• News Portal

    • आज :

    ताजा शिर्षकहरु

    चर्चित शिर्षकहरु

    Highlights राजनीति

    ओली-प्रचण्डको पार्टीभित्र चरम बिबाद, योगेश भट्टराईले बैठकमै यसरी पारे छताछुल्ल

    17.7K
    SHARES

    काठमाडौँ । 

    केपी ओली र प्रचण्डले आफुनिकटका नेताहरुलाई मात्रै काखी च्यापेपछि नेपाल कम्युनिष्ट पार्टी (नेकपा) भित्र यतिबेला आन्तरिक विवादको आगो दन्किरहेको छ ।

    सत्तारुढ दलकै नेताहरु आफ्नै पार्टीका अध्यक्ष समेत रहेका प्रधानमन्त्री केपी ओलीका काम कारवाहीमाथि कडा टिप्पणी गर्न थालेका छन् ।

    यसैबीच ओली-प्रचण्डको पार्टीका सांसद योगेश भट्टराईले बजेटले कोही पनि सन्तुष्ट नभएको बताएका छन् । सोमबार प्रतिनिधिसभाको बैठकमा बोल्दै उनले बजेटमा समन्यायिकताको सिद्धान्त नभएको भन्दै सरकारमाथि खनिए।

    ‘सांसद, स्थानीय तह, प्रदेशका जनता कोही पनि बजेबाट सन्तुष्ट छैनन्’, भट्टराईले भने, ‘यसले विकासका अवधारणा र मोडलका बारेमा गम्भीरतापूर्वक छलफल आवश्यक छ भन्ने देखाएको छ ।’ उनले समन्यायिकताको सिद्धान्तको आधारमा बजेट विनियोजन गर्न सरकारको ध्यानाकर्षण समेत गराएका छन् ।

    भौतिक पूर्वाधार तथा यातायात मन्त्रालय मातहतका विभिन्न शीर्षकमा विनियोजित बजेटमाथिको छलफलमा सहभागी हुँदै उनले विपक्षी दल असन्तुष्ट छ नै सत्तारुढ दलका सांसद र जनता पनि सन्तुष्ट नभएको बताए ।

    सांसद भट्टराईले खासगरि हिमाल केन्द्रीत पहाडका जिल्लामा पठाइएका बजेटले कति काम हुनसक्छ भनेर समीक्षा गर्नुपर्ने बताए । दक्षिण सीमादेखि हुलाकी राजमार्ग, पूर्व–पश्चिम राजमार्ग, पुष्पलाल, मदन भण्डारी राजमार्गसम्म सडक सञ्जालले जोड्ने हो भने समन्यायिकताको सिद्धान्तमा बजेट विनियोजन गर्नुपर्ने सुझाव उनले दिए ।

    उनले मुलुकभरका विभिन्न जेलमा रहेका २० हजार कैदी बन्दीलाई राज्यले श्रममा लगाउन सक्ने हो भने प्रभावकारी परिणाम ल्याउन सक्ने भन्दै त्यसतर्फ सोच्न सरकारको ध्यानाकर्षण गराए ।

    ओलीले बजेटका विषयमा नकारात्मक टिप्पणी नगर्न सांसदहरुको सचेत गराएपनि सत्तारुढ दलका सांसदहरुले सदनमा असन्तुष्टि पोख्ने काम रोकिएको छैन ।

    २०७५ असार ११ गते प्रकाशित

    प्रतिक्रिया

    आजको ट्रेन्डिङ