काठमाडौँ। सत्ता गठबन्धनको प्रमुख घटक नेकपा एमालेका अध्यक्ष केपी शर्मा ओली प्रधानमन्त्री पुष्पकमल दाहाललाई भेटन बालुवाटार पुगेका छन् ।
अध्यक्ष ओली रवि लामिछानेलाई पुनः गृह मन्त्रालयमा फर्काउने मनस्थितीमा रहेको स्रोतको भनाइ छ । नेकपा एमालेकै महासचिव शंकर पोखरेलले आइतबार आफ्नो एउटा भाषणमा त्यसको संकेत दिइसकेका छन् ।
महासचिव पोखरेलले सत्ता समिकरणमा फेरबदल ल्याउन रवि लामिछानेलाई मुद्दा हालिएको बताए । उनको यो भनाइबाट यही निष्कर्षमा नेकपा एमाले पुगेको बुझ्न सकिन्छ ।
यही निष्कर्षलाई आत्मसात गर्दै सत्तालाई थप मजवुद बनाउन एमाले अध्यक्ष ओलीनै रवि लामिछानेलाई पुनः गृह मन्त्रालयमा फर्काउने तयारीमा लागिरहेको र उनले प्रधानमन्त्री दाहाललाई दबाव दिइरहेको स्रोतको भनाइ छ ।
यही सिलसिलामा बालुवाटारमा अध्यक्ष ओली र प्रधानमन्त्री दाहालबीच छलफल हुँदै छ । संवैधानिक व्यवस्था अनुसार उनी सांसदमा निर्वाचित नभएपनि ६ महिनासम्म सरकारमा बस्न सक्छन् ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
सञ्चारकेन्द्र 
प्रतिक्रिया