काठमाडौँ। आइसिसी यू-१९ विश्वकप एसिया क्षेत्र छनोट अन्तर्गत कुवेत विरुद्धको खेलमा नेपालले ५ विकेट लिएको छ ।
युएईमा जारी यो खेलमा नेपालले बनाएको ३ सय ४४ रनको विशाल लक्ष्य पछ्याउने क्रममा कुवेतले पहिलो विकेट ५ ओभर ४ बलमा , दोश्रो विकेट ७ ओभरमा , तेश्रो विकेट ७ ओभर ३ बलमा तथा चौथो विकेट ८ ओभर ३ बलमा गुमाउँदै कमजोर प्रर्दशन गरेको हो ।
नेपालका बलर आकाश चन्दले ३ र हेमन्त धामीले २ विकेट लिएका छन । ताजास्थीतीमा कुवेतले १३ ओभरमा ५ विकेटको क्षतीमा ५८ रन बनाएर खेलीरहेको छ ।
यस अघि युएईको मलेक क्रिकेट ग्रउन्डमा टस जितेर पहिला ब्याटिङ थालेको नेपालले निर्धारित ५० ओभरमा ७ विकेट गुमाउँदै ३ सय ४३ रन बनायो ।
नेपाललाई विशाल योगफलमा पुर्याउन देव खनाल र अर्जुन कुमालले उत्कृष्ट शतकीय इनिङ खेले । नेपाली क्रिकेट इतिहासमा पहिलो पटक एकै इनिङमा दुई ब्याटरले शतक हानेका हुन् । देव खनालले १ सय ५ बलमा शतक पूरा गरेका थिए । ओपनर दीपक बोहरा २७ बलमा २ चौकासहित १३ रनमा आउट भए ।
ओपनर अर्जुन कुमाल र दीपक बोहराले ८.४ ओभरमा ४० रन जोड्दै राम्रो सुरुवात दिलाएका थिए । कुवेतका हेनरी थोमसले १० ओभरमा ६६ रन खर्चेर २ विकेट लिएका हुन् ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
सञ्चारकेन्द्र 
प्रतिक्रिया