• News Portal

    • आज :

    ताजा शिर्षकहरु

    चर्चित शिर्षकहरु

    Highlights अन्तराष्ट्रिय

    तीजको दर खानेदिन घट्यो मुटु नै काँप्ने घटना, सामान किन्न हिँडेका युवकलाई पिटिपिटि मारियो

    19.7K
    SHARES

    काठमाडौं ।

    एक युवक हजुरआमाको बरखीको लागि सामान किन्न घरबाट बजार निस्किन्छन् । मानिसहरुको भिडले उसलाई घेरा हालेर पिट्न थाल्छ । युवक चिच्चाइरहन्छ र तर मानिसहरु मानिसहरु लाठी, चिर्पट बर्साउन छाड्दैनन् । अन्ततः युवकको ज्यान जान्छ ।

    मुटु नै काँप्ने यो घटना भारत सीतामढीको हो । सहियारा थाना क्षेत्रको सिगंहरीया गाउँ निवासी रुपेश कुमार झाको हत्या भएको हो ।

    रुपेशका अंकल सुनिल कुमार झाका अनुसार भोलिपल्ट उनको आमाको बरखी छ । हजुरआमाको बरखीका लागि आवश्यक पर्ने सामानहरु किन्न रुपेश सीतामढी बजार जाँदाजाँदै बाटोमै मारिए ।

    भारतीय सञ्चार माध्यमहरुले निर्दोष व्यक्ति मारिएको र यसमा प्रहरी प्रशासनको लापरवाही भएको समाचारहरु लेखेका छन् । समाचारअनुसार प्रहरीले हत्यामा संलग्न भएको भन्दै १५० जनाविरुद्ध कारवाही प्रक्रिया अगाडि बढाएको छ ।

    यसरी भयो घटना

    रुपेश सीतामढी बजार जाँदै थिए । बाटोमा साइड दिने विषयमा पिकअप भ्यान चालकसँग उनको सामान्य विवाद हुन्छ । पिकअप भ्यान चालकले जोडजोडले चिच्चाउन थाल्छन् । मानिसहरु भेला हुन्छन् । त्यो भिडले रुपेशलाई समात्छन् र विना कुनै सोचविचार पिट्न थाल्छन् । रुपेशले जीवन रक्षाको भीख माग्छन् । तर लाठी बर्सिरहन्छ । उनी गम्भीर घाइते हुन्छन् ।

    रीगा प्रहरीले ति युवकको उद्धार गरेर सदर अस्पतालमा पठाउँछ । तर उनको अवस्था निकै गम्भीर भएकाले परिवारका सदस्यहरुले प्रसिद्ध डाक्टर वरुण कुमारको क्लिनिकमा पुर्‍याउँछन् । डा. वरुणले पनि उनको अवस्था चिन्ताजनक देखेर अर्को अस्पतालमा रिफर गर्छन् । राति करिब ११ बजे रुपेशको पीएमसीएच भन्ने अस्पतालमा मृत्यु हुन्छ ।

    भारतमा भीडले निर्ममतापूर्वक पिटिपिटी मानिसको हत्या गरेको घटना बेलाबेला सार्वजनिक भइरहन्छ । यसले सुशासनको अवस्थालाई खिल्ली उडाइरहन्छ ।

    प्रतिक्रिया