• News Portal

    • आज :

    ताजा शिर्षकहरु

    चर्चित शिर्षकहरु

    समाचार

    बालुवाटारमा ओलीले राखे ४ जिज्ञासा, देउवाले के जवाफ दिए ?

    474
    SHARES


    काठमाडौँ। प्रधानमन्त्री शेरबहादुर देउवा र एमाले अध्यक्ष केपी शर्मा ओलीबीच चार विषयमा छलफल भएको छ । बुधबार बिहान साढे ९ बजे प्रधानमन्त्रीको सरकारी निवास बालुवाटारमा प्रधानमन्त्री देउवा र एमाले अध्यक्ष ओलीबीच भेटवार्ता भएको हो । उनीहरुको भेटमा सञ्चारमन्त्री ज्ञानेन्द्र कार्की, एमाले उपाध्यक्ष सुवासचन्द्र नेम्वाङ र उपमहासचिव विष्णु पौडेल पनि सहभागी थिए ।

    सञ्चारमन्त्री कार्कीका अनुसार भेटमा ओलीले निष्पक्ष र शान्तिपूर्ण निर्वाचन प्रक्रिया, नागरिकता सम्बन्धि र महँगीका विषय प्रधानमन्त्री देउवासामु जिज्ञासा राखेका थिए । प्रधानमन्त्री देउवाले ओलीले उठाएका चारै विषयमा सकरात्मक जवाफ दिएका थिए ।

    सञ्चारमन्त्री कार्कीले प्रधानमन्त्री देउवाको भनाई उदृत गर्दै भने, ‘निर्वाचनको निष्पक्ष र विश्वसनियतामाथि तपाईँ निसंकोच भएर निर्वाचनको तयारी गर्नुस् । सरकारले निर्वाचन निष्पक्षपूर्ण ढंगले गर्छ ।’ उनका अनुसार शान्ति प्रक्रियालाई तार्किक निष्कर्षमा पुर्याउन चाहेको ओलीलाई प्रधानमन्त्री देउवाको जवाफ थियो । मन्त्री कार्कीले अगाडि भने, ‘नेपालीका छोराछोरीले नागरिकता नपाएको अवस्था छ । उनीहरुलाई नागरिकता पाउने व्यवस्था मिलाउने विधेयक ल्याउनु परेको हो भन्नुभयो ।’

    प्रधानमन्त्री देउवाले महंगी नियन्त्रण गर्न सरकार प्रतिबद्ध रहेको बताएका थिए । ओलीले राखेका चार विषयलाई गठबन्धनको बैठकमा पनि राख्ने प्रधानमन्त्री देउवाले बताए । उनले भने, ‘तपार्ईँले राखेका कुरामा मैले सकारात्मक रुपमा लिएको छु । यी सबै विषय गठबन्धनको बैठकमा पनि राख्छु ।’

    सञ्चारकेन्द्र
    emailsanchar@gmail.com

    नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।

    सञ्चारकेन्द्रबाट थप +
    प्रतिक्रिया

    आजको ट्रेन्डिङ