• News Portal

    • आज :

    ताजा शिर्षकहरु

    समाचार

    ओली कम्पनीको आयु मङ्सिर ३ सम्म मात्रै : मन्त्री चौधरी

    693
    SHARES


    काठमाडौँ। नेपाल सरकारका सहरी विकास मन्त्री तथा एकीकृत समाजवादीका पोलिटब्युरो सदस्य मेटमणि चौधरीले लोकतन्त्रको हरण गर्ने खोज्ने प्रतिगमनकारीहरू अब जनताले दण्डित गर्ने बेला आएको बताएका छन् । एकीकृत समाजवादी पार्टी राजपुर गाउँ कमिटीले आइतबार आयोजना गरेको पार्टी प्रवेश कार्यक्रम बोल्दै मन्त्री चौधरीले यस्तो बताएका हुन् ।

    मन्त्री चौधरीले नव प्रवेशीहरुलाई स्वागत गर्दै मुलुकलाई अन्योलमा पार्ने गरी ओली कम्पनीले जनमत कदर नगरी जनताले प्राप्त गरेको उपलब्धिलाई नै धरापमा पार्ने काम गरेकाले आगामी मङ्सिर ४ मा प्रतिगमनकारी ओली कम्पनीलाई दण्डितले गर्ने उपयुक्त समय रहेको बताए । उनले भने-‘ ओली कम्पनीको आयु अब मङ्सिर ३ सम्म मात्रै हो । जनताले आफ्नो अधिकार र मुलुकले प्राप्त गरेको उपलब्धि मास्ने ओलीलाई दण्डित गरेर छोड्ने छन् । ’

    ओली कम्पनीले कानुनी राज्यमा पनि तानाशाह प्रवृत्तिमा संघीय लोकतान्त्रिक व्यवस्था उपलब्धि माथि प्रतिकार गरेकाले मुलुकको प्राप्त उपलब्धिको रक्षाका लागि लोकतान्त्रिक शक्तिहरू एक ढिक्का भई प्राप्त उपलब्धिको रक्षाका लागि एक ढिक्का भएको उनले बताए । जसका लागि अग्रगमनकारी शक्तिहरू मुलु’कको भाग्य, भविष्य र जनताको पक्षमा उभिएर प्रतिगमनकारीहरू प्रतिकार गरिरहेको उनको भनाई थियो ।

    उनले थपे-‘ समाजवादी र सत्ता गठबन्धनको जन्म प्रतिगमनकारीहरूको विरुद्धसँगै मुलुकले प्राप्त गरेको उपलब्धिको रक्षाका लागि भएको हो । ’ जसले सत्ता स्वार्थ भन्दा माथि उठेर मुलुक र जनता अधिकारको रक्षाका लागि उभिएको छ । ’ तर बाह्य शक्तिको आडमा प्रतिगमनकारीहरू अझै मुलुकलाई अन्यौलता तर्फ लैजान खोजिरहेको उनको भनाई थियो । मुलुकलाई अन्यौलता तर्फ लैजाने र जनताको अधिकार कुचल्ने त्यस्ता प्रतिगमनकारीहरू मङ्सिर ४ पछि जनता आफ्नो अधिकार मार्फत दण्डित गर्ने उनको भनाई थियो ।

     

    सञ्चारकेन्द्र
    emailsanchar@gmail.com

    नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।

    सञ्चारकेन्द्रबाट थप +



    प्रतिक्रिया