• News Portal

    • आज :

    ताजा शिर्षकहरु

    राजनीति समाचार

    आज बस्ने सत्ता गठबन्धन बैठकले भागबण्डा टुंग्याउँछ : जसपा

    343
    SHARES


    काठमाडौँ। सत्ता गठबन्धन दलमा प्रतिनिधिसभातर्फका क्षेत्रको सिट बाँडफाँटमा सहमति भएको कुरा बाहिर आएको छ । पाँचवटै दलको बीचमा सहमति भइ सीट बाँडफाँट भएको भन्दै कसको भागमा कुन क्षेत्र परेको हो भन्ने कुरा बाहिर आएको हो । तर गठबन्धनको साझेदार दल जनता समाजवादी पार्टी नेपालले सीट बाँडफाँटको संख्या आधिकारिक रुपमा आउन बाँकी रहेको बताएको छ ।

    गठबन्धनको बैठकमा सहभागी भइरहने जसपाका कार्यकारिणी सदस्य मनिष सुमनले भने, ‘अहिले सहमति नै भएको छैन, गठबन्धनमा छलफल जारी रहेको छ, छलफलबाट टुगों लागेपछि आउने लिस्ट नै आधिकारिक हुन्छ ।’ धेरै सिटमा सहमति भइसके पनि केही सिटमा दोहोरो, तेहरो दावी रहेको कारण सहमति हुन नसकेको उनको भनाइ रहेको छ ।

    आज बस्ने बैठकले त्यसलाई पनि टुंगो लगाउने उनले बताए । मधेश प्रदेशका केही क्षेत्रमा अझै सहमति जुटाउन बाँकी रहेको बताउँदै शीर्ष नेतासहित बस्ने कार्यदलको बैठकले आज टुंगो लगाउने उनले बताए । जसपाले देशैभर ३० सिटको दावी गरेको छ । मधेश प्रदेशमा मात्र २०-१५ सिटमा जसपाको दावी रहेको छ । तर जसपाको भागमा १५ सीट मात्र भाग परेको विवरण सार्वजनिक भएका छन् । सत्ता गठबन्धनको बैठक बिहीबार पनि बोलाइएको छ ।

    सञ्चारकेन्द्र
    emailsanchar@gmail.com

    नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।

    सञ्चारकेन्द्रबाट थप +



    प्रतिक्रिया