ललितपुर । एपीएफ क्लबले ललितपुर मेयर्स कप महिला टी-२० प्रतियोगिता २०७९ को उपाधि हात पारेको छ ।
बिहीबार भएको फाइनल खेलमा एपीएफले कोशी प्रदेशलाई ५४ रनले हराउँदै उपाधिमाथि कब्जा जमाएको हो ।
एपीएफले प्रस्तुत गरेको १ सय ५५ रनको लक्ष्य पछ्याउने क्रममा कोशीले निर्धातिर २० ओभरमा ६ विकेटको क्षतिमा मात्र १ सय रन बनाउन सक्यो ।
कोशीका लागि रुविना चौधरीले ३५ रन तथा लतिका राजवंशीले २१ रनको योगदान दिइन् । एपीएफकी विनु बुढामगरले २ तथा रेखा रावलले एक विकेट लिइन् ।
यसअघि पहिलो ब्याटिङ गरेको एपीएफले १ विकेटको क्षतिमा १ सय ५४ रन बनाएको थियो । एपीएफका लागि सीता रानामगरले नटआउट रहँदै ७९ रन बनाइन् भने इन्दु वर्माले नटआउट रहेरै ५१ रनको योगदान दिइन् ।
कोशीका लागि एक मात्र विकेट अलिसा खड्काले लिइन् । एपीएफले लगातार तेस्रोपटक यो उपाधि जितेको हो ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
सञ्चारकेन्द्र 
प्रतिक्रिया