News Portal

  • अपडेट: चौकी छोडेर भागेका प्रहरीको बर्दी खोसियो, भागेका अभियुक्तलाई पनि छोडिन्न: डिएसपी खिउजु

    ३५२५ पटक

    अंग्रिसा केसी, काठमाडौं ।

    ललितपुर महानगरीय प्रहरी वृत चापागाउँका डिएसपी राजकुमार खिउजुले इलाका प्रहरी कार्यालय टंगोल छोडेर हिडेका प्रहरीहरुको बर्दी थुतेर थुनामा राखिएको बताएका छन् ।

    बलात्कारीलाई भगाएको भन्दै बिहिबार स्थानीयले इप्रका घेराबन्दी गरेपछि ७/८ जनाको संख्यामा रहेका प्रहरीहरु भागेका थिए । तर उनीहरु भागेको नभइ सबैको आँखा छलेर चौकीबाट फरार भएका अभियुक्तलाई खोज्न हिडेको डिएसपी खिउजुले बताए । तर विशेष परिस्थितिमा उनीहरु चौकी छोडेर हिडेकोको कार्वाही गरिने बताएका छन् ।

    उनले चौकीबाट सबैको आँखा छलेर भागेका अभियुक्तलाई समेत जुनसुकै हालतमा पक्राउ गरिने बताए । “छानविन गरेर गल्ती गरेका प्रहरीमाथि कारवाही हुन्छ । उहाँहरुलाई अहिले थुनामा राखिएको छ’ डिएसपी खिउजुले संचारकेन्द्रसँग भने – ‘फरार भएको त्यो केटालाई पनि जुनसुकै समात्छौै हामी ।’

    गएराति जिल्लाको महाकाल गाउपालिका गोटिखेलकी एक १३ बर्षीया बालिकामाथि जबर्जस्ती प्रयास गर्न लागेको अवस्थामा बालिकाका आमाबाबुले रंगेहात फेला पारेका थिए । आमाबाबु देखेर पाइन्ट र भित्रि बस्त्र (अन्डरवेयर) कोठामै छोडेर भागेका ति युवकलाई स्थानीयले नियन्त्रणमा लिएर बिहिबार बिहान ४ बजे इलाका प्रहरी कार्यालय टंगोलमा बुझाएका थिए ।

    पछि करिब बिहान ९ बजे दोषीलाई कारवाहीको माग गर्दै जनप्रतिनिधि र स्थानीयहरु प्रहरी चौकी पुगे । प्रहरीले जनप्रतिनिधि र स्थानीयसँग छलफल गरिरहेको अवस्थामा प्रहरी चौकीभित्रै रहेका ति युवक पछाडिको झ्यालबाट भागेको प्रहरीले जनाएको छ । तर स्थानीयले भने प्रहरीकै मिलेमतोमा अभियुक्त भगाइएको आरोप लगाएका छन् ।

    यता जनप्रतिनिधिसहित पिडित परिवार र स्थानीयले दोषीलाई कारवाहीको माग गर्दै प्रहरी चौकीको ढोकामै धर्ना दिइरहेको अवस्थामा प्रहरीले ति युवकलाई झयालबाट भगाएको महाकाल गाउपालिकाका प्रमुख रामचन्द्र दाहालले संचारकेन्द्रलाई बताए ।

    ‘बाहिर चौकीको अगाडी हामी सँगै बसेका छौं, भित्र कोठामा लागेको अपराधी पछाडि झ्यालबाट भगाए’ प्रमुख दाहालले संचारकेन्द्रसँग भने- ‘मान्छे भाग्ला है भन्दा भन्दै पनि, हैन भित्र छ भनेर हामीले गुमराहमा राखियो र प्रहरीको मिलेमतोमा अपराधी भगाइयो ।’

    ति युवकको पूर्णरुपमा पहिचान हुन नसके पनि नजिकै घर बनाउने ठाउँमा आएको कामदार भएको बुझिएको प्रहरीले जनाएको छ । दिनभर तनावग्रस्त बनेको गोटिखेल साँझसम्म आउँदा साम्य बनेको छ ।

    दोषी प्रहरीलाई कानुनबमोजिम कारवाही गर्ने, विभागीय कारवाही गर्ने, इप्रका टंगोलमा नयाँ प्रहरी अधिकारी पठाउने, अभियुक्तलाई जुनसुकै हालतमा खोजेर पक्राउ गर्ने र मुद्दा दर्ता गरेर आवश्यक कारवाहीका लागि अनुसन्धान गर्ने समझादारी भएपछि स्थानीय घर फर्किएका छन् ।

    २०७५ असोज १८ मा प्रकाशित ।

     

     

    २०७५ असोज १८ गते प्रकाशित
    प्रतिकृया दिनुहोस्

    नेकपाकी अभियान टोली कमान्डर बन्धु चन्द गिरफ्तार, प्रहरीका डिएसपी भन्छन्- भेट्न मात्रै बोलाएको

    काठमाडौं । नेपाल कम्युनिष्ट पार्टीकीनिकट अखिल नेपाल महिला संघ क्रान्तिकारीकी केन्द्रीय अध्यक्ष बन्दु चन्दलाई प्रहरीले...

    कमल थापालाइ ठुलो झट्का, राप्रपाका एक महामन्त्रीसहित २२ जनाले गरे पार्टी परित्यागको घोषणा

    काठमाडौं । कमल थापाको पार्टीमा पहिरो गएको छ । कमल थापा नेतृत्वको राप्रपाका एक महामन्त्री...

    ‘सुनको टुक्रा हामीसँग छ’ युवाहरू खाडी मुलुक जान तछाडमछाड गरेको देख्दा दिक्क लाग्छ:प्रचण्ड

    काठमाडौँ । नेपाल कम्युनिष्ट पार्टी (नेकपा) का अध्यक्ष तथा पूर्वप्रधानमन्त्री पुष्पकमल दाहालले स्वदेशमै बसेर काम...

    शृंखलाबद्ध बम बिस्फोटपछि गृहमन्त्री बादलको यस्तो एक्शन, नेकपाका १८ नेता कार्यकर्ता गिरफ्तार

    काठमाडौं । एनसेल टावरमा शृंखलाबद्ध बम बिस्फोट र आगजनी भएपछि गृहमन्त्री रामबहादुर थापा ‘बादल’ले संकास्पद...

    महेन्द्रनगर युनाइटेडलाई ३ विकेटले हराउँदै सीवाइसी अत्तरिया डीपीएल ३ च्याम्पियन

    काठमाडौँ  । सीवाइसी अत्तरियाले तेस्रो संस्करणको रुस्लान धनगढी प्रिमियर लिग (डीपीएल) क्रिकेटको उपाधि जितेको छ...