काठमाडौँ। विश्व प्रसिद्ध अन्तरीक्ष यात्री बज एड्रिनले ९३ औं जन्मदिनको अवसरमा चौथो विवाह गरेका छन् । लामो समयदेखि प्रेमिका रहेकी एन्क फाउरसँग उनीले विवाह गरेका हुन् । फाउर ६३ वर्षकी रहेकी छिन् ।
एड्रिन निल आर्मस्ट्रङसँगै चन्द्रमा अवतरण गर्ने दोस्रो व्यक्ति हुन् । अमेरिकी सञ्चार माध्यमहरुले सानो निजी समारोहमा एड्रिनको विवाह भएको जनाएका छन् । एड्रिनले यसअघि तीन जनासँग विवाह गरिसकेका थिए । तर उनीहरूसँग पारपाचुके पनि भइसकेको छ ।
उनीहरूबाट एड्रिनका तीन सन्तान रहेका छन् । विवाहको बारेमा ट्विट गर्दै उनले आफू किशोर अवस्थामा पुगेको भन्दै किशोर प्रेमीको जस्तै अनुभव भएको बताएका छन् ।
एड्रिन सन् १९६९ मा एपोलो इलाभेन यानमा चन्द्रमा पुगेका थिए। आर्मस्ट्रङसँग चन्द्रमा पाइला टेकेका उनी १९७१ मा अन्तरीक्षयात्रीबाट सेवानिवृत हुनुअघि १२ दिन अन्तरीक्षमै बिताएका थिए ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
सञ्चारकेन्द्र 
प्रतिक्रिया