काठमाण्डाै । शहीद स्मारक ‘ए’ डिभिजन लिग फुटबलमा नेपाल पुलिस क्लबले मच्छिन्द्र फुटबल क्लबलाई हराएको छ ।
आज आइतवार ललितपुरको च्यासल मैदानमा भएको खेलमा पुलिसले मच्छिन्द्रलाई २-१ गोलले हरायो । पुलिसका मोसेस ग्याबाह त्वामले दुई गोल गरे ।
मच्छिन्द्रका आफिज ओलावालेले गोल गरे । याे जितसँगै पुलिस ३७ अङ्कसहित चौथौ स्थानमा पुगेको छ । मच्छिन्द्र ३९ अङ्कसहित दोस्रो स्थानमा छ ।
पुलिस क्लबको जितपछि शीर्ष स्थानको चर्च ब्वाइजलाई उपाधि जित्न सहज भएको छ । चर्च ब्वाइजले अब एक खेल जितेमा उपाधि जित्नेछ ।
आजै दशरथ रङ्गशालामा भएको खेलमा न्युरोड टिम (एनआरटी) र हिमालयन शेर्पा क्लबले १–१ गोलको बराबरी खेलेका छन् । हिमालयन शेर्पाका लागि दिवस उराउ र एनआरटीका लागि दिपेश आलेमगरले गाेल गरे । एनआरटी ३० अङ्कसहित दशाैँ र हिमालयन शेर्पा ३१ अङ्कसहित सातौँ स्थानमा रहेको छ ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
सञ्चारकेन्द्र 
प्रतिक्रिया