काठमाडौँ। नेपाली राष्ट्रिय क्रिकेट टोलीका पूर्व कप्तान सन्दीप लामिछानेलाई युएई पठाउन नेपाल क्रिकेट संघ (क्यान) ले आईसीसीको पत्र पर्खिरहेको छ ।
मंगलबार काठमाडौँमा पत्रकारसंग कुरा गर्दै क्यानका म्यानेजर विनोद दासले सन्दीपलाई युएई पठाउन अन्तर्राष्ट्रिय क्रिकेट परिषद् (आईसीसी) को पत्र पर्खिरहेको बताएका हुन् ।
उनले भने, ‘हामीले पहिले नै आईसीसीलाई टिममा हेरफेर हुन सक्ने भनेर पत्र पठाएका थियौँ । तर जवाफ भने अझैआएको छैन् ।
विशेष परिस्थित र खेलाडी घाइते भएको अवस्थामा मात्र खेलाडी परिवर्तन गर्न पाउने व्यवस्था रहेको हुनाले गाह्रो छ । हामी युएई पठाउन निरन्तर प्रयासमा रहेका छौँ ।’
यद्यपि लामिछानेविरुद्धको नाबालिग किशोरी बलात्कार मुद्दा भने जिल्ला अदालत काठमाडौँमै विचाराधीन रहेको छ । उच्च अदालत पाटनले सन्दीपलाई २० लाख धरौटी र १० सर्तसहित रिहा गरेको थियो ।
त्यसपश्चात् उच्च अदालतको आदेश बदर हुनुपर्ने र लामिछानेलाई थुनामा राखेरै बलात्कार मुद्दा अघि बढाउनुपर्ने मागसहित महान्यायाधिवक्ता कायालयले १७ गते सर्वोच्चमा निवेदन दिएको थियो ।
उक्त निवेदनमा माघ २० गते सर्वोच्चले पाटन उच्च अदालतको फैसलाको मिसिल (कैफियत प्रतिवेदन) झिकाउने आदेश दिएको थियो ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
सञ्चारकेन्द्र 
प्रतिक्रिया