बेइजिङ । जनरल ली साङ्फुलाई आइतबार चीनको नयाँ रक्षामन्त्री घोषणा गरिएको छ । जनरल ली साङ्फु चीनको सैन्य आधुनिकीकरणको प्रयासको अनुहार मानिन्छन् ।
चिनियाँ सेनालाई थप स्तरोन्नति गरेको कारण नै अमेरिकाले रुसबाट हतियार लिएको आरोपमा उनीमाथि प्रतिबन्ध लगाएको थियो ।
तर, चिनियाँ प्रणालीमा उनको नयाँ पदलाई कूटनीतिक र औपचारिक पदका रूपमा मात्र हेरिएको छ । समाचार एजेन्सी रोयटर्सका अनुसार ली साङ्फुको पृष्ठभूमिलाई हेर्दा क्षेत्रीय कूटनीतिज्ञहरूले पनि उनको नियुक्तिलाई नजिकबाट नियालिरहेका छन् ।
अमेरिका र चीनबीच सैन्य वार्ताका लागि प्रयास भइरहेका बेला शाङ्फुको कार्यकाल सुरु भएको छ । गत वर्षको अगस्तमा अमेरिकी प्रतिनिधि सभाकी तत्कालीन सभामुख न्यान्सी पेलोसीको ताइवान भ्रमणले दुई देशबीचको सम्बन्धमा तिक्तता थपिएको थियो ।
ली साङ्फु एरोस्टेट इन्जिनियर पनि हुन् । उनले चीनको स्याटेलाइट कार्यक्रममा काम गरिसकेका छन्। चिनियाँ सेनाले सन् २०४९ सम्ममा विश्वस्तरीय बन्ने लक्ष्य राखेको छ ।
यस दिशामा अघि बढ्न ली साङ्फुको नियुक्ति राष्ट्रपति सी चिनफिङका लागि निकै महत्त्वपूर्ण रहेको विश्वास गरिन्छ । सन् २०१६ मा ली साङ्फु चिनियाँ सेनाको नयाँ रणनीतिक समर्थन बलको उप-कमाण्डर बनेका थिए ।
चिनियाँ सेनाको यस शाखाको उद्देश्य अन्तरिक्ष र साइबर क्षेत्रमा आपत्तिजनक क्षमता विकास गर्नु हो । ली पछि केन्द्रीय सैन्य आयोगको उपकरण विकास विभागको प्रमुख नियुक्त भएका हुन् ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
सञ्चारकेन्द्र 
प्रतिक्रिया