News Portal

  • सहकारीको अनौठो ठगी धन्दा, गुण को-अपरेटिभबाट बचतकर्ताको २० लाख गायव

    संचारकेन्द्र संवाददाता
    ४१६ पटक

    काठमाडौँ ।

    काठमाडौँको मिन भवनमा रहेको गुण को-अपरेटिभ लिमिटेडले नागरिकको लाखौ रकम गायब पारेको खुलासा भएको छ । राजेन्द्र शाक्य अध्यक्ष रहेको उक्त सहकारीले बचतकर्ताले जम्मा गरेको रकम गायब गरेको समाचार प्राप्त भएको छ ।

    सहकारीले आफ्नो २० लाख रुपैया गायब बनाएर बिचल्ली पारेको काठमाडौँका जयराम श्रेष्ठले बताएका छन् । २०६९ असोज २१ गते उक्त सहकारीमा खाता खोलेर जम्मा गरिएको रकम गायब भएको जयराम श्रेष्ठले संचारकेन्द्रलाई बताए ।

    सहकारीमा रकम जम्मा गर्दा तत्कालिन बेला १८ प्रतिशत ब्याज दिन्छु भनेर रकम जम्मा गर्न लगाइएको र ३ बर्षपछि आफुले २०७२ मंसिर १५ गते चेक काटेर आबस्यक रकम झिक्न जाँदा सबै पैसा गायव भएको थाहा पाएको श्रेष्ठले बताएका छन् ।

    आफुले खाता खोलेर जम्मा गरेको रकम सहहकारीले खाइदिएपछि श्रेष्ठले डिभिजन सहकारी कार्यालय ललितपुरमा निबेदन दिएर रकम फिर्ता गराइदिन माग समते गरेका थिए ।

    निवेदनमा सहकारीका संचालक बताउने राजेन्द्र शाक्य, रबिन्द्र भक्त श्रेष्ठ (कसुला) र राजन प्रजापति मार्फत उक्त पैसा जम्मा गरिएको उल्लेख गरिएको छ ।

    श्रेष्ठको निवेदनपछि सहकारी डिभिजन कार्यालयले गुण को-अपरेटिभलाई रकम तत्काल फिर्ता गरी सोको जानकारी डिभिजन कार्यालयमा गराउन निर्देशन दिएको देखिन्छ ।

    समस्याग्रस्त सहकारीको सूचिमा परेको गुण को-अपरेटिभले हालसम्म सर्बसाधारणको १ अर्ब रुपैयाँभन्दा बढी ठगी गरिसकेको बताइएको छ ।यसअघि नै उक्त सहकारीले बचतकर्ताहरुको बचत रकम फिर्ता गर्ने कार्यमा निकै ढिलासुस्ती गरेको समाचार बाहिर आइसकेको थियो ।

    यसरी सहकारीहरूले ठगी गर्न थालेपछि तत्कालिन अबस्थामा उता व्यबस्थापिका संसदले सहकारी ठगी गर्नेलाई बिगो, जरिवाना र १० वर्षसम्म जेल सजायँ गर्ने सहकारी विधेयक पारित गरेको थियो ।

    कमजोर कानुनका कारण सहकारीमा अत्यधिक ठगी बढेपछि नयाँ ऐनमा कडा कारवाहीको व्यवस्था गरिएको थियो । नयाँ सहकारी ऐन कार्यान्वयनमा आएपछि जनताको अर्बौं रकम गठी गर्ने सहकारी संस्थाहरुलाई कारबाही हुने विश्वास गरिएको छ ।

    हालसम्म सहकारीमा हुने ठगीलाई मुलुकी ऐन ठगीको महल अन्तर्गत मुद्दा चल्दै आएको थियो । सहकारी ऐन–२०४८ मा ठगी गर्नेलाई अधिकत १५०० रुपैयाँ जरिवाना हुने र ठगी मुद्दामा कारवाही गरिने व्यवस्था थियो ।

    सहकारी क्षेत्रमा व्यापक ठगी हुन थालेपछि सरकारले ०७० कात्तिक २७ गते पूर्वन्यायाधीस गौरीबहादुर कार्कीको संयोजकत्वमा सुशीलराम माथेमा र सीताराम उप्रेती सदस्य रहेको समस्याग्रस्त सहकारीका लागि उच्च स्तरीय जाँचबुझ आयोग गठन गरेको थियो ।

    आयोगले तत्कालीन प्रधानमन्त्री शुसील कोइरालालाई ०७१ जेठ ५ गते प्रतिवेदन र नयाँ सहकारी ऐनको मस्यौदा बुझाएको थियो । आयोगमा १२ हजार बचतकर्ताले डेढ सय सहकारी संस्थाविरुद्ध उजुरी दिएका थिए ।

    सर्वसाधारणले ती सहकारी संस्थाले आफूहरुको ११ अर्ब रुपैयाँ ठगी गरेको उजुरी दिएका थिए । २१ हजार ६ सय २८ उजुरी परेको भएपनि १२ हजार ४ सय ६१ उजुरी दर्ता भएका थिए ।

    सहकारीमा बचत गर्नेहरुले ७ अर्ब ५८ करोड रुपैयाँ साँवा र २ अर्ब ३९ करोड रुपैयाँ व्याज फिर्ता नपाएको देखिएको आयोगले जनाएको थियो । अहिले नेपालमा रहेका ३३ हजार सहकारीमध्ये १३ हजारले बचत तथा ऋणको कारोबार गर्छन् ।

    २०७५ असोज २१ गते प्रकाशित
    प्रतिकृया दिनुहोस्

    यसरी खुल्यो विदेश पठाउने कन्सल्टेन्सीको ठगी धन्दा, सञ्चालकहरू विदेश टाप

    काठमाडौं । मिनी म्यानपावरको रुपमा खुलेका शैक्षिक परामर्शदाताको कमजोरीका कारण अस्ट्रेलियामा ७ सय ४३ विद्यार्थीको...

    बम बिस्फोटको घटनापछि के बादलले गृहमन्त्रीको पदबाट राजीनामा दिदैछन् ?

    काठमाडौं । शुक्रबार राति भएको शृंखलाबद्ध बम बिस्फोटपछि शनिबार काठमाडौंमा गाईंगुईं हल्ला चल्यो, गृहमन्त्री रामबहादुर...

    सरकारको कामबारे प्रतिक्रिया दिएपछि दैनिक पत्रिकाका प्रधान सम्पादक निवासबाटै पक्राउ

    एजेन्सी । सुडानको सुरक्षा निकायले यहाँको प्रसिद्ध पत्रिकाका सम्पादकलाई राष्ट्रपति अमेमार अल–बासिरद्वारा देशमा सङ्कटकालको घोषणा...

    नेकपाकी अभियान टोली कमान्डर बन्धु चन्द गिरफ्तार, प्रहरीका डिएसपी भन्छन्- भेट्न मात्रै बोलाएको

    काठमाडौं । नेपाल कम्युनिष्ट पार्टीकीनिकट अखिल नेपाल महिला संघ क्रान्तिकारीकी केन्द्रीय अध्यक्ष बन्दु चन्दलाई प्रहरीले...

    कमल थापालाइ ठुलो झट्का, राप्रपाका एक महामन्त्रीसहित २२ जनाले गरे पार्टी परित्यागको घोषणा

    काठमाडौं । कमल थापाको पार्टीमा पहिरो गएको छ । कमल थापा नेतृत्वको राप्रपाका एक महामन्त्री...