काठमाण्डाै। सुदूरपश्चिम, लुम्बिनी, कर्णाली र गण्डकी प्रदेशका हिमाली भेगमा सामान्य वर्षा र हिमपात सुरु भएको छ । पश्चिमी न्यून चापीय प्रणालीको प्रभावका कारण ती क्षेत्रमा मौसम बदलीसँगै सामान्य वर्षा र हिमपात सुरु भएको हो ।
आज बुधवार बिहान नेपाल प्रवेश गरेको पश्चिमी वायुको कारण सुदूरपश्चिम, लुम्बिनी, कर्णाली र गण्डकी प्रदेशमा आज र भोलि बिहीवार बर्षा तथा हिमपात गराउने सम्भावना रहेको जलवायुविज्ञ डा. धर्मराज उप्रेतीले बताएका छन् ।
अहिले तराईको हुस्सु भने हटेको छ । भोलि बिहानीपख फेरि हुस्सु लाग्ने उप्रेतीले बताए ।
मौसम पूर्वानुमान महाशाखाले अघि बेलुकी ६ बजे निकालेको मौसम पूर्वानुमान बुलेटिनमा पनि आउँदो ३ दिन पश्चिम क्षेत्रका उच्च पहाड र हिमाली क्षेत्रमा सामान्य वर्षा र हिमपातको सम्भावना रहेको उल्लेख गरिएको छ ।
पश्चिमी न्यून चापीय प्रणालीले पश्चिमका पहाडी क्षेत्रमा सामान्य वर्षा गराए पनि ठूलो पानी पर्ने सम्भावना भने नरहेको जलवायुविज्ञ उप्रेतीलेबताए छन् ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
सञ्चारकेन्द्र 
प्रतिक्रिया