News Portal

  • एसियन कप फुटबलमा जापान, कतार र उज्वेकिस्तान विजयी

    संचारकेन्द्र संवाददाता
    २२ पटक

    उपाधि दावेदार जापानले युएईमा जारी एसियन कप फुटबलमा विजयी सुरुवात गरेको छ । एसियन पावर हाउस जापानले गएराती भएको खेलमा तुर्कमिनिस्तानलाई ३–२ ले हरायो ।

    गएराती भएको अर्को खेलमा उज्वेकिस्तानले ओमनालाई २–१ ले पराजित गर्दा कतारले लेबननमाथि २–० को जित निकाल्यो । एसियन कप फुटबलमा आज तिन खेल हुनेछन् । नेपाली समय अनुसार साँझ पोने ५ वजे बहराईन र थाईल्याण्ड भिड्दा सवा ७ वजे जोर्डन र सिरिया तथा राती पौने १० वजे भारत र आयोजक युएई भिड्नेछन् ।

    पहिलो खेलमा थाईल्याण्डलाई ४–१ ले हराउँदै सनसनी मच्चाएको भारत आज लगातार दोस्रो जितको खोजिमा छ ।  यस्तै इङ्लिस लिग कप फुटबल प्रतियोगिताको सेमिफाइनल पहिलो लेगको खेलमा म्यान्चेस्टर सिटीले बुर्टन आल्बियोनलाई पराजित गरेको छ ।

    गएराति आफ्नै मैदानमा भएको खेलमा म्यान्चेस्टर सिटी ९–० को विशाल अन्तरमा विजयी भयो । सिटीका लागि ब्राजिलियन खेलाडी ग्याब्रिएल जिससले चार गोल गरे ।

    यसैगरी केभिन डे ब्रायन, रियाद माहारेज, फिल फोडन, जिन्चेन्को र कायल वाल्करले एक एक गोल गरे । जितसँगै म्यान सिटीले लिग कप अर्थात काराबाओ कप फुटबलको फाइनल यात्रा निश्चित पारेको छ ।

    दोस्रो लेगको खेल यही जनवरी २४ तारिखका दिन बुर्टनको मैदानमा हुनेछ । बुर्टन आल्बियोन इंग्लीश फुटबलको तेस्रो श्रेणीको टोली हो । उसले लिग वानमा प्रतिस्पर्धा गर्दछ ।

    लिग कप फटबलको दोस्रो सेमिफाइनल खेलमा टोटनह्याम हट्सपर र चेल्सी भिड्दैछन् । पहिलो लेगमा टोटनह्यामले १–० को अग्रता लिएको छ ।

    उता ईजिप्टका फुटबल खेलाडी मोहोमद सालाह अफ्रिकी वर्ष फुटबल खेलाडी घोषित भएका छन् । सेनेगलमा मंगलबार राति भएको एक भव्य समारोहकाबिच सालाहले उपाधि जितेका हुन् ।

    इंग्लीश फुटबल क्लब लिभरपूलबाट व्यावसायिक फुटबल खेल्दै आएका सालाह लगातार दोस्रो वर्ष अफ्रिकी वर्ष खेलाडी बनेका हुन् ।यो क्रममा उनले लिभरपूलबाट खेल्दै आएका सेनेगलका खेलाडी सादियो माने र आर्सनलबाट खेल्दै आएका गाबोनका खेलाडी पिएरे एमरिक औबामायङ्गलाई पछि पारे ।

    महिलातर्फ दक्षिण अफ्रिकाकी खेलाडी थेम्बी गात्लाना वर्ष खेलाडी बन्न सफल भइन् । यसैबिच यो वर्षको अफ्रिका कप अफ नेशन्स फुटबल प्रतियोगिता ईजिप्टले आयोजना गर्ने भएको छ । सेनेगलमा हिजै बसेको अफ्रिकी फुटबल महासंघको बैठकले इजिप्टलाई आयोजनाको जिम्मेवारी दिएको हो ।

    पूर्वघोषित आयोजक क्यामरुनले निकै ढिला तयारी गरेको भन्दै महासंघले नयाँ आयोजक छानेको हो । आयोजक बन्ने दौडमा रहेको अर्को मुलुक दक्षिण अफ्रिकाले एक भोट पाउँदा ईजिप्टको पक्षमा १६ भोट परेको छ । १७ सदस्यीय कार्यसमितिमा भएको भोटिङमा एक जना अनुपस्थित रहे ।

    २०७५ पुष २६ गते प्रकाशित
    प्रतिकृया दिनुहोस्

    वाईसीएलका नेतामाथि प्रहरीकाे इन्काउन्टर, खुल्यो यस्तो रहस्य

    काठमाडौं । प्रहरीले गोंगबुस्थित एक होटलमा हतियार कारोबारी भनेर गोली हानेका व्यक्ति वाईसीएल काभ्रेका नेता...

    उपत्यकासहित देशभरि सिमसिम वर्षा- कतै हिमपात त कतै चट्याङ, दुईको मृत्यु ,चार घाइते

    काठमाडौं । उपत्यकासहित देशका विभिन्न स्थानमा बुधबार बिहानदेखि नै वर्षा भैरहेको छ । पश्चिमी वायुको...

    यौनकर्मीको आत्मकथा- ग्राहक सांसद, पुलिस र आर्मी, एक जना भनेर तीन जना आउँदा नमज्जा लाग्यो

    काठमाडौं । रातोपुलको एउटा क्याफेमा सेतो पेन्ट, कालो र नीलो छिर्केमिर्के टिसर्टमा आइपुगिन् उनी ।...

    नेकपाले सिमानामा लगायो काँडेतार, सिंहदरवारदेखि दिल्लीसम्म हलचल

    काठमाडौँ । अखिल क्रान्तिकारीले नेपाल–भारत सीमानामा काँडेतार लगाउने अभियान सुरु गरेको छ । क्रान्तिकारीले भारतले...

    काठमाडौंपछि भोजपुर केन्द्रबिन्दु बनाएर मध्यरातमा भूकम्प, कस्तो छ क्षतिको अवस्था ?

    काठमाडाैं । प्रदेश नम्बर एकको पहाडी जिल्लाहरूमा मंगलबार राति भूकम्पको धक्का महसुस भएको छ ।...