काठमाडौँ। ललितपुर महानगरपालिकाका शिक्षा अधिकृत शेषकान्त पौडेल १ लाख घुससहित पक्राउ परेका छन् ।
अख्तियार दुरुपयोग अनुसन्धान आयोगको टोलीले महानगरपालिकाको शिक्षा महाशाखामा कार्यरत सातौं तहका अधिकृत पौडेललाई सेवाग्राहीबाट लिएको १ लाख घुस रकमसहित पक्राउ गरेको हो ।
शिक्षकको सरुवा गर्दा उनले घुस रकम मागेका थिए । त्यसपछि ती शिक्षकले पौडेलले मागेजति रकम बिहीबार दिएका थिए ।
रकम दिनुअघि ती शिक्षकले अख्तियारलाई पनि खबर गरेका थिए । लगत्तै अख्तियारको टोली पौडेलको निगरानीमा खटिएको थियो ।
अख्तियारका सहायक प्रवक्ता देवीप्रसाद थपलियाले पौडेलले घुस रकम लिइसकेको अवस्थामा पक्राउ गरिएको बताएका छन् । उनीमाथि आवस्यक अनुसन्धान भइरहेको सहायक प्रवक्ता थपलियाले जानकारी दिए ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
सञ्चारकेन्द्र 
प्रतिक्रिया