News Portal

  • नेकपाको जनसरकारले बर्दियामा झण्डा गाडेर कब्जा गर्यो भूमाफियाको जग्गा

    संचारकेन्द्र संवाददाता
    १२७ पटक

    काठमाडौँ । नेपाल कम्युनिष्ट पार्टीले भूमिहीन किसानले भोग गर्दै आएको जग्गामा भूमाफियाहरूले आँखा गाढेको भन्दै आफ्नो कब्जामा लिएको छ । नेत्र विक्रम चन्द ‘विप्लव’ नेतृत्वको नेकपाले पछिल्लोपटक देशभर अभियानात्मकरुपमा जग्गा कब्जा अभियानलाई तिब्रता दिएको छ ।

    नेकपाको जनअदालत (जनपरिषद नेपाल) बर्दियाले भूमाफिया ध्रुव बस्याल र महेश्वरनाथ गिरीले करिब दुइ दशकदेखि उपभोग गर्दै आएका किसान कमानसिंह थारुको उठिबास लगाउने गरी उक्त जग्गामा चलखेल गर्न खोजेको सूचनाका आधारमा आफ्नो पार्टीले जग्गा कब्जा गरेको जनाएको छ ।

    जिल्ला जनपरिषद बर्दियाका प्रमुख टीकाराम थारुले माघ २० गतेदेखि उक्त जग्गा आफ्नो पार्टीले नियन्त्रणमा लिएको बिज्ञप्ति मार्फत जनाएका छन् । बर्दियाको साविक बेलुवा ४, लखनामा जमिन्दार गोबिन्द लाला कायस्ता र उनको श्रीमती मुना देबी कायस्ताको नाममा रहेको उक्त जग्गामा नेकपाको जनपरिसदले ब्यानर र पार्टीको झण्डा गाडेर आफ्नो नियन्त्रणमा लिएको छ ।

    जनपरिसदले जारी गरेको बिज्ञप्तिमा जनयुद्धकालदेखि नै किसानले भोकचालन गर्दै आइरहेको उक्त जग्गा हाल आएर दलालहरुले बिक्रि वितरण गर्न खोजेपछि आफ्नो पार्टीले नियन्त्रणमा लिनुपरेको जनाइएको छ ।

    जिल्ला जनपरिसद प्रमुख टिकाराम थारुले जारी गरेको बिज्ञप्तिमा जनयुद्द्कालमा पार्टीले कब्जा गरी किसानलाई वितरण गरेको जमिन्दारको जग्गा बैज्ञानिक भूमिसुधार लागु गरेर त्यस मार्फत जमिनको समस्या हल गर्ने भनि बिस्तृत शान्ति सम्झौतामा भनिएको उल्लेख गर्दै त्यसो नगरी बेचबिखन गर्न खोजेकाले पार्टीले कब्जा गरेको जनाइएको छ ।

    थारुले भूमाफियाहरूले अहिलेको दलाल संसदीय व्यबस्थाको प्रशासन र कथित न्यायालयको आडमा गरिब किसानलाई फसाएर धम्क्याएर यस्ता जमिन किनबेच गर्न खोजेकाले आफुहरुले यस्तो कदम उठाएको र आफुले कब्जा गरेको जमिनमा पुनः चलखेल गरे सशक्त कारबाही गरिने पनि बताएका छन् ।

    किसान कमानसिंह थारुले २०५६ सालदेखि जोतभोग गर्दै आएको उक्त जग्गा र अहिले भूमाफिया ध्रुव बस्याल र महेश्वर नाथ गिरीको चलखेलमा किनबेच भएको जनाइएको छ ।

    २०७५ माघ २१ गते प्रकाशित
    प्रतिकृया दिनुहोस्

    विदेशीसँग प्रतिस्पर्धा गर्नसक्ने नेपाली जनशक्ति उत्पादन गरिन्छ – प्रधानमन्त्री

    काभ्रेपलाञ्चोक । प्रधानमन्त्री केपी शर्मा ओलीले विदेशीसँग प्रतिस्पर्धामा उत्रनसक्ने गरी नेपाली जनशक्ति उत्पादन गरिने बताएका...

    २७ वर्षपछि कोमाबाट बौरिएकी आमाको मुखबाट पहिलोपटक निस्कियो यस्तो शब्द

    काठमाडौँ । सडक दुर्घटनामा परेर ‘कोमा’ मा गएकी संयुक्त अरब इमिरेट्सकी एक महिला २७ वर्षपछि...

    एकता सकिएको २ दिन नबित्दै ओलीसँग प्रचण्ड फायर, यस्तो छ कारण

    काठमाडौं । जिल्ला तहको एकता भएको २ दिन नबित्दै सत्तारुढ नेपाल कम्युनिष्ट पार्टी (नेकपा) भित्रको...

    राष्ट्रिय भण्डारी चीन प्रस्थान

    राष्ट्रपति विद्यादेवी भण्डारी मित्रराष्ट्र चीनको नौं दिने राजकीय भ्रमणका लागि त्यसतर्फ प्रस्थान गरेकी छिन् ।...

    भूकम्प जाँदा मृत्यु हुनेको संख्या ११ पुग्यो, यस्तो छ थप क्षतिको बिबरण

    काठमाडौं । ६ दशमलव १ म्याग्निच्युडको भूकम्प जाँदा मृत्यु हुनेको संख्या ११ पुगेको छ ।...