News Portal

  • डिएसपीको संरक्षणमा चल्दै आएको जुवा अखडामा प्रहरी छापा, भाग्न खोज्दा दुईको मृत्यु

    संचारकेन्द्र संवाददाता
    ४०१८ पटक

    काठमाडौं । 

    काठमाडौंको मुलपानीमा सञ्चालन हुँदै आएको जुवा अखडामा प्रहरीले छापामारेको छ । प्रहरीबाट बच्न चार तलामाथिबाट हामफाल्दा दुईजनाको मृत्यु भएको छ ।

    महानगरीय प्रहरी वृत बौद्धका प्रमुख डिएसपी श्याम राईको संरक्षणमा सञ्चालन हुँदै आएको आरोप लाग्दै आएको ‘भीआईपी जुवा अखड’मा शुक्रबार राति महानगरीय प्रहरी परिसर काठमाडौंले छापा मारेको हो ।

    जुवा अखडामा छापामार्न महानगरीय प्रहरी परिसर काठमाडौंबाट डिएसपी होविन्द्र बोगटीको कमाण्डमा सादा पोशाकमा खटिएका थिए । जुवा अखडामा छापामार्ने कुराको सुईको बौद्धका डिएसपी राईलाई दिइएको थिएन ।

    प्रहरी टोलीले जुवा खालमा छापा हान्दै गरेको अवस्थामा ४ तला माथिबाट हाम्फाल्ने क्रममा दुई जुवाडेको मृत्यु भएको काठमाडौं प्रहरीका प्रमुख एसएसपी बसन्त लामाले जानकारी दिएका छन् । मृत्यु हुनेमा सरोज घले र सोमलाल तामाङ रहेका छन् ।

    चौथो तलबाट हामफालेका उनीहरूको उपचारको क्रममा अस्पतालमा मृत्यु भएको थियो । एसएसपी लामाकाअनुसार एक महिलासहित २३ जना पक्राउ परेका छन् ।

    मुलपानीस्थित तामाङ थरका एक व्यक्तिको घरमा लामो समयदेखि भिआईपी जुवा अखडा चलिरहेको सूचना पाएपछि शुक्रबार राति १० बजे महानगरीय प्रहरी परिसर टेकुबाट सादा पोशाक खटिएका थिए । जुवाडेले च्यानल गेटमा लगाएको ताला खोल्न नमानेपछि प्रहरीले ताला फुटाएर भित्र प्रवेश गरेको थियो ।

    जुवाको खालबाट प्रहरीले ४ लाख ५८ हजार नगद र केही थान कौडा बरामद गरेको छ । बाहिरबाट च्यानल गेटमा ताला लगाएर सञ्चालन हुने जुवाघरमा मदिरा सहितको खानेकुरा सित्तैमा सर्भ गरेर जुवा खेलाइँदै आएको प्रहरीले जनाएको छ ।

    महानगरीय प्रहरी वृत बौद्धका प्रमुख डिएसपी राईले भिआइपी जुवा अखडालाई संरक्षण गरेको उजुरी परेपछि काठमाडौं प्रहरी परिसरले अकस्मात छापामारेको हो ।

    २०७५ असोज २० मा प्रकाशित ।

    प्रतिकृया दिनुहोस्

    दशैंको दिन ट्याक्सीले मिटरमा हिड्न नमाने तत्काल यो नम्बरमा फोन गर्नुहोस् !

    काठमाडौँ । सरकारले विजयादशमीको बिदाको समयमा ट्याक्सीहरुलाई अनिवार्य रुपमा मिटरमा सञ्चालन गर्न निर्देशन दिएको छ...

    कमरेड ! हामी कसरी अयोग्य ? उत्तर चाहिन्छ

    राजन थापा ‘सुवास’ धादिङ राजधानी काठमाडौँसँगै जोडिएको छ । भौगोलिक रुपमा राजधानीबाट नजिक भएपनि राज्यबाट...

    आज महानवमीः सिद्धिदात्री देवीको पूजा गर्ने दिन

    काठमाडौं । आज नवरात्रीको अन्तिम दिन हो । हिन्दूहरुकी देवी शक्तिरुपा नवदुर्गाका नौवटा स्वरुपलाई नवरात्रभर...

    सिके राउत र विप्लवलाई समर्थन गर्ने न्यायालयकाे समीक्षा हुनुपर्छ: महेश बस्नेत

    काठमाडौँ । नेपाल कम्युनिष्ट पार्टी (नेकपा) का नेता तथा महेश बस्नेतले वर्तमान सरकारकाे अालाेचना गर्न...

    वर्षमा एक दिन खुल्ने तलेजु मन्दिरमा घुइँचो, एक लाख भक्तजनले दर्शन गर्ने अनुमान

    काठमाडौं ।  हनुमानढोका दरबार क्षेत्रस्थित तलेजु भवानीको मन्दिरमा बिहीबार बिहानैदेखि सर्वसाधारणको घुइँचो लागेको छ। तेह्रौं...