News Portal

  • बुर्टोनको पोष्टमा म्यान्चेस्टर सिटीको नौ गोल, भारी गोलअन्तरले बिजयी

    संचारकेन्द्र संवाददाता
    २१ पटक

    काठमाडौँ । म्यान्चेस्टर सिटीले काराबाओ कपको सेमिफाइनलअन्तर्गत पहिलो लेगमा बुर्टोनलाई भारी गोलअन्तरले पराजित गरेको छ । आफ्नै घरेलु मैदान इतिहाद रंगशालामा भएको खेलमा सिटीले बुर्टोनको पोष्टमा गोलको वर्षा गर्दै ९-० गोलअन्तरले जित हात पारेको हो ।

    फराकिलो गोलअन्तरले बुर्टोनलाई पराजित गर्ने क्रममा सिटीका गाब्रियल जेसुसले हृयाट्रिकसँगै चार गोल गरे । त्यस्तै, केभिन डे ब्रुयन, एलेक्जेन्डर जिन्चेन्को, फिल फोडेन, कायल वाल्कर र रियाड महरेजले गोल गरे ।

    खेलको पाँचौ मिनेटमा नै ब्रुयनले गोल गर्दै सिटीलाई अग्रता दिलाएका थिए । सुरुवातीमै आक्रामक खेल खेल्दै अग्रता बनाएको सिटीका लागि खेलको ३०औं र ३४औं मिनेटमा जेसुसले गोल गर्दा ३७औं मिनेटमा जिन्चेन्कोले गोल गर्दै ४-० गोलको अग्रतामा पुर्‍याएका थिए ।

    पहिलो हाफमा ४-० गोलको अग्रता बनाएको सिटीले दोस्रो हाफमा थप पाँच गोल गर्न सफल भयो । खेलको ५७औं मिनेटमा जेसुसले अर्को गोल गर्दै हृयाट्रिक पूरा गरेका थिए । उनको हृयाटि्रकसँगै सिटीले भने ५-० गोलको अग्रता बनाएको थियो ।

    ६२औं मिनेटमा फोडेनले गोल गर्दा ६५औं मिनेटमा जेसुसले व्यक्तिगत चौथो गोल गर्दै सिटीलाई ७-० गोलको अग्रता दिलाएका थिए । एकपछि अर्को गोल गर्ने क्रममा सिटीका लागि वाल्करले ७०औं र महरेजले ८३औं मिनेटमा गोल गर्दै बुर्टोनमाथि ९-० गोलको जित दिलाए ।

    यस्तै रियल मड्रिडले स्पेनिस कोपा डेल रे फुटबलमा लेगानेसलाई पराजित गरेको छ । बुधबार राति आफ्नै घरेलु मैदानमा भएको कोपा डेल रे फुटबलको पहिलो लेगमा रियलले लेगानेसलाई ३-० गोलअन्तरले पराजित गरेको हो ।

    रियलको जितमा सर्जियो रामोस, लुकास भाजक्वएज र भिनिसियस जुनियरले गोल गरे । खेलको ४४औं मिनेटमा पेनाल्टीबाट गोल गर्दै रामोसले रियललाई अग्रता दिलाएका थिए । पहिलो हाफसम्म एक गोलले अघि रहेको रियलले दोस्रो हाफमा थप दुई गोल गर्न सफल भयो ।

    खेलको ६८औं मिनेटमा भाजक्वएजले गोल गर्दै रियललाई दोब्बर अग्रता दिलाएका थिए । खेलको ७७औं मिनेटमा जुनियरले गोल गर्दै रियललाई ३-० गोलको जित दिलाएका हुन् ।

    त्यस्तै, कोपा डेल रेय फुटबलअन्तर्गत नै बुधबार राति भएको खेलमा गेटाफेले रियल भलाडोलिडलाई १-० गोलअन्तरले पराजित गर्दा भिल्लारियल र स्पानियोल २-२ गोल तथा अर्को खेलमा गिरोना र एट्लेटिको मडि्रड १-१ गोलको बराबरीमा रोकिएका छन् ।

    २०७५ पुष २६ गते प्रकाशित
    प्रतिकृया दिनुहोस्

    वाईसीएलका नेतामाथि प्रहरीकाे इन्काउन्टर, खुल्यो यस्तो रहस्य

    काठमाडौं । प्रहरीले गोंगबुस्थित एक होटलमा हतियार कारोबारी भनेर गोली हानेका व्यक्ति वाईसीएल काभ्रेका नेता...

    उपत्यकासहित देशभरि सिमसिम वर्षा- कतै हिमपात त कतै चट्याङ, दुईको मृत्यु ,चार घाइते

    काठमाडौं । उपत्यकासहित देशका विभिन्न स्थानमा बुधबार बिहानदेखि नै वर्षा भैरहेको छ । पश्चिमी वायुको...

    यौनकर्मीको आत्मकथा- ग्राहक सांसद, पुलिस र आर्मी, एक जना भनेर तीन जना आउँदा नमज्जा लाग्यो

    काठमाडौं । रातोपुलको एउटा क्याफेमा सेतो पेन्ट, कालो र नीलो छिर्केमिर्के टिसर्टमा आइपुगिन् उनी ।...

    नेकपाले सिमानामा लगायो काँडेतार, सिंहदरवारदेखि दिल्लीसम्म हलचल

    काठमाडौँ । अखिल क्रान्तिकारीले नेपाल–भारत सीमानामा काँडेतार लगाउने अभियान सुरु गरेको छ । क्रान्तिकारीले भारतले...

    काठमाडौंपछि भोजपुर केन्द्रबिन्दु बनाएर मध्यरातमा भूकम्प, कस्तो छ क्षतिको अवस्था ?

    काठमाडाैं । प्रदेश नम्बर एकको पहाडी जिल्लाहरूमा मंगलबार राति भूकम्पको धक्का महसुस भएको छ ।...