• News Portal

    • आज :

    ताजा शिर्षकहरु

    चर्चित शिर्षकहरु

    अन्तराष्ट्रिय

    इरानबाट चीन उडेको जहाजमा बमको सूचना, नयाँ दिल्लीले अवतरणको अनुमति नदिए पछि…

    556
    SHARES


    काठमाडौं । सोमबार बिहान भारतीय समय अनुसार ९ बजेर २० मिनेटमा भारतीय एयर स्पेस प्रवेश गरेको इरानी कम्पनी महान एयरको जहाज डब्लू ५८१ मा बम रहेको खबर स्वयम् पाइलटले नयाँ दिल्लीस्थित एयर ट्राफिक कन्ट्रोलरलाई दिए ।

    लगत्तै, इन्दिरा गान्धी विमानस्थलमा सतर्कता मात्र अपनाइएन, भारतीय सुरक्षा एजेन्सीहरुले समेत सकर्तता लिए । तर, जहाजलाई नयाँ दिल्ली विमानस्थलमा भने अवतरणको अनुमति दिइएन । भारतीय सञ्चार माध्यमहरुका अनुसार इरानबाट चीनको ग्वाङ्झाउका लागि उडेको यो जहाजले नयाँ दिल्लीमै अवतरणको अनुमति मागेको थियो । ‘सुरक्षालाई मध्यनजर गर्दै भारतीय वायुसेनाले नयाँ दिल्लीमा अवतरणको अनुमति दिन इन्कार गरेको हो’ समाचारहरुमा भनिएको छ ।

    यो जहाजलाई जोधपुर एयरवेशमा रहेको भारतीय वायुसेवाको जहाजले पच्छ्याएको थियो । ‘फ्लाइट राडार २४’ को तथ्यांक अनुसार जहाज नयाँ दिल्लीमा अवतरण गर्ने उद्देश्यले निर्धारित उचाई भन्दा तल आइरहेको थियो । सोहीकारण भारतीय वायुसेनाको दुई विमानले डब्लू ५८१ जहाजलाई आकासमै घेरेका थिए ।

    आपतकालिन अवस्थालाई मध्यनजर गर्दै जहाजलाई जयपुर वा चण्डीगढ विमानस्थलमा जान अनुमति दिइएको थियो । पाइलटले भने दुबै शहरमा जहाज अवतरण गराउन इन्कार गरे । सोहीकारण बिहान ९ बजेर २० मिनेट देखि १० बजेर ५ मिनेटसम्म जहाज दिल्लीको आकासमै घुमेको थियो । अन्तिममा पाइलटले जहाजलाई आफ्नो गन्तव्य चीनको ग्वाङ्झाउ नै लैजाने निर्णय लिए । जहाज गन्तब्यमा सुरक्षित अवतरण गरिसकेको समाचारमा उल्लेख गरिएको छ ।

    सञ्चारकेन्द्र
    emailsanchar@gmail.com

    नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।

    सञ्चारकेन्द्रबाट थप +



    प्रतिक्रिया