News Portal

  • अमरत्व प्राप्त गर्न सकेकाे भए भाग्यमानी ठान्थे हाेला

    संचारकेन्द्र संवाददाता
    ५५८ पटक

    अमरत्व प्राप्त गर्नसकेकाे भए भाग्यमानी ठान्थे हाेला
    रगतकाे अाहलमा काेहि बुट कुल्चिन्थे काेहिले त सहिद भन्थे हाेला

    गाेली मेराे छातीमा लागेन र म सहिद बनिन

    आकाश जति बेला सुनसान जस्तै थियो
    तर गडगहडाड भने बादल बिनाको थियो !
    हो त्यही ,समय त्यतिबेला !
    असिनाजस्तै गाेली बर्सिदा तिमीसंगै थिए
    मंगलसैनकाे महासंग्राममा
    लानाकाे महाभारतमा
    गराजुकाे खाेचमा
    तर त्याे साैभाग्य मेराे भागमा परेन
    प्रिय सहिद म तिमीसंगै अमरत्व
    मैले पाउन सकिन
    किनकि गोलिहरु सँग म थिए
    म सँग गोली नभए जस्तै गर
    ती गोलीका छर्राहरु मेरो शरीर मा लागेनन् र म घाइते हुन सकिन
    दुश्मन काे निसानी, असफलसिद्द भयाे
    मृत्युु जितेर दुनियाँ बदल्ने अभियानमा
    एउटा यात्री बनेर
    रणमैदानकाे राप र तापसँग
    मेरा पाइलाहरु चालिरहँदा
    दुश्मन सामु जीवनकाे भिक्षा मागिन !
    बैरीहरुका षड्यन्त्रको मूल्य राखिन !
    अनि अामा बाकाे न्यानाेपनकाे प्रवाह गरिन
    कलम र किताबसँगकाे साइनाे
    सपनाकाे सिरानी मा सजायर
    म पनि तिमीसंगै जीवममरणकाे
    महाअभियानमा
    चाहानाहरुलाई थन्काएर
    इच्छा र रहरहरुलाई बन्धकी बनाएर
    नयाँ युगकाे युगिन अभिभारा
    क्रान्ति ठान्दै
    जनतासँगकाे जीवन पार्टी अनि नेतृत्व
    अभिभावक मान्दै
    हाे तिमिसँगसँगै खारा अनि बेनीमा लडे
    म्याग्दी पाल्पा अनि पिलीमा लडे
    अपिशैपालकाे काखमा हिडे
    चुली अनि जुनीकाे साथ बढे
    तर खै दुश्मनकाे गाेली
    छातीमा लागेन, खुट्टामा लागेछ
    र म तिमीजस्तै सहिद बन्ने अबसर गुम्याे
    प्रिय सहिद,
    संग्रहालयमा थन्किनसक्ने कथा थिएन
    तिम्राे जीवन र मेराे रगत
    अवसरबादीहरुले हडप्ने
    जमिन थिएन, जनताकाे पसिना अनि
    बलिदानकाे गाथा
    न त भाबी पुस्ताले सुन्ने कहानी नै थियाे
    महानसमरकाे गाथा
    तिम्राे बलिदानकाे छातीमाथि
    क्रान्तिका मतियारहरुका बुटले किचेकाे देख्दा
    तिम्रो रगतकाे अहालमाथि
    ति कसुर बन्द मानिएकाहरुको अालिसान महल देख्दा
    बिरताकाे गाैरवपुर्ण गाथामा
    मिथ्या मानवहरुकाे रजाइ देख्दा
    अपमानका बर्षाहरुसँगै झेल्दैछु
    बैसागीकाे साहारामा लर्खरिदै
    जीवन जितेर संसार बदल्ने एक यात्रामा
    म यात्री हुँदै छु
    प्रिय सहिद,
    म गाैरवकाे गाथा बन्न सकिन
    किन कि !
    मेरा सपनाहरूको हत्या भएको यो सहरमा छु ।
    अवसरबादीहरुकाे अाहारा बनिराछु
    तिम्रा अात्माहरुकाे साहारा बनिराछु
    हाे म तिमीसंगै लडाइँको माेर्चामा थिए ।
    त्यो तारेभिरको कहालीलाग्दो चट्टानभित्रको बास होस् या
    ती सुन्दर नगरी
    रामारोशन , अनि यता बिनायकका हवाई गस्तीमा होस् ।
    या कालिकोट माल्कोटभित्र छिरेका !
    संगिनका तिरहरु सँग होस्
    हो म त्यही थिए र आज मेरो
    कान गुम्याे बहिराे बने
    अाँखा गुम्याे अन्धो बने
    खुट्टा गुम्याे लङ्गडाे बने
    मेरुदण्ड गुम्याे, प्यारालाइसेस भए
    तर गाेलीकाे निसाना चुक्याे सहिद बन्न सकिन !
    बिरताकाे इतिहास रच्न सकिन
    र त अबसरबादीहरुकाे रजाइँ नियालेर बसिराछु
    गाैरबकाे गाथा बन्न सकिन !

    आकाशमा हराएका ताराहरुको खोजीको यात्रा !
    आज यहि घाइते शरीरले धन्न धानेको छु ।
    देखिने परिवर्तनको बाटो पटक्कै हिडेकी छैन
    म आफूले परिवर्तन गर्ने बाटो अगालेकी छु ।
    तर सहिद बनिन !
    आधा शरीर लिएर परिवर्तनबाट पछि हटिन ,
    जीवन जितेर सपना बाँडेका यात्राहरु
    आज पनि उस्तै मानिकी छु र त
    लक्ष्यमा पुग्ने साहास बटुलेकी छु ।
    जो जीवन घाइते लिएकी छु !
    तर सहिद बन्न सकिन
    लक्ष्य चुमेकी छु ।

    २०७५ असोज २० गते प्रकाशित
    प्रतिकृया दिनुहोस्

    परिवर्तनको प्रक्रियालाई आत्मसात गर्न प्रचण्डको आग्रह

    काठमाडौँ। नेपाल कम्युनिस्ट पार्टी (नेकपा)का अध्यक्ष पुष्पकमल दाहाल ‘प्रचण्ड’ले जनतालाई सही र तथ्यपूर्ण सूचना दिने...

    कांग्रेसको केन्द्रीय कार्य समितिमा राजनीतिक प्रतिवेदन पेश

    काठमाडौं । नेपाली कांग्रेसको केन्द्रीय कार्य समितिमा राजनीतिक प्रतिवेदन पेश गरिएको छ । नेपाली कांग्रेसको...

    राजस्थान, मध्यप्रदेश र छत्तीसगढमा मोदीलाई झट्का

    राजस्थान । आम चुनावको पूर्वसन्ध्यामा भएको विधानसभा चुनावले भारतीय जनता पार्टी (भाजपा) लाई झड्का लागेको...

    विराटनगरको दोस्रो जित, पोखराको लगातार तेस्रो हार

    काठमाडौं । विराटनगर वारीयर्सले पोखरा राइनोजलाई सुपर ओभरमा हराएको छ। राजधानीमा जारी एभरेष्ट प्रिमियर लिग...

    नारायणकाजीलाई थर्काउदै ओलीका प्रमुख सल्लाहकारले दिए यस्तो धम्की, नेकपाभित्र खैलाबैला

    काठमाडौं । प्रधानमन्त्री केपी ओलीका प्रमुख राजनीतिक सल्लाहकार विष्णु रिमालले सत्तारुढ नेपाल कम्युनिस्ट पार्टी (नेकपा)का...