• News Portal

    • आज :

    ताजा शिर्षकहरु

    चर्चित शिर्षकहरु

    अन्तराष्ट्रिय

    बग्दादको ‘ग्रीन जोन’ मा रकेट प्रहार, सुरक्षाकर्मीसहित पाँच जना घाइते

    561
    SHARES


    काठमाडौँ। इराकको राजधानी बग्दादमा नयाँ राष्ट्रपति चयनका लागि जारी संसद्को बैठक चलिरहेका बेला बिहीवार बग्दादको अति सुरक्षित हरित क्षेत्र (ग्रीन जोन) मा आठ वटा रकेट प्रहार भएका छन् ।

    इराकी राजधानीको ग्रीन जोन नजिकै संसद्को अधिवेशनका लागि भेला भएका बेला आक्रमण भएको अल जजिराले सैन्य वक्तव्यलाई उद्धृत गर्दै जनाएको छ । अल जजिराका अनुसार ३ सय २९ सदस्यमध्ये कम्तीमा २ सय ६९ जना उपस्थित भइ अधिवेशन स्थगनका लागि गणपूरक सङ्ख्या पुगेपछि इराकी संसद्को बैठक स्थगन गरी दिउँसो पुनः बस्ने गरी सूचना जारी गरिएको थियो ।

    राष्ट्रपतिको मनोनयनमा पहिलो चरणको मतदानमा आवश्यक दुई तिहाइ बहुमत प्राप्त गर्न असफल भएको थियो । समाचार तयार पार्दासम्म दोस्रो चरणको प्रयास जारी रहेको थियो ।

    इरान समर्थित सिया पार्टीहरूको गठबन्धनले मोहम्मद सिया अल सुडानीलाई प्रधानमन्त्री पदका लागि उम्मेदवार बनाएको र संसदमा सबैभन्दा ठूलो समूह भएको दाबी गर्दै औपचारिक पत्र बुझाएपछि रकेट आक्रमण भएको हो ।

    बिहीवारको आक्रमणमा सुरक्षाकर्मीसहित कम्तीमा पाँच जना घाइते भएका छन् । इराकी प्रधानमन्त्री मुस्तफा अल कादिमीले ट्विटरमार्फत आक्रमणको निन्दा गर्दैभनेकी छन्छ, लोकतान्त्रिक प्रक्रियामा बाधा पुर्‍याउने कुनै पनि प्रयासलाई हामी स्पष्टरूपमा अस्वीकार गर्दछौँ । हामी राजनीतिक सङ्कट अन्त्यका लागि संवैधानिक समय सीमा पूरा गर्न समर्थन गर्दछौँ । यद्यपि तत्काल कुनै जिम्मेवारी दाबी गरिएको छैन ।

    अल जजिराका अनुसार गएकाे महिनाको अन्त्यमा भएको एक घटनामा सांसदहरूले संसद्को उपसभामुखको पक्षमा मतदान गर्न लागेका बेला ग्रीन जोनमा रकेट प्रहार गरिएको थियो ।

    इराकी धर्मगुरु अल सदरका समर्थकहरूले गएकाे जुन ३० मा संसदमा धावा बोलेका थिए र अल सुडानीलाई पहिलो पटक मनोनीत गरिएपछि सरकार गठन प्रक्रियामा अवराेध गरेका थिए ।

    सन् २०२१ को अक्टोबरमा इराकमा भएको चुनावमा अल–सदरको समूहले ७३ सिट जितेको थियो, जसले गर्दा यो ३ सय २९ सदस्यीय संसदमा सबैभन्दा ठूलो समूह बनेको थियो तर मतदानपछि नयाँ सरकार गठनका लागि वार्ता रोकिएको छ र अल-सदरले राजनीतिक प्रक्रियाबाट राजीनामा दिनुभएको छ । नयाँ सरकार गठनको विषयमा गतिरोध कायमै छ ।

    सन् २०१६ मा पनि अल सदरका समर्थकले संसद् भवनमा आक्रमण गरेका थिए । तत्कालीन प्रधानमन्त्री हैदर अल–अबादीले भ्रष्टाचार विरोधी अभियानमा पार्टी सम्बद्ध मन्त्रीहरूलाई जिम्मेवारीबाट हटाउन खोजेपछि उनीहरूले धर्ना दिएका थिए र राजनीतिक सुधारको माग गरेका थिए ।

    सन् २०१९ मा भ्रष्टाचार र बेरोजगारीलाई लिएर जनआक्रोशका बीच व्यापक विरोध प्रदर्शन भएको थियो र यो वर्तमान विरोध प्रदर्शन तेलको धनी देशका लागि चुनौती समेत बनेको छ ।

    सञ्चारकेन्द्र
    emailsanchar@gmail.com

    नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।

    सञ्चारकेन्द्रबाट थप +



    प्रतिक्रिया