मस्को। रुसले संयुक्त राज्य अमेरिकासँगको नयाँ रणनीतिक हतियार न्यूनीकरण सन्धि (नयाँ स्टार्ट) मा आफ्नो सहभागिता तोड्न लागेको छ ।
राष्ट्रपति भ्लादिमिर पुटिनले संघीय सभालाई आफ्नो वार्षिक सम्बोधन गर्ने क्रममा सो धारणा राखेका हुन् । विस्तृत विवरण आउन बाँकी छ ।
यस्तै, रुसका राष्ट्रपति भ्लादिमिर पुटिन युक्रेन युद्धको वर्ष दिन पूरा भएके अवसरमा आफ्ना देशवासीलाई सम्बोधन गरिरहेका छन् ।
मस्कोको गोस्टिनी डावर हलमा भइरहेको उनको सम्बोधन सुन्नका लागि थुप्रै मन्त्री र अधिकारी उपस्थित छन् । यो अवसरमा रुसी संसदका थुप्रै सदस्य उपस्थित रहेका छन् । भ्लादिमिर पुटिनले आफ्नो सम्बोधन सुरु गर्ने बित्तिकै मानिसहरू उनको सम्मानमा उभिए ।
पुटिन भन्छन् ‘यो समय हाम्रो देशका लागि जटिल र चुनौतीपूर्ण छ र यस बीचमा यो संसार द्रुत रूपमा परिवर्तन हुँदै छ । ऐतिहासिक घटनाहरूले हाम्रो देशको भविष्य निर्धारण गर्नेछ र हामी सबै ठुलो जिम्मेवारीमा बाँधिएका छौँ र युक्रेनमा रुसको आक्रमण ‘विशेष अभियान’ हो । रुस निरन्तर नाजी खतरासँग जुधिरहेको थियो । युक्रेन सरकारले पनि रुसप्रति घृणा र खतरालाई निरन्तर बढाइरहेको थियो । यस्तै युक्रेन रुस आएर सहयोग गरोस् भनेर पर्खिरहेको थियो ।’ उनले भने ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
सञ्चारकेन्द्र 
प्रतिक्रिया