• News Portal

    • आज :

    ताजा शिर्षकहरु

    चर्चित शिर्षकहरु

    समाचार

    स्याङ्जाको फुटबल मैदानमा हेलिकोप्टर उतार्ने पाइलट निलम्बन

    314
    SHARES


    काठमाडौं । पोखराबाट स्याङ्जा जान अनुमति लिएर उडेको प्रभु हेलिकोप्टरका पाइलट रानेश डंगोल निलम्बनमा परेका छन् ।

    नेपाल नागरिक उड्डयन प्राधिकरणका अनुसार पाइलटले जोखिम हुँदाहुँदै पूर्वअनुमति नलिई फूटबल मैदानमा हेलिकोप्टर अवतरण गराएपछि पाइलटलाई निलम्बन गर्ने निर्णय गरेको हो ।

    प्राधिकरणका प्रवक्ता जगन्नाथ निरौलाका अनुसार पाइलटले स्याङ्जा जाने भनेर पोखराबाट अनुमति लिएका थिए ।

    तर, फुटबल ग्राउण्डमै अवतरण गराउने भनेका थिएनन् । सामान्यतया हेलिकोप्टर उडानमा पाइलटले यात्रुले दिएको लोकेसनमा सबैभन्दा सुरक्षित स्थान हेरेर अवतरण गराउने निर्णय लिन सक्छन् ।

    तर, फुटबल खेल भइरहेको मैदानमा मानवीय गतिविधि हुने र यसले हेलिकोप्टरको सुरक्षामा जोखिम हुने जान्दाजान्दै अवतरण गराएपछि उनी कारवाहीको दायरामा आएका हुन् ।

    यस्तै, गोरखामा नियम विपरीत नदिजन्य सामग्री ओसारपसार गरिरहेका १३ वटा ट्रिपरलाई प्रहरीले नियन्त्रणमा लिएको छ ।

    सोमवार राति र मङ्गलवार बिहान जिल्लाका विभिन्न ठाउँबाट १३ वटा ट्रिपर नियन्त्रणमा लिएर कारबाही प्रक्रिया अघि बढाइएको जिल्लाका प्रहरी उपरीक्षक (एसपी) केदार खनालले बताए ।

    १० वटा ट्रिपर इलाका प्रहरी कार्यालय ठाँटीपोखरी, एउटा जिल्ला प्रहरी कार्यालय र ३ वटा प्रहरी चौकी नयाँ साँघुको टोलीले नियन्त्रणमा लिएको उनले बताए ।

    सञ्चारकेन्द्र
    emailsanchar@gmail.com

    नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।

    सञ्चारकेन्द्रबाट थप +



    प्रतिक्रिया