News Portal

  • अभावसँग जुध्दाजुध्दै विदा भए अभिनेता बीएस राणा, यस्तो छ पीडादायी यथार्थ

    संचारकेन्द्र संवाददाता
    ८५० पटक

    काठमाडौं । नेपाली चलचित्र क्षेत्रका चर्चित कलाकार बीएस राणाको निधन भएको छ । उनको उपचारको क्रममा काठमाडौंको टिचिङ अस्पतालमा निधन भएको चलचित्र कलाकार संघकी महासचिव सरिता लामिछानेले जानकारी दिइन् । राणाको केही समयदेखि बिरामी थिए ।

    राणाको ७८ बर्षको उमेरमा निधन भएको हो । उपचारको क्रममा उनको मुटुमा पनि समस्या देखिएको थियो । उनले अभिनय गरेको पहिलो चलचित्र ‘अन्याय’ हो । वि.सं २०४१ सालमा बनेको यो चलचित्रबाट नेपाली चलचित्र क्षेत्रमा प्रवेश गरेका उनले सय भन्दा बढी चलचित्रमा अभिनय गरेका थिए । उनले केही टेलिसिरयलमा पनि अभिनय गरेका थिए ।

    उनले अभिनय गरेका चलचित्रहरुमा ‘दक्षिणा, कोसेली, चिनो, दुई थोपा आँशु, नेपाली बाबु, करोडपति, दर्पण छाया २, सेतो बाघ, हवल्दार सुन्तली, काफल पाक्यो, सम्बोधन, साथी म तिम्रो, आई एम सरी, कसले चोर्यो मेरो मन, दासढुंगा, बसन्ती, दाग’ लगायतका थिए । उनको आजै पशुपति आर्यघाटमा दाहासंकार गरिने वुझिएको छ ।

    बीएस राणाले जति नेपाली फिल्म खेले, अधिकांशमा उनी सम्पन्न परिवारको बुबाको भूमिकामा देखिए । उनको मौलिक अभिनय थियो, त्यसैले यस्तो भूमिकामा राणा निर्विकल्प जस्तै थिए । सेतो बाघ, वसन्तीजस्ता चलचित्रमा त उनी राजदरबारसँग नै जोडिएका थिए । उनको पहिरन, बोलीचाली हेर्दा र सुन्दा लाग्दैनथ्यो कि, उनको वास्तविक जीवन यति पीडादायी छ ।

    बीएस राणाले अभिनय गरेको पछिल्लो चलचित्र दर्पण छाया २ मा उनी धनाढ्य हजुरबुबाको भूमिकामा देखिएका थिए । करोडपति होस् या नेपालीबाबु, बीएस राणाको भूमिका लोभलाग्दो थियो । तर, अन्त्य भने दुखान्त भयो ।

    जीवनको अन्तिम कालखण्डमा उनी आर्थिक अभावसँग जुधिरहेका थिए । आर्थिक अभावसँग जुध्दाजुध्दै राणाको ७६ वर्षको उमेरमा शुक्रबार निधन भयो । आज्माको रोगी राणाको महाराजगन्जस्थित शिक्षण अस्पतालमा उपचारको क्रममा शुक्रबार निधन भएको हो ।

    अस्पतालमा भेटिएका निर्देशक तुलसी घिमिरे स्तब्ध थिए । चलचित्र ‘अन्याय’मा काम गरेपछि राणा र घिमिरे निकट बनेका थिए । त्यसपछि लगातारसँगै काम गरेका घिमिरे सम्झन्छन् ।

    उनका अनुसार कलाकार राणा भोलिबारे उति परवाह गर्दैनथे । ‘उनले आफ्नो भित्री दुःख कहिल्यै देखाएनन्’, घिमिरेले भने, ‘सरल र कसैले भनेको कुरा नकाट्ने खालका थिए ।’

    निर्देशक घिमिरेका अनुसार पछिल्लो समय राणा आर्थिक समस्यामा थिए । उनले बाँसबारीमा रहेको घर–जग्गा बेचेका थिए । २२ दिनअघिको भेटमा बीएसले नयाँ चलचित्रबारे चासो राखेको घिमिरेले बताए । उनले भने, ‘आजै यस्तो होला भन्ने त सपनामा पनि सोचिएको थिएन ।’

    निर्देशक घिमिरेमार्फत बीएस राणालाई चिनेका बिक्रम कार्कीले उनी माघ ५ गते आफ्नो अफिसमा आएको बताए ।

    रोगले च्यापेपछि कार्कीले नै ११ गते शुक्रबार अस्पताल पुर्‍याएका थिए । ‘उहाँको योगदानको अभिलेख पनि होस् र आर्थिक सहयोग पनि जुटोस् भने उहाँको जिवनीमा आधारित डकुमेन्ट्री बनाउन लागेको थिएँ । ‘तर अस्पतालमा निको पारेर फर्काउनै सकिएन ।’

    निकटवर्तीहरुका अनुसार रोगले च्याप्दै लगेपछि काम पाउन छाडे । घर चलाउन र उपचार खर्च अभाव भएपछि भएको घर बेचे । पछिल्लो समय कोठा भाडा तिर्नसमेत गाह्रो भएको थियो ।

    राणा नरहेको खबर सुनेर शिक्षण अस्पताल पुग्नेमा कलाकार संघकी महासचिव सरिता लामिछाने पनि थिइन् । उनले भनिन्, ‘उहाँ मात्र होइन, केही पनि जेष्ठ नागरिकले यो अवस्थामा मृत्यु झेल्न नपरोस् ।’ कलाकार बीएस राणाको अन्त्येष्टिको सबै खर्च कलाकार संघले ब्यहोर्ने लामिछानेले जानकारी दिइन् ।

    २०७५ माघ १९ गते प्रकाशित
    प्रतिकृया दिनुहोस्

    यसरी खुल्यो विदेश पठाउने कन्सल्टेन्सीको ठगी धन्दा, सञ्चालकहरू विदेश टाप

    काठमाडौं । मिनी म्यानपावरको रुपमा खुलेका शैक्षिक परामर्शदाताको कमजोरीका कारण अस्ट्रेलियामा ७ सय ४३ विद्यार्थीको...

    बम बिस्फोटको घटनापछि के बादलले गृहमन्त्रीको पदबाट राजीनामा दिदैछन् ?

    काठमाडौं । शुक्रबार राति भएको शृंखलाबद्ध बम बिस्फोटपछि शनिबार काठमाडौंमा गाईंगुईं हल्ला चल्यो, गृहमन्त्री रामबहादुर...

    सरकारको कामबारे प्रतिक्रिया दिएपछि दैनिक पत्रिकाका प्रधान सम्पादक निवासबाटै पक्राउ

    एजेन्सी । सुडानको सुरक्षा निकायले यहाँको प्रसिद्ध पत्रिकाका सम्पादकलाई राष्ट्रपति अमेमार अल–बासिरद्वारा देशमा सङ्कटकालको घोषणा...

    नेकपाकी अभियान टोली कमान्डर बन्धु चन्द गिरफ्तार, प्रहरीका डिएसपी भन्छन्- भेट्न मात्रै बोलाएको

    काठमाडौं । नेपाल कम्युनिष्ट पार्टीकीनिकट अखिल नेपाल महिला संघ क्रान्तिकारीकी केन्द्रीय अध्यक्ष बन्दु चन्दलाई प्रहरीले...

    कमल थापालाइ ठुलो झट्का, राप्रपाका एक महामन्त्रीसहित २२ जनाले गरे पार्टी परित्यागको घोषणा

    काठमाडौं । कमल थापाको पार्टीमा पहिरो गएको छ । कमल थापा नेतृत्वको राप्रपाका एक महामन्त्री...