News Portal

  • मन्त्री खनालको विवादास्पद टिप्पणी: कालिमाटी तरकारी बजार बन्द गर्नुपर्ने भयो

    संचारकेन्द्र संवाददाता
    ५५१ पटक

    काठमाडौं । बजार ब्यबस्थापन गरेर नागरिकलाई उपभोग्य बस्तुको सहज आपूर्ति गर्नुपर्ने ठाउँमा मन्त्री चक्रपाणि खनालले तरकारी बजार नै बन्द गर्नुपर्ने विवादास्पद अभिव्यक्ति दिएका छन् ।

    बुधबार मन्त्रालयमा पत्रकार सम्मेलन गरेर कृषि तथा पशुपंक्षी विकासमन्त्री चक्रपाणि खनालले कालिमाटी फलफूल तथा तरकारी बजार बन्द गर्नुपर्ने टिप्पणी गरेका हुन्। बजारमा अत्यधिक अनियमितता रहेको भन्दै उनले त्यसलाई बन्द गरेर अर्को बजार बनाउने योजनामा आफू रहेको बताएका हुन्।

    केहि व्यक्तिहरुले स्टल सस्तोमा लिएर अरुलाई महंगो भाडामा लगाई लुट मच्चाउने क्रम रोक्न मन्त्रालयले कालिमाटी फलफुल, तरकारी बजारका ५७ वटा स्टललाई कारबाही गरेको जानकारी दिएका छन् ।

    पत्रकार सम्मेलनमा बोल्दै मन्त्री खनालले भने- ‘मलाइ त के लागेको छ भने कालिमाटी बजार बन्द नै गर्नुपर्छ । हामीले अनुगमन गर्‍यौं । ५७ वटा खारेज भएको थियो । तर अहिले २५ वटाले स्टे अडर लिएर आइसके । अवस्था यस्तो छ । त्यसकारण बन्द नै गर्नुपर्छ भन्ने लागेको छ । हामीले त्यसको विकल्प पनि खोजेका छौँ ।’

    मन्त्री खनालले काठमाडौंमा बिक्रीका लागि राखिएका राँगा र भैंसीका मासुमध्ये ९० प्रतिशत खानलायक नभएको बताएका छन् । पत्रकार सम्मेलनमा उनले पाँचवटा राँगाभैंसीको बधशालामा अनुगमन गर्दा चारवटामा न्युनतम मापदण्ड पनि पूरा गरेको नपाइएकाले बन्द गरेको बताए ।

    ‘काठमाडौंमा उपलब्ध ९० प्रतिशत रागा र भैंसीका मासु खानलायक छैन । ५ वटामा अनुगमन गर्दा ४ वटा बन्द गरेका छौं, न्युनतम मापदण्ड पनि लागू गरेको पाइएन’ उनले भने । राँगाभैंसीको तुलनामा खसी र कुखुराको मासु केही सफा रहेको मन्त्री खनालले बताए ।

    यता मन्त्रीको यो भनाईलाई थप पुष्टी गर्ने गरी कालिमाटी फलफुल तरकारी बजार ठूला व्यापारीहरुका लागि हव केन्द्रका रुपमा स्थापित हुँदै आएको छ, भने बजार विकास समितिले सो बजारलाई व्यवस्थित गर्न लागि छुट्टै नीति नियम बनाएको बताए पनि आफैले बनाएको नीति नियम पालना गराउन सकेको देखिँदैन ।

    जसका कारण ठूला व्यापारीलाई मस्ती र साना किसानहरुलाई सास्ती भएको छ । बजारले एक डोको तरकारी वा साग बेच्ने किसानदेखि करोडौंको कारोबार गर्ने व्यापारीहरुलाई समेत विक्रीका लागि स्थान उपलब्ध गराएको भनिएपनि साना किसानहरु अझै पनि मारमा परेका छन् । साना किसानहरुका लागि उपलब्ध गराइएको भनिएको टहरामा पनि ठूला व्यापारीहरुले कब्जा जमाएको देखिन्छ ।

    कालीमाटी बजार भित्र तरकारी तथा फलफूल विक्री केन्द्र जसको नाममा भाडामा उपलब्ध गराइएको छ त्यो उसैले व्यापार गर्नुपर्ने भएपनि सो क्षेत्रमा त्यसो भएको देखिँदैन ।

    कालीकामाटी बजारमा स्थान ओगट्न केही ठेकेदारहरुको मिलेमतोमा हाल व्यवसाय सञ्चालन गरिरहेकाहरुले अन्त्यन्तै चर्को मूल्य भाडा तिरेर बस्नु पर्ने वाध्यता भएको साना व्यवसायीहरुले बताएका छन् ।

    २०७५ असोज २४ गते प्रकाशित
    प्रतिकृया दिनुहोस्

    सुनसरीमा प्रहरी र लुटेराबीच गोली हानाहान, एकको मृत्यु, यस्तो छ थप बिबरण

    सुनसरी । जिल्लाको कोशी गाउँपालिका–७ स्थित मुसहरि टोल नजिक गएराति प्रहरी र भारतीय डाँका समूहबीच...

    कांग्रेसमा झाङ्गिदै गुट राजनीति, गोप्यरुपमा सम्पन्न भयो संस्थापन इतर पक्षको बैठक

    काठमाडौं । नेपाली कांग्रेसमा गुट राजनिती झाँगिदै गएको छ । आइतबार साँझ हुने संस्थापन पक्षसँगको...

    अब २१ दिनभित्र कार्यक्षेत्र नपुग्ने कर्मचारीलाई अवकाससम्मको कारबाही

    काठमाडौं । सरकारले कर्मचारी समायोजनलाई अनिवार्य र बाध्यकारी बनाउँदै सक्दो छिटो सम्पन्न गर्नेगरी कानुनी व्यवस्था...

    देउवाइतरका नेताहरुको भेला प्रकाशमान सिंह निवासमा, यस्तो भयो सहमति

    काठमाडौँ । सोमबार बस्ने केन्द्रीय समिति बैठकमा धारणा बनाउन नेपाली काँग्रेस सभापति शेरबहादुर देउवा इतका...

    जाडोमा आफ्नो छाला कसरी जोगाउने ? थाहा पाउनुहोस् यस्तो छ उपाय

    काठमाडौं । जाडोमा विभिन्न प्रकारका छालाका समस्या देखापर्न सक्छन्। चिलिब्लेन्स जाडोमा बढी देखिने समस्या हो।...