News Portal

  • मुख्यमन्त्री शेरधन राईले ममाथि ४ पटक यौन हिंसा गरे, कसले न्याय दिने- वालिका (भिडीयोसहित)

    संचारकेन्द्र संवाददाता
    १८८७ पटक

    काठमाडौं । सामाजिक सञ्जालमा ‘मि टु’ को चर्चा कम भइरहँदा प्रदेश नं १ का मुख्यमन्त्री शेरधन राईमाथि यौन हिंसाको आरोप लागेको छ ।

    युवासंघकी पूर्वकेन्द्रिय सदस्य र प्रधानमन्त्री सचिवालयको अधिकृतसम्म भइसकेकी बालिका खड्काले शेरधन राईले आफुलाई यौन हिंसा गरेको आरोप लगाएकी छन । राईले गरेको यौन हिंसाबारे उजुरी गर्दा उनलाई प्रधानमन्त्रीको सचिवालयसँगै युवासंघको केन्द्रिय सदस्यबाट पनि निकालिएको उनको भनाइ छ ।

    विद्यादेवी भण्डारी दोस्रो पटक राष्ट्रपति हुँदा उनकै शितलनिवासमा राईले आफूलाई यौन दुव्र्यवहार गरेको बालिकाले बताइन् ।

    बालिकाले राईले आफूमाथि गरेको यौन हिंसाबारे पार्टी कार्यालयमा निवेदन दायर गरेकी छन् । यसलाई आरोप नभएर सत्य घटनामा आधारित भएको उनको जिकिर छ । घटना सत्य नभइदिएको भए आफू शक्तिशाली स्थानामा हुँदा हुँदै पनि यस घटनालाई कोट्याएर प्रोत्साहन गर्ने रहर नहुने उनले बताइन् ।

    नेपाल आजलाई दिएको अन्तर्वार्तामा बालिकाले आफ्नो शंवेदनशील अंगमा शेरधनले हात हालेको बताएकी छन् । राई मन्त्री हुनु अघि नै घटना भएपनि बालिकाले योे कुराबारे अहिले आएर मुख खोलेकी हुन् ।

    बच्चामा माओवादीबाट प्रभावित भएकी बालिकाले एमालेबााट औपचारिक रूपमा राजनीतिमा होमिइन् । गाउँ फर्किएर गाउँबाट सक्रिय राजनीतिको सुरुवात गरिन् र गाउँपार्टीे कमिटीको उपसचिव, पार्टीको क्षेत्रीय कमिटी सदस्य, युवासंघको केन्द्रको विभाग हुँदै निर्वाचित केन्द्रीय सदस्य, महिला युथफोर्सको केन्द्रीय सचिव र प्रधानमन्त्रीको स्वकीय अधिकृत भएर काम गर्ने मौका पाइन् ।

    आफूले राईलाई नेताको रूपमा हेरेपनि राइले आफूलाई नेता नभई नराम्रो नजरले हेर्ने गरेको र पछि आफूूसँग अस्वभाविक र हिंसात्मक भएको बालिकाले बताइन् ।

    उनी युवासंघको केन्द्रीय सदस्य हुँदा राईलाई युुवासँघमा पार्टीले इन्चार्ज बनाएर पठाएको रहेछ । बालिकाको अनुसार त्यहीँ उनीहरूको पहिलो भेट भयो । पहिलो भेट पछि राईसँगका भेटहरू बालिकालाई पनि रोचक लाग्न थाल्यो । तर पछि राई आफूसँग अस्वभाविक र अव्यवहारिक ढंंगले प्रस्तुत भएको बालिकाको कथन छ ।

    विद्यादेवी भण्डारी राष्ट्रपति भएको दिन शितल निवासमै राईले यौैन हिंसामा परेकोसुनाउँदै उनले राईले आफ्नो संंवेदनशील अंगमा हात छोएको र अश्लिल व्यवहार गरेको बताइन् । यसअघि उनले भनिन्, उहाँले सबै पार्टी कार्यकर्ताहरूकै अघि त्यस्तो अभद्र व्यवहार गरेपछि कसैले केही भन्न पनि सकेनन् । मैले पनि केही भन्न सकिन । त्यतिबेला मलाई एकदम पीडाले पोल्यो । एउटा व्यवहारिक र परिपक्क व्यत्तिबाट यस्तो भयो अब कुनै समय आउला भन्ने सोचेर पनि सहनुपर्ने बाध्यता थियो ।

    बालिकालाई सुरूमा त राई अविवाहित हुन् भन्ने कुरा थाहा थिएन । पछि थाहा भइसकेपछि दुईबीच प्रेम हुन थाल्यो । तर, अहिले आएर त्यो प्रेम नभएर यौैन हिंसा भएको बालिकाको बुझाइ छ ।

    राईले व्यवहारमा आफूलाई प्रेमीका या श्रीमतीजस्तो व्यवहार गरेको तर सम्बन्धबारे केही निष्कर्ष ननिकालेको या भनौं सम्बन्धलाई कुनै पनि नाम दिन नसकेको बालिकाले बताइन् । त्यसक्रममा राईले बालिकालाई सांकेतिक मेसेज पठाउन थाले । जुन सांकेतिक मेसेज यौन हिंसाभित्र पर्छन् ।

    राईविरूद्ध निवेदन दायर गरिसकेपछि प्रधानमन्त्रीले पनि एकहोरो आफूलाईमात्र गाली गरेको बालिकाले बताइन् । न्यायको लागि उनले पार्टीका उच्च पदस्थ व्यक्तिहरु झलनाथ खनाल, माधवकुमार नेपाल,वामदेव गौतमलाई पनि भेटिन् । तर सबैले यस कुुरामा उनीहरू दुवै उत्तिकै जिम्मेवार भएको बताए । सबैले बालिकालाई यो कुरा पार्टी अध्यक्षसँग गएर भन्न सुझाए ।

    बालिकाले राईले गरेको यौन हिंसाको उजुरी प्रहरीमा पनि दिइन् । तर, प्रहरीले उक्त उजुरी लिन मानेन । राईसँगै सल्लाह गरेर घटना मिलाउनु भन्ने प्रहरीले जवाफ दियो । त्यसपछि उनी बारम्बार प्रधानमन्त्री, राष्टपतिलाई भेट्न धाइरहेकी छिन् । तर कोही पनि उनलाई भेट्न चाहँदैनन् ।

    राईले गरेको यौन हिंसाको प्रमाणका आधार देखाउँदै उनले भनिन्, प्रमाणित गर्न सक्छु किनभने मलाई जागिरबाट निकालिएको छ । केही सम्बन्ध नभइ एक्कासी मलाई त्यो सिफारिस गर्दैन थिए होला । जब म प्रधानमन्त्रीको सचिवालयमा पुगेँ त्यहाँ नै मलाई धेरै यातना दिइयो । म पूर्णतः विश्वस्त छु कि ममाथि अन्याय, हिंसा भएकै हो र म गलत साबित हुने छैन ।

    (यो नेपाल खबरबाट साभार गरिएको हो, भिडीयो स्रोत: नेपाल आज । हेर्नुहोस् भिडियो)

    २०७५ मंसीर १२ गते प्रकाशित
    प्रतिकृया दिनुहोस्

    परिवर्तनको प्रक्रियालाई आत्मसात गर्न प्रचण्डको आग्रह

    काठमाडौँ। नेपाल कम्युनिस्ट पार्टी (नेकपा)का अध्यक्ष पुष्पकमल दाहाल ‘प्रचण्ड’ले जनतालाई सही र तथ्यपूर्ण सूचना दिने...

    कांग्रेसको केन्द्रीय कार्य समितिमा राजनीतिक प्रतिवेदन पेश

    काठमाडौं । नेपाली कांग्रेसको केन्द्रीय कार्य समितिमा राजनीतिक प्रतिवेदन पेश गरिएको छ । नेपाली कांग्रेसको...

    राजस्थान, मध्यप्रदेश र छत्तीसगढमा मोदीलाई झट्का

    राजस्थान । आम चुनावको पूर्वसन्ध्यामा भएको विधानसभा चुनावले भारतीय जनता पार्टी (भाजपा) लाई झड्का लागेको...

    विराटनगरको दोस्रो जित, पोखराको लगातार तेस्रो हार

    काठमाडौं । विराटनगर वारीयर्सले पोखरा राइनोजलाई सुपर ओभरमा हराएको छ। राजधानीमा जारी एभरेष्ट प्रिमियर लिग...

    नारायणकाजीलाई थर्काउदै ओलीका प्रमुख सल्लाहकारले दिए यस्तो धम्की, नेकपाभित्र खैलाबैला

    काठमाडौं । प्रधानमन्त्री केपी ओलीका प्रमुख राजनीतिक सल्लाहकार विष्णु रिमालले सत्तारुढ नेपाल कम्युनिस्ट पार्टी (नेकपा)का...