काठमाडौँ। लिबियाको पूर्वी क्षेत्रमा आँधीपछि आएको बाढीमा ज्यान गुमानेको सङ्ख्या ११ हजार ३ सय जना नाघेको छ ।
ड्यानियल आँधीसँगै परेको मुसलधारे वर्षाले बाढी आउँदा पूर्वी सहर डेर्नाका ११ हजार ३ सय जनाले ज्यान गुमाएका लिबियाली रेडक्रसका अधिकारीलाई उद्धृत गर्दै अल जजिराले जनाएको छ ।
१० हजार १ सय मानिस हराइरहेका विवरण प्राप्त भएको पनि रेडक्रसले जनाएको छ । बाढीका कारण ५० हजार जनाभन्दा धेरै मानिस विस्थापित भएका छन् ।
गएको आइतवार दिउँसो आँधी आएसँगै मुसलधारे वर्षा हुँदा २ वटा नदीका बाँध भत्केपछि बाढीले गाउँ-सहरका भवन र तिनमा बसेका मानिसलाई बगाएको थियो ।
उद्धारकर्ताहरूका अनुसार ९० हजार जनसङ्ख्या भएको डेर्नामा अहिले जताततै शवमात्र छरिएका छन् । डेर्नाका मेयर अब्दुलमेनम अल-गैथीधचले पनि ज्यान गुमाउनेको सङ्ख्या २० हजार पुग्ने बताएका छन् ।
सहरभन्दा ६० माइल पर पनि शव भेटिएक छन्।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
सञ्चारकेन्द्र 
प्रतिक्रिया