काठमाडौँ । नेकपा एमाले लुम्बिनी प्रदेशको नयाँ नेतृत्वका लागि दुई समूहकै उम्मेदवारी दर्ता गरिएको छ । बुटवलमा जारी लुम्बिनी प्रदेशको प्रथम अधिवेशनमा अध्यक्षसहितका पदमा दुई समूहले उम्मेदवारी दर्ता गरेपछि छुट्टाछुट्टै प्रतिस्पर्धामा हुने देखिन्छ ।
पार्टी अध्यक्ष केपी शर्मा ओलीले उद्घाटन र बन्दसत्रमा सहमतिमा टुङ्ग्याउन निर्देशन दिए पनि अध्यक्षसहित पदाधिकारीमा दुई समूहको छुटाछुट्टै उम्मेदवारी दर्ता भएको हो ।
आइतबार अबेरसम्म पनि सहमतिको प्रयास भए पनि अन्ततः अध्यक्षमा वर्तमान अध्यक्ष राधाकृष्ण कँडेल र केन्द्रीय सदस्य समेत रहेका हरिप्रसाद रिजालले उम्मेदवारी दर्ता गरेका छन् ।
निर्वाचन आयोगले सोमबार बिहानैबाट निर्वाचन कार्यक्रम सुरु गरेको छ । आज बिहान १० बजेसम्म मनोनयनको समय तोकेको छ । अहिलेसम्म निर्वाचन मण्डलले मतदान हुने/नहुने जानकारी भने गराईसकेको छैन । तर एक एमाले केन्द्रीय सदस्यका अनुसार अब निर्वाचन हुने पक्का भएको छ ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
सञ्चारकेन्द्र 
प्रतिक्रिया