काठमाडौँ। मकवानपुरको हेटौंडामा एक किशोरलाई चक्कु प्रहार गरेको आरोपमा दुई जनालाई जिल्ला प्रहरी कार्यालय मकवानपुरले पक्राउ गरेको छ ।
हेटौंडा उपमहानगरपालिका १७ राजदेवीमा मादक पदार्थ सेवन गरी चक्कु प्रहार गर्ने दुई युवालाई प्रहरीले पक्राउ गरेको हो ।
हेटौंडामा पछिल्ला महिनामा सामान्य भनाभनका घटनामा पनि शरीरमा गहिरो चोट लाग्ने गरी चक्कु प्रहार गर्ने गरिएको भेटिन थालेको छ ।
आज दिउँसो मादक पदार्थ सेवन गरेका युवाहरूले साइकलमा कवाडीको काम गर्ने भारत मोतिहारी घर भई हेटौंडा-४ कमलडाडा बस्ने अन्दाजी १८ वर्षीय जोधाकुमार सहनिलाई चक्कु प्रहार गरेका थिए ।
लुट्ने प्रयास स्वरूप सहनिलाई मादक पदार्थ सेवन गरेका हटिया बस्ने अन्दाजी ३२ को सन्तोष राई र हेटौंडा ९ लामसुरे बस्ने अन्दाजी १९ वर्षीय शुशिल मोक्तानले चक्कु प्रहार गरेको मकवानपुर प्रहरी प्रवक्ता डिएसपी टेकबहादुर कार्कीले बताए ।
चक्कु प्रहार गरी फरार रहेका दुवै जनालाई वडा प्रहरी प्रमुख प्रहरी निरीक्षक केशरकुमार न्यौपाने नेतृत्वकाे टोलीले हेटौंडा १७ सिसौघारीबाट चक्कुसहित पक्राउ गरेको जनाइएको छ ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
सञ्चारकेन्द्र 
प्रतिक्रिया