News Portal

  • जनसभाको पूर्वसन्ध्यामा काठमाडौंमा नेकपाको दीप प्रज्वलन, १० तस्वीरमा हेर्नुहोस्

    संचारकेन्द्र संवाददाता
    ८९९ पटक

    काठमाडौं । पार्टी पुनर्गठन दिवसको पूर्वसन्ध्यामा नेपाल कम्युनिस्ट पार्टीले काठमाडौंमा दीप प्रज्वलन गरेको छ ।

    आफ्नो पार्टीको पाँचौँ पुनर्गठन दिवसको अवसर पारेर नेकपाले भोलि मंसिर ८ गते  काठमाडौंमा बिशाल जनसभाको आयोजना गरेको छ । त्यसको ठिक अघिल्लो साँझ अर्थात् आज नेकपाले भृकुटीमण्डपस्थित प्रदर्शनी मार्गमा दीप प्रज्वलन गरेको हो ।

    नेकपाका पाका केन्द्रीय सदस्य मकर गुरुङ, आजद,  बन्धु चन्द लगायतका नेता कार्यकर्ताहरुले संयुक्त रुपमा दीप प्रज्वलन गरेका थिए । साथै ‘नेकपा जिन्दावाद, दलाल संसदीय व्यवस्था मुर्दावाद, भारतीय विस्तारवाद साम्राज्यवाद मुर्दावाद, एकीकृत जनक्रान्ति जिन्दावाद’ भन्दै उनीहरुले नारा समेत लगाएका थिए ।

    खासगरी  मङ्सिर ८ काे सन्दर्भलाई लिएर नेकाले साताव्यापी रुपमा विभिन्न कार्यक्रम पनि गरेको छ । २०७१ साल मङ्सिर ८ गतेका दिन मोहन वैद्य ‘किरण’ ले नेतृत्व गरेको तत्कालीन नेपाल कम्युनिस्ट पार्टी—माओवादीका मुख्य नेताहरूलाई ३ बुँदे लिखित असहमतिपत्र बुझाएर नेत्रविक्रम चन्द ‘विप्लव’ को नेतृत्वमा तत्काल नेपाल कम्युनिस्ट पार्टी माओवादी पुनर्गठन गरिएको थियो ।

    उक्त पार्टीले नेपाली क्रान्तिको कार्यदिशा माक्र्सवाद—लेनिनवाद—माओवादको मार्गनिर्देशनमा एकीकृत जनक्रान्ति हुने निर्णय पनि गरेको थियो । २०७१ साल पुसमा दाङमा प्रथम राष्ट्रिय सम्मेलन गर्नुका साथै २०७३ फागुनमा आठौँ राष्ट्रिय महाधिवेशन सम्पन्न गरेर नेपाली क्रान्तिका आधारहरू तयार पार्नुका साथै दर्शनमा पनि थप विकास गरेको जनाएको थियो ।

    नेकपाले प्रत्येक वर्ष मङ्सिर ८ गते नियमित कार्यक्रम गर्दै आएको छ । साथै विशेष अवसर पारेर ठूलाठूला जनप्रदर्शन पनि गर्दै आएको छ । यिनै कुराहरूलाई ध्यानमा राखेर मङ्सिर ८ गते जनप्रदर्शन र जनसभा गर्न लागेको हो ।

    उक्त दिन विशाल जनप्रदर्शन र जनसभा गर्नुका साथै आफ्नो पार्टीका धारणाहरू पनि सार्वजनिक गर्ने बुझिएको छ । भोली नेकपाले काठमाडौँबाहेक अन्य स्थानहरूमा पनि कार्यक्रम गर्ने जनाएको छ ।

    तस्वीर: प्रज्वल शाही/संचारकेन्द्र

    २०७५ मंसीर ७ गते प्रकाशित
    प्रतिकृया दिनुहोस्

    वामपन्थी नेता कृष्णदासको निधनले विप्लव र बैद्य स्तब्ध, निकाले यस्तो विज्ञप्ति

    काठमाडौं । नेपालका पुराना वामपन्थी नेता कृष्णदास श्रेष्ठको निधनले नेकपा महासचिव विप्लव र नेपाल कम्युनिष्ट पार्टी...

    लिटिल ब्वाइ मेस्सीले गरे ५० औं ह्याट्रिक, सेभिया ४-३ पराजित

    काठमाडाैं । अर्जेन्टिनी फुटबल भेट्रान लियोनल मेस्सीले करिअरको ६५० औं गोल तथा ५० औं ह्याट्रिक...

    यसरी खुल्यो विदेश पठाउने कन्सल्टेन्सीको ठगी धन्दा, सञ्चालकहरू विदेश टाप

    काठमाडौं । मिनी म्यानपावरको रुपमा खुलेका शैक्षिक परामर्शदाताको कमजोरीका कारण अस्ट्रेलियामा ७ सय ४३ विद्यार्थीको...

    बम बिस्फोटको घटनापछि के बादलले गृहमन्त्रीको पदबाट राजीनामा दिदैछन् ?

    काठमाडौं । शुक्रबार राति भएको शृंखलाबद्ध बम बिस्फोटपछि शनिबार काठमाडौंमा गाईंगुईं हल्ला चल्यो, गृहमन्त्री रामबहादुर...

    सरकारको कामबारे प्रतिक्रिया दिएपछि दैनिक पत्रिकाका प्रधान सम्पादक निवासबाटै पक्राउ

    एजेन्सी । सुडानको सुरक्षा निकायले यहाँको प्रसिद्ध पत्रिकाका सम्पादकलाई राष्ट्रपति अमेमार अल–बासिरद्वारा देशमा सङ्कटकालको घोषणा...