काठमाडौँ। नेपालको ७४ वर्षे हवाई इतिहासमा पहिलो पटक काडमाडौंबाहिर भैरहवामा गौतम बुद्ध अन्तर्राष्ट्रिय विमानस्थल सञ्चालनमा आउँदा आधा दर्जनभन्दा बढी विदेशी एयरलाइन्सले उडान भर्न चाहेको बताइएको थियो ।
गत जेठ २ गते विमानस्थल उद्घाटन समारोहमै नेपाल नागरिक उड्डयन प्राधिकरणका अधिकारीहरूले केही महिनाभित्रै अन्तर्राष्ट्रिय वायुसेवा कम्पनी भैरहवा आउने बताएका थिए ।
श्रीलंकन एयर, फ्लाई दुबई, थाई स्माइल, गल्फ एयर, ओमन एयर, कतार एयर, सलाम एयरलगायत ११ मुलुकका एयर कम्पनीले भैरहवाबाट उडान भर्न इच्छुक रहेको बताइएको थियो ।
विमानस्थलका प्रवक्ता सुभाष झाले सेप्टेम्बरदेखि भैरहवा-आबुधाबीका लागि बिज एयरवेजले सातामा तीनवटा उडान गर्नेगरी प्रक्रिया थालिसकेको त्यतिबेलै बताएका थिए । तर अहिले ‘बिजनेस’ अभावको कारण देखाउँदै बिज एयरवेज पछाडि हटिसकेको छ ।
भैरहवाबाट उडान गर्न आतुर रहेका भनिएका अन्तर्राष्ट्रिय वायुसेवा कम्पनी एकाएक किन पछाडि हटिरहेका छन् त रु यसको जबाफ न प्राधिकरणसँग छ, न सरकारसँग ।
बरु यसअघि सातामा तीन दिन अन्तर्राष्ट्रिय उडान गर्दै आएको जजिरा एयरवेजसमेत भैरहवाबाट काठमाडौं नै फर्किएको छ । चार्टर्ड उडान गर्दै आएको हिमालय एयरलाइन्स पनि फर्केर काठमाडौं गएको छ ।
यस्तै वरिष्ठ वनस्पतिविद् डा. तीर्थबहादुर श्रेष्ठलाई नेपाल फोरम अफ साइन्स जर्नालिस्ट (एनएफएसजे)द्वारा सम्मानित भएका छन् । एनएफएसजेको नवौं वार्षिकोत्सवका अवसरमा विज्ञान तथा प्रविधिको क्षेत्रमा अध्ययन, अनुसन्धानमा निरन्तर सक्रिय भएर विज्ञानप्रविधिसँग सम्बन्धित सञ्चारसामग्री सरल भाषामा तयार गरी आमजनतालाई सुसूचित गरेको भन्दै एनएफएसजेले सम्मान गरेको हो ।
श्रेष्ठले २०२० सालदेखि निरन्तर रुपमा विज्ञान लेखन गर्दै आएका छन् । उनले वैज्ञानिक अध्ययन, अनुसन्धानलाई सरल र स्पष्ट भाषामार्फत आमजनलाई सुसूचित गराउने काम गरेको र धेरैलाई विज्ञान लेखनमा आकर्षिक गरेको एनएफएसजेका सचिव गोविन्द पोखरेलले बताए ।
कार्यक्रममा पूर्व विज्ञान तथा प्रविधिमन्त्री इन्जिनियर गणेश साहले वैज्ञानिक, अनुसन्धानदाता, उद्यमी र पत्रकारबीचको सहकार्यमा जोड दिँदै विधागत पत्रकारिताले प्राथमिकता पाउन थालेकामा खुशी व्यक्त गरे । नास्टका प्रवक्ता एवं प्रविधि संकायका प्रमुख रवीन्द्र ढकालले विज्ञानका समाचारहरु नेपाली मिडियामा पछिल्लो समय निरन्तर रुपमा आउन थालेको बताए ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
सञ्चारकेन्द्र 
प्रतिक्रिया