमा अज्ञात व्यक्तिले गोली प्रहार गरेर एक विधायकको हत्या गरेका छन्।पश्चिम बंगालको सत्तारूढ दल त्रिणमुल कंग्रेसका तर्फबाट निर्वाचित ३८ वर्षीय सत्यजित विश्वासको हत्या भएको प्रहरीले जनाएको छ। विधायक विश्वासको कसले हत्या गरेको हो भन्ने बारेमा अहिलेसम्म यकिन हुन सकेको छैन।

    पश्चिम बंगाल राज्यको राजधानी कोलकातादेखि १२२ किलोमिटर टाढा पर्ने नाडिआ जिल्लाको ग्रामीण क्षेत्रमा शनिबार उनको हत्या भएको हो।गोली प्रहार भएको केही समयमै उनलाई नजिकैको अस्पतालमा पुर्‍याइएको भए पनि चिकित्सकहरूले तत्कालै मृत घोषणा गरेका थिए।

    सरस्वती पूजाको कार्यक्रममा सहभागी भएको बेला उनीमाथि आक्रमण भएको स्थानीय बासिन्दाले जानकारी दिएका छन्।‘कार्यक्रमका लागि बनाइएको मञ्चमा साँस्कृतिक कार्यक्रम गरिने भएपछि उहाँ तल झर्नु भएको थियो ।

    त्यसलगत्तै उहाँमाथि आक्रमण गरी हत्या भयो,’ प्रहरीले जनाएको छ।त्रिणमुल कंग्रेसका जिल्ला अध्यक्ष गौरीशंकर दत्तले विश्वासको हत्याको आरोप भारतीय जनता पार्टीमाथि लगाएका छन्। तर जनता पार्टीले भने उक्त आरोप अस्वीकार गरेको छ।

    टीएमसीका जिल्ला अध्यक्ष गौरी शंकर दत्ताले बीजेपीले योजनाबद्ध रुपमा आफ्ना विधायकको हत्या गरेको बताउँछन्, ‘बीजेपीले योजनाबद्ध तरिकाले यो हत्या गराएको हो । सत्यजित र मलाई अतिथिको रुपमा बोलाइएको थियो । व्यक्तगत रुपमा उनी मेरा छोराजस्तै थिए ।

    भर्खरै मात्र उनले विवाह गरेका थिए । उनी मुटुआ संघका हिस्सा थिए । त्यसैले बीजेपीले मुटुआ समुदायका मतदातालाई आकर्षित गर्न सकिरहेको थिएन । हामी उनको मृत्युलाई त्यसै खेर जान दिने छैनौँ ।’

    सीबीआईको अनुसन्धानमा रहेको चिट फण्ड घोटालामा मुकुल रोय पनि मुख्य आरोपीमध्येका एक हुन् । उनी टीएमसीकै पूर्व नेता र यूपीए सरकारका बेला रेल्वे मन्त्री पनि थिए । उनी २०१७ मा मात्रै बीजेपी प्रवेश गरेका थिए । उनी पश्चिम बंगालमा बीजेपीका स्टार प्रचारकका रुपमा पनि उत्रिएको बताइन्छ ।

    बीजेपीले भने मुकुल रोयलाई लागेको आरोपको खण्डन गर्दै घटनाको सीबीआई जाँच हुनुपर्ने माग गरेको छ ।घटनामा मुकुल रोय र अन्य दुई जना आरोपीविरुद्ध उजुरी दर्ता भएको छ । घटना भएको क्षेत्रमा रहेको हंसकाली प्रहरी चौकीका प्रमुखलाई निलम्बन पनि गरिएको भारतीय सञ्चारमाध्यमले जनाएका छन् ।

    २०७५ माघ २७ गते प्रकाशित
    प्रतिकृया दिनुहोस्

    विदेशीसँग प्रतिस्पर्धा गर्नसक्ने नेपाली जनशक्ति उत्पादन गरिन्छ – प्रधानमन्त्री

    काभ्रेपलाञ्चोक । प्रधानमन्त्री केपी शर्मा ओलीले विदेशीसँग प्रतिस्पर्धामा उत्रनसक्ने गरी नेपाली जनशक्ति उत्पादन गरिने बताएका...

    २७ वर्षपछि कोमाबाट बौरिएकी आमाको मुखबाट पहिलोपटक निस्कियो यस्तो शब्द

    काठमाडौँ । सडक दुर्घटनामा परेर ‘कोमा’ मा गएकी संयुक्त अरब इमिरेट्सकी एक महिला २७ वर्षपछि...

    एकता सकिएको २ दिन नबित्दै ओलीसँग प्रचण्ड फायर, यस्तो छ कारण

    काठमाडौं । जिल्ला तहको एकता भएको २ दिन नबित्दै सत्तारुढ नेपाल कम्युनिष्ट पार्टी (नेकपा) भित्रको...

    राष्ट्रिय भण्डारी चीन प्रस्थान

    राष्ट्रपति विद्यादेवी भण्डारी मित्रराष्ट्र चीनको नौं दिने राजकीय भ्रमणका लागि त्यसतर्फ प्रस्थान गरेकी छिन् ।...

    भूकम्प जाँदा मृत्यु हुनेको संख्या ११ पुग्यो, यस्तो छ थप क्षतिको बिबरण

    काठमाडौं । ६ दशमलव १ म्याग्निच्युडको भूकम्प जाँदा मृत्यु हुनेको संख्या ११ पुगेको छ ।...