• News Portal

    • आज :

    ताजा शिर्षकहरु

    मनोरञ्जन समाचार

    खल्तीको नयाँ अफर : १ हजार वर्ल्डकप टिभी प्याकेज

    607
    SHARES


    काठमाडौँ। नोभेम्बर २० देखि कतारमा हुन गइरहेको फुटबल वर्ल्डकपको लागि खल्तीले वर्ल्डकप टीभी प्याकेज ल्याएको छ ।

    यो प्याकेज अन्तर्गत प्रयोगकर्ताहरूले ५ सय रूपैयाँ र भ्याट ६५ रूपैयाँमा प्याकेज खरिद गर्न सक्नेछन् । खल्तीले आफ्ना प्रयोगकर्ताहरूका लागि १ हजार वर्ल्डकप टिभी प्याकेजहरूको रोमाञ्चक उपहार ल्याएको हो ।

    खल्ती प्रयोगकर्ताहरूले ‘विश्वकप’ खल्ती क्विज, डिल डे अफर, दामी क्यूआर स्क्यानमा सहभागी भइ विश्व कप टिभी प्याकेज जित्न सक्नेछन् भने केही भाग्यशाली प्रयोगकर्ताहरूले विश्वकप टिभी प्याकेज खरिदमा सतप्रतिशत क्यासब्याक पाउने कम्पनीले जानकारी दिएको छ ।

    खल्तीका प्रमुख कार्यकारी अधिकृत विनय खड्काले फुटबलको क्रेजलाई ध्यानमा राखेर आफूहरूले प्याकेज ल्याएको बताए । ‘विश्वभरी सबैभन्दा धेरै हेरिने खेलकुद इभेन्टहरूमध्ये यसको क्रेजलाई ध्यानमा राख्दै हामी प्रत्येक नेपालीको घर घरमा यो सेवा तत्काल उपलब्ध गराउने सुनिश्चित गर्न डिजिटल भुक्तानीको सुविधा दिन पाउँदा खुसी छौं, यसको शीर्षमा, मलाई विश्वास छ कि हाम्रा प्रस्तावहरू र उपहारहरूले यस विश्वकपको सिजनलाई थप आकर्षक र रमाइलो बनाउनेछ,’ प्रमुख कार्यकारी अधिकृत खड्काले भने ।

    खल्ती एपभित्र नेट टिभीलगायतका अन्य टीभी प्रदायकहरूको वर्ल्डकप टिभी प्याकेजहरू उपलब्ध छन् । अफरमा सहभागी हुन सबै खल्ती प्रयोगकर्ताहरूले सक्नेछन् भने लक्की ड्रको लागि योग्य हुन केवाईसी भेरिफाइड अनिवार्य छ । केवाईसी भेरिफाइड नभएका प्रयोगकर्ताले पनि सजिलै केही मिनेटमै केवाईसी भेरिफाइ गराएर अफरमा सहभागी हुन सक्ने कम्पनीले जानकारी दिएको छ ।

    खल्ती आफ्नो सेवाको छैठौं वर्षमा पुगेको छ । खल्तीमा हाल २५ लाखभन्दा बढी प्रयोगकर्ताहरू र ६० हजारभन्दा बढी एजेन्ट नेटवर्कसँगै देशभरको परिवारमा वृद्धि गरेको छ ।

    सबै नेपालीहरूमा वित्तीय साक्षरता ल्याउने उद्देश्यका साथ खल्तीले आफ्ना डिजिटल सेवा मार्फत बिल भुक्तानी, मोबाइल र टिभी रिचार्ज, हवाई र सिनेमा टिकट बुकिङ, बीमा शुल्क, इ–कमर्सहरू, सरकारी राजस्व, फोहोर व्यवस्थापन बिलहरू जस्ता डिजिटलाइज्ड सेवाहरू उपलब्ध गराएको छ ।

    सञ्चारकेन्द्र
    emailsanchar@gmail.com

    नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।

    सञ्चारकेन्द्रबाट थप +



    प्रतिक्रिया