पर्वत। पर्वतको कुश्मा नगरपालिका-१ पाङ अदुवाबारीको भिरबाट लडेर बाग्लुङकी एक किशोरीको ज्यान गएकाे छ ।
बाग्लुङको बाङ्गेचौर र पर्वतको अदुवाबारी जोड्ने लामो झोलुङ्गे पुलकाे छेउबाट भिरमा खसेकी बाग्लुङ नगरपालिका-२ बस्ने १५ वर्षीया अप्सरा खातुनको ज्यान गएकाे हो ।
लामो पुल घुम्न परिवारसहित पुलको पूर्वतर्फ पर्ने अदुवाबारी पुगेकी खातुन तस्बिर खिच्ने बेला भिरमा खसेकी थिइन् । पुलको पूर्वतर्फको चौरमा राखिएको नेपाल टेलिकमको बोर्ड नजिकै तस्बिर खिच्ने क्रममा चिप्लिएर खातुन भिरमा लडेको पर्वतका प्रहरी प्रमुख मधुसूदन न्यौपानेले बताए।
न्यौपानेका अनुसार खातुनलाई अचेत अवस्थामा उद्धार गरिएको थियो । उद्धारपछि उपचारका लागि धौलागिरि अस्पताल पुर्याउँदै गर्दा उनको ज्यान गएको हो ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
सञ्चारकेन्द्र 
प्रतिक्रिया