बारा । डिभिजन वन कार्यालय बाराको गस्ती टोलीले बुधवार राति सालको काठसहित भ्यान नियन्त्रणमा लिएको छ ।
पूर्व – पश्चिम राजमार्गको पथलैया स्थित ५ किलोमिटर सडक खण्डको वन क्षेत्र भित्रबाट सालको काठ लोड गरेको अवस्थामा भ्यान नियन्त्रणमा लिएको हो ।
गोप्य सूचनाका आधारमा खटिएको वन गस्ती टोलीले गाडी नियन्त्रणमा लिए पनि तस्करहरू भने भाग्न सफल भएका थिए । १० थान गोलिया र बाग्मती प्रदेशको १२७ च ०८४२ नं को भ्यान मात्रै वन गस्ती टोलीले नियन्त्रण लिन सकेको वन कार्यालयले जनाएको छ ।
तस्करहरू ८-१० जनाको समूहमा आएको डिभिजन वन अधिकृत विनोद सिंहले बताए । भाग्ने क्रममा उनीहरूबाट एक थान ४ फिट, दुई थान ६ फिट र सात थान ७ फिट लम्बाइका १० वटा गोलिया करिब १ सय १० क्यु फिट बराबरको काठ नियन्त्रणमा लिएको छ ।
बरामद गरिएको सो गोलिया अहिलेको बजार मूल्यमा ५ लाख भन्दा बढीको रहेको वन कार्यालयले जनाएको छ । तस्करीमा संलग्न व्यक्ती र सो भ्यान कसको हो भन्ने विषयमा खोजी भइरहेको प्रहरीले जनाएको छ ।
यसरी वन क्षेत्रभित्रै भ्यान नै प्रयोग गरेर तस्करहरूले जङ्गल मास्न थालेपछि संरक्षणमा भने ठुलो चुनौती खादा भएको वन अधिकृतको भनाइ छ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
सञ्चारकेन्द्र 
प्रतिक्रिया