काठमाडौं । बार्सिलोनाले स्पानिस ला लिगामा आइतबार राति सेभियालाई ३-० ले पराजित गर्दै दोस्रो स्थानको रियल मड्रिडमाथि ८ अंकको फराकिलो अग्रता कायम गरेको छ ।
दोस्रो हाफमा उत्कृष्ट प्रदर्शन गर्दै बार्सिलोनाले तीन गोल गरेको थियो भने बार्सिलोनाका लागि जोर्दी अल्वाले ५८ औं, गावीले ७०औं र राफिन्हाले ७९ औं मिनेटमा गोल गरेक हुन् ।
त्यसअघि भएको खेलमा रियल भने मालोर्कासँग १-० ले पराजित भएको थियो । जितपछि शीर्ष स्थानको बार्सिलोनाको २० खेलबाट ५३ अंक भएको छ ।
बार्सिलोनासँग पराजित सेभिया २१ अंकसहित १६औं स्थानमा छ । यो रेलिगेसन जोनभन्दा २ अंकले मात्र अघि हो । अन्य खेलमा रियल भाल्लाडोलिडले रियल सोसिडाडलाई तथा गिरोनाले भ्यालेन्सियालाई समान १-० ले पराजित गरेको छ ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
सञ्चारकेन्द्र 
प्रतिक्रिया