• News Portal

    • आज :

    ताजा शिर्षकहरु

    समाचार

    गुल्मीमा कांग्रेसका बागीको झाँक्रीलाई समर्थन

    473
    SHARES


    काठमाडौँ। गुल्मी क्षेत्र नम्बर-२ मा सत्तारुढ गठबन्धनकी उम्मेदवार रामकुमारी झाँक्रीविरुद्ध बागी उम्मेदवारी दिएका नेपाली कांग्रेसका नेता डा.दामोदर भुसालले झाँक्रीलाई समर्थन गर्दै उम्मेदवारी फिर्ता लिएका छन् ।

    आफूले कसैको समर्थन र विरोधमा उम्मेदवारी नदिएको, कांग्रेस भित्र लोकतन्त्रको लडाई लडेको तर जिल्लाभरका तमाम कार्यकर्ताको दबाव थेग्न नसकी उम्मेदवारी फिर्ता लिएको भुसालले भुसालको भनाई छ

    उम्मेदवारी मनोनयन गर्दा उनको समर्थक बसेका रवीन्द्र घिमिरेले डाक्टर दामोदर भुसालको उम्मेदवारी फिर्तालाई सकारात्मक रुपमा लिन आग्रह गरेका छन् । त्यस्तै मुसिकोट १ का वडाध्यक्ष मोहन घिमिरेले तमाम कार्यकर्ताहरूको अपार माया र समर्थन रहेका भुसालले कार्यकर्ताहरूको अनुरोध स्वीकार गर्नु महान कार्य भएको भन्दै धन्यवाद दिएका छन् ।

    डाक्टर भुसालको उम्मेदवारी फिर्ताले आफूहरुको जीत सुनिश्चित भएको गुल्मी क्षेत्र नम्बर २ का गठबन्धनकी साझा उमेदवार रामकुमारी झाँक्रीको भनाइ छ । डाक्टर भुसाललाई धन्यवाद दिदै नेपाली कांग्रेस गुल्मीका सभापति खिलध्वज पन्थीले भुसालको उम्मेदवारी फिर्ताले उत्साह छाएको बताए ।

    जिल्लाका ६ वटै सिटको जित सुनिश्चित भएको उनले दावी गरेका छन् । क्षेत्र नम्बर १ देखि अन्य सबै सिट जित्ने तर क्षेत्र नम्बर २ मा भुसालको बागी उम्मेदवारीले मुस्किल ठानेको गठबन्धनलाई अब जित्छौ भन्ने मनोबल बढाएको गठबन्धन दलका नेताहरुको भनाइ छ ।

     

    सञ्चारकेन्द्र
    emailsanchar@gmail.com

    नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।

    सञ्चारकेन्द्रबाट थप +



    प्रतिक्रिया